Նազարյանց Հրանտ

Նազարյանց Հրանտ
Назарянц Грант
Անգլերեն:	Nazaryants Hrant
Հայերեն:	Նազարյանց Հրանտ
Ծննդյան տարեթիվը:	1884
Ծննդավայրը:	Կոստանդնուպոլիս, Թուրքիա
Մահվան տարեթիվը:	1963
Մահվան վայրը:	Բարի, Իտալիա
Համառոտ տվյալներ: Բանաստեղծ, ֆուտուրիզմի տեսաբան:

Կենսագրություն

Ծնվել է 1884թ. Թուրքիայի Կոստանդնուպոլիս քաղաքում:

Մահացել է 1963թ. Իտալիայի Բարի քաղաքում:

Կրթություն

• Սովորել է Կոստանդնուպոլսի հայկական վարժարաններում:

Աշխատանքային գործունեություն

• Ինքնուրույն և թարգմանական երկերով աշխատակցել է տասնյակ թերթերի, հանդեսների, տարեգրքերի:
• 1908թ. Պոլսում Տիգրան Զավենի հետ խմբագրել է «Սուրհանդակ» հանդեսը:
• 1909թ. Գարեգին Կոզիկյանի հետ խմբագրել է «Նոր հոսանք» պարբերականը:
• 1911-1912թթ. Լիպարիտ Նազարյանի հետ միասին, մասնակցությամբ Ռուբեն Զարդարյանի և Լևոն Շանթի, խմբագրել է «Ազատամարտ» շաբաթաթերթի «Բագին» գրական հավելվածը:

Այլ

• 1900թ. մեկնել է արտասահման, եղել Իտալիայում, Ֆրանսիայում, տարվել սիմվոլիստ գրողներով:
• Վերադառնալով ծննդավայր` 1902-1903թթ. մամուլում տպագրել է բանաստեղծություններ: Նրա գրիչը ավելի բեղմնավոր է դարձել օսմանյան սահմանադրության տարիներին (1908-1914)՝ իր անվան շուրջ ստեղծելով նկատելի հետաքրքրություն:
• Սկզբում ստեղծագործել է հայերեն, ապա՝ իտալերեն, ֆրանսերեն:
• Նամակագրական կապ է ունեցել ֆուտուրիզմի հիմնադիր իտալացի գրող Ֆիլիպո Տոմազո Մարինետտիի (1876-1944) հետ, նրա մի շարք բանաստեղծություններ թարգմանել հայերեն:
• «Ֆ. Թ. Մարինեթթին և ապագայապաշտութիւնը» գիրքը ֆուտուրիզմին նվիրված առաջին ուսումնասիրություններից է համաշխարհային գրականության պատմության մեջ:
• 1910թ. իր ծախքով և Մերուժան Պարսամյանի առաջաբանով հրատարակել է Հերանուշ Արշակյանի բանաստեղծությունները:
• Հրատարակել է իտալերեն գրքույկներ` Արշակ Չոպանյանի, Պետրոս Դուրյանի և այլ գրողների մասին:
• Առաջին համաշխարհային պատերազմից հետո բնակվել է Իտալիայում:

Նկարներ

• 
• 
• 
• 

Մատենագիտություն

• Նազարյանց Հ., Խաչված երազներ, բանաստեղծությունների ժողովածու:
• Նազարյանց Հ., Ֆ. Թ. Մարինեթթին և ապագայապաշտութիւնը, գիրք, 1910:
• Նազարյանց Հ., Եղիա Տեմիրճիպաշյանի սիրային նամակները. 1886-1889, 1910:
• Նազարյանց Հ., Օտարալեզու հայ գրողներ, Ե., 1989, էջ 11-26:

Տե՛ս նաև

• Ով ով է.հայեր (կենսագրական հանրագիտարան:Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.2, Ճաղարյան-Ֆրիկ, 2007:
• http://www.armenianlanguage.am/am/Encyclopedia_Nazaryanc_hrant ԵՊՀ Հայագիտական հետազոտությունների ինստիտուտ. Նազարյանց Հրանտ:]
• AV Production - Հրանտ Նազարյանց:
• Հրանտ Նազարյանց` 20-րդ դարասկզբի հայ բանաստեղծ:
• Հրանտ Նազարյանց/Hrand Nazariantz:
• Հրանտ Նազարյանց. Լուսավոր բանաստեղծը: