Շաթիրյան Սերգեյ Ալեքսանդրի
Hayazg-ից
| Շաթիրյան Սերգեյ Ալեքսանդրի | |
| Шатирян Сергей Александрович | |
| |
| Անգլերեն: | Shatiryan Sergey |
| Հայերեն: | Շաթիրյան Սերգեյ Ալեքսանդրի |
| Ծննդյան տարեթիվը: | 20.03.1907 |
| Ծննդավայրը: | Ալեքսանդրապոլ, Հայաստան |
| Մահվան տարեթիվը: | 18.10.1959 |
| Մահվան վայրը: | Լենինգրադ, Ռուսաստան |
| Համառոտ տվյալներ: Կոմպոզիտոր, դիրիժոր: | |
Բովանդակություն
Կենսագրություն
Ծնվել է 1907թ. մարտի (ապրիլի) 20(02)-ին Հայաստանի Ալեքսանդրապոլ (այժմ՝ ՀՀ Գյումրի) քաղաքում:
Մահացել է 1959թ. հոկտեմբերի 18-ին Ռուսաստանի Լենինգրադ (այժմ՝ Սանկտ-Պետերբուրգ) քաղաքում:
Կրթություն
- 1928թ. ավարտել է Երևանի կոնսերվատորիայի վալտոռնի դասարանը, միաժամանակ դասեր վերցրել Ալեքսանդր Սպենդիարյանից (գործիքավորում և ձևի վերլուծություն)։
- 1937թ. ավարտել է Լենինգրադի կոնսերվատորիան (1928-1931թթ.՝ վալտոռնահար, Վ․ Բույանովսկու դասարան և 1931-1934թթ.՝ դիրիժոր, Ալեքաանդր Գաուկի և Ս. Ելցինի դասարան)։
Աշխատանքային գործունեություն
- 1924-1928թթ.՝ Երևանի Սունդուկյանի անվան թատրոնի նվագախմբի դիրիժոր:
- 1934-1936թթ.՝ օպերայի և բալետի թատրոնի նվագախմբի դիրիժոր:
- 1937-1941թթ.՝ Լենինգրադի ռադիոյի սիմֆոնիկ նվագախմբի դիրիժոր:
- 1946-1947թթ.՝ Քիշնևի ֆիլհարմոնիկ նվագախմբի գլխավոր դիրիժոր:
- 1947-1948թթ.՝ Երևանի ֆիլհարմոնիկ նվագախմբի գլխավոր դիրիժոր:
- 1937-1941թթ. և 1948-1959թթ.՝ Լենինգրադի գիտահանրամատչելի ֆիլմերի ստուդիայի երաժշտական խմբագիր:
- 1934-1936թթ. դասավանդել է Երևանի կոնսերվատորիայում:
- 1950-1959թթ. դասավանդել է Լենինգրադի կոնսերվատորիայում:
Այլ
- Գրել է «Բուլղարական սյուիտ» (մեներգիչների, երգչախմբի և նվագախմբի համար, 1950թ.), սիմֆոնիկ 4 սյուիտ (1931թ., հայկական թեմաներով, 1936թ., 1949թ., 1958թ.), ջութակի և նվագախմբի ֆանտազիա (1953թ.), լարային կվարտետ (1928թ.), Կոմիտասի թեմաներով կվարտետային վարիացիաներ (1933թ.), ռոմանսներ, 2 սյուիտ էստրադային նվագախմբի, երաժշտություն դրամատիկական ներկայացումների և կինոնկարների համար, կատարել հայկական երգերի մշակումներ ձայնի և քառյակի համար (1937թ.)։
- Շաթիրյանը եղել է Արմեն Տիգրանյանի «Անուշ» օպերայի առաջին լիարժեք բեմադրության (1935թ., Երևանի օպերայի և բալետի թատրոն) երաժշտական ղեկավարը:
Տե՛ս նաև
- Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.2, Ճաղարյան-Ֆրիկ, 2007:
- ԵՊՀ Հայագիտական հետազոտությունների ինստիտուտ. Շաթիրյան Սերգեյ:
