Ներսես Պալիանենց

Ներսես Պալիանենց
Нерсес Палианенц
Այլ անուններ:	Պալիենց, Պալենց, Պալոն, Պաղոն
Անգլերեն:	Nerses Palianents
Հայերեն:	Ներսես Պալիանենց
Ծննդյան տարեթիվը:	XIII դ. վերջ
Ծննդավայրը:	Սիս, Դաշտային Կիլիկիա
Մահվան տարեթիվը:	1363
Մահվան վայրը:	Մանազկերտ, Մեծ Հայք
Համառոտ տվյալներ: Մատենագիր, ունիթորական շարժման ներկայացուցիչ:

Կենսագրություն

Ծնվել է XIII դարի վերջին Դաշտային Կիլիկիայի Սիս քաղաքում:

Մահացել է 1363թ. Մեծ Հայքի Մանազկերտ քաղաքում:

Աշխատանքային գործունեություն

• 1330-ական թթ. եղել է Ուրմիայի եպիսկոպոս:
• 1338թ. Բենեդիկտոս XII պապը նրան կարգել է Մանազկերտի արքեպիսկոպոս:

Այլ

• Հարելով հայ ունիթորներին՝ հրաժարվել է Հայ առաքելական եկեղեցու շնորհած եպիսկոպոսական կոչումից:
• 1336թ. մեկնել է Կիլիկիա, Կարինի Սիմեոն Բեկ եպիսկոպոսի և ուրիշ համախոհների հետ քարոզել կաթոլիկություն, լատինական եկեղեցու ծեսով մկրտել հայերին:
• 1341թ. Ավինյոնում պապին ներկայացրած գրքույկում Ներսես Պալիանենցը հայ Եկեղեցուն վերագրել է 117 «մեղադրանք»:
• 1348-1351թթ. թարգմանել է Մարտինոս Լեհացու (Օպավիացի, XIII դ.) «ժամանակագրութիւնը», որի որոշ հատվածների հավելել է հայոց պատմությանն առնչվող ժամանակագրական տեղեկություններ՝ վերջում կցելով հայ թագավորների և կաթողիկոսների անվանացանկերը, որոնք կազմելիս օգտվել է Մովսես Խորենացու և Եվսեբիոս Կեսարացու աշխատություններից:
• Թարգմանել է նաև լատիներեն ծիսարան «Մաշտոցը»՝ ավելացնելով պատմական հիշատակագրություններ:
• Թարգմանությունների բնագրերը պահպանվում են Երևանի և Վենետիկի Մխիթարյանների մատենադարաններում:

Մատենագիտություն

• Ներսես Պալիանենց, Մանր ժամանակագրություններ XIII-XVIII դդ., կազմող՝ Վ. Հակոբյան, հ.2, Երևան, 1956:

Տե՛ս նաև

• Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.2, Ճաղարյան-Ֆրիկ, 2007:
• Ներսես Պալիանենց:
• Летопись Нерсеса Палиенца на сайте Восточная литература.