6701
edits
Changes
Առանց խմբագրման ամփոփման
*Գրել է տաղեր և արձակ էջեր: Ուշագրավ են Անի քաղաքին նվիրված «Ողբ» և «Արձանագրութիւնք յիշատակաց» ոտանավորները:
*Գրիգոր Օշականցու ստեղծագործական ժառանգությունն ամբողջությամբ չի հասել մեզ, սակայն, բարեբախտաբար, նրա երգերը, զանազան ձեռագրերում ցրված լինելու հետ մեկտեղ, պահպանվել են նաև առանձին գրչագրերով: Մեզ ծանոթ են այդպիսի չորս ձեռագիր: Դրանցի երկուսը գտնվում է Երևանի Մատենադարանում (ձեռ. N 6682 և 7672), իսկ երկուսը՝ Վիեննայի մատենադարանում (ձեռ. N 884 և 885): Այս ձեռագրերի համար նախնական հիմք է հանդիսացել Գրիգոր Օշականցու ինքնագիր «Տաղարանը», որը մեզ չի հասել, և որը հեղինակը հրատարակության է պատրաստել Էջմիածնում՝ 1878թ.:
*Գրիգոր Օշականցուց մեզ հայտնի են շուրջ 20 բանաստեղծություններ, 23 ոտանավոր և 3 տեսիլ: Այս բոլորից անցյալում տպագրվել է միայն երկու երգ: Ն. Ակինյանի վկայությամբ Տրդատ Պալյանը հրատարակության է պատրաստել Գրիգոր Օշականցու «Տեսիլները», որոնց տպագրությունը, սակայն, չի իրականացվել:*Իս ստեղծագործական երախայրիքը, երգերի առաջին գիրքը՝ «Տաղարանը», Գրիգոր Օշականցին նվիրում է իր հայրենի գավառում անմոռաց հիշատակ թողած Մեսրոպ Մաշտոցին՝ նշելով այն մեծ ու բարերար ազդեցությունը, որ թողել են նրա անունն ու գործը իր ստեղծագործական մտքի, իր կյանքի ու աշխատանքի վրա:
*Պահպանվել է Գրիգոր Օշականցու վարքը, որը գրել է XVIII դարի բանաստեղծ Հովհաննես Կարնեցին:
*Գրիգոր Օշականցին վախճանվել է Արևմտյան Հայաստանում իր շրջագայության ժամանակ: 1799թ. դեկտեմբերին, երբ նա Թիոմորա նահանգում ավարտում է իր գործերը և շտապում է Մուշ՝ Գլակա վանք ուխտի, որտեղից նա արդեն պիտի վերադառնար Էջմիածին, Հերթ գյուղում հիվանդանում է ժանտացավով և ստիպված կրկին վերադառնում է Կարին: Զգալով իր վիճակի անհուսալիությունը՝ Գրիգոր Օշականցին հրավիրում է իր մոտ բանաստեղծ և ուսուցիչ Հովհաննես Կարնեցուն, որի հետ մտերմացել էր Կարնո գավառում իր կատարած պտույտի ժամանակ, և խնդրում է նրան գրել իր կտակը: Վախճանվում է 42 տարեկան հասակում և թաղվում հենց այնտեղ՝ Կարինում՝ «ի կարգս գերեզմանին վարդապետաց»:
=Մատենագիտություն=
*[http://hpj.asj-oa.am/697/1/64-4(101).pdf Գրիգոր Օշականցու կյանքն ու ստեղծագործությունը:]
[[Category:թեգ1Հնագետներ]] [[Category:թեգ2Եպիսկոպոսներ]] [[Category:Գրողներ]] [[Category:Բանաստեղծներ]] [[Category:Եկեղեցական գործիչներ]]
