Հովհաննիսյան Րաֆֆի Ռիչարդի

Հովհաննիսյան Րաֆֆի Ռիչարդի
Ованнисян Раффи Ричардович
Անգլերեն:	Hovhannisyan Raffi
Հայերեն:	Հովհաննիսյան Րաֆֆի Ռիչարդի
Ծննդյան տարեթիվը:	20.11.1959
Ծննդավայրը:	Ֆրեզնո, Ամերիկա
Համառոտ տվյալներ: Իրավաբան, քաղաքագետ:

Կենսագրություն

Ծնվել է 1959թ. նոյեմբերի 20-ին Ամերիկայի Միացյալ Նահանգների Ֆրեզնո քաղաքում:

Կրթություն

• 1979-1980թթ. ավարտել է Կալիֆոռնիայի համալսարանի Լոս Անջելեսի մասնաճյուղը:
• 1982թ. ստացել է մագիստրոսի կոչում Մասաչուսեթս նահանգի Թաֆտս համալսարանի միջազգային օրենքի և դիվանագիտության Ֆլեչեր ինստիտուտում։

Աշխատանքային գործունեություն

• 1981-1982թթ. աշխատել է Թաֆտս համալսարանում որպես հայոց պատմության դասախոս:
• 1985-1989թթ.՝ իրավաբան Լոս Անջելեսի միջազգային փաստաբանական գրասենյակներում:
• 1989թ.՝ Ամերիկայի հայ փաստաբանների միության հիմնադիր-տնօրեն:
• 1990թ.՝ Հայաստանում Ամերիկայի հայկական համագումարի գրասենյակի տնօրեն:
• 1991-1992թթ.՝ ՀՀ արտաքին գործերի նախարար:
• 1994թ.-ից ղեկավարում է իր հիմնադրած Ռազմավարական և ազգային հետազոտությունների հայկական կենտրոնը:
• 1998թ. ապրիլ-սեպտեմբերին՝ «Հայաստան» համահայկական հիմնադրամի գործադիր-տնօրեն:
• 2000թ. հիմնադրել է «Օրրան» բարեգործական հասարակական կազմակերպությունը:
• 2005թ.՝ «Ժառանգություն» կուսակցության հիմնադիր-նախագահ:
• 2010թ. հուլիսին ընտրվել է «Ժառանգություն» կուսակցության վարչության նախագահ։
• 2007թ. համամասնական կարգով դարձավ ԱԺ պատգամավոր, «Ժառանգություն» պատգամավորական խմբակցության ղեկավար։

Ձեռքբերումներ

• 1985թ.՝ իրավագիտության դոկտոր:

Այլ

• Ռ. Գ. Հովհաննիսյանի որդին:
• 1980-1982թթ. մասնագիտացել է միջազգային օրենքի և դիվանագիտության պատմության հարցերին, ստացել մագիստրոսի գիտական աստիճան:
• 1982թ.՝ եղբոր` Արմենի հետ ուղեւորվել է Արեւմտյան Հայաստան` գտնելով պապենական քարուքանդ ու հափշտակված օջախները:
• Աշխատությունները նվիրված են ՀՀ (1918-1920) արտաքին քաղաքականությանը, 1921թ. Փետրվարյան ապստամբությանը, Հայոց ցեղասպանության ճանաչման իրավական խնդիրներին:
• Հեղինակել է ուսումնասիրություններ, մենագրություններ ու հոդվածներ, որոնք լույս են տեսել հայկական, ամերիկյան, եվրոպական, ռուսական, միջինարեւելյան հրատարակչություններում ու պարբերական մամուլում:
• Րաֆֆի Հովհաննիսյանի` անկախ Հայաստանի առաջին արտգործնախարար ծառայելու մեկ տարվա ընթացքում Հանրապետությունը դարձել է միջազգային մի շարք կազմակերպությունների, այդ թվում` Միավորված ազգերի եւ ԵԱՀԽ-ի անդամ, դիվանագիտական կապեր է հաստատել ավելի քան հարյուր երկրների հետ:
• Նույն այդ տարում են դրվել Ղարաբաղյան հակամարտության խաղաղ կարգավորման գործընթացի սկիզբը, ինչպես նաեւ տարածաշրջանային դիրքորոշման հիմքերը:
• Այժմ նա իր գործունեությունը շարունակում է միջազգային քաղաքագիտական եւ հետազոտական ուսումնասիրությունների ասպարեզում:

2013 թվականին որպես ՀՀ նախագահի թեկնածու

• 2013 թվականի փետրվարի 18-ի նախագահի ընտրություններին Րաֆֆի Հովհաննիսյանը ըստ պաշտոնական տվյալների հավաքեց 539 691 ձայն, իսկ գործող նախագահ Սերժ Սարգսյանը վերընտրվեց 861 155 ձայներով։ Այսինքն ընտրություններին մասնակցած քաղաքացիների 35 տոկոսից ավելին քվեարկել էին Րաֆֆիի օգտին։
• Հովհաննիսյանը չհամաձայնվեց արդյունքների հետ և սկսեց հետընտրական բողոքի ակցիաներ կազմակերպել, որոնք ստացան «Բարևի հեղափոխություն» անվանումը։
• Այդ միջոցառումների շրջանակներում Րաֆֆի Հովհաննիսյանը մարտի 10-ին հայտարարեց անժամկետ հացադուլ՝ Ազատության հրապարակում։ Այդ օրը Հովհաննիսյան բավականին սկանդալային հայտարարություն կատարեց.«Եթե Սերժ Սարգսյանը ապրիլի 9-ին կեղծ երդում տա, Եթե Սերժ Սարգսյանը և Վեհափառը պղծեն Աստվածաշունչը, դա իրենք կանեն իմ դիակի վրա»։ Սակայն մարտի 31-ին ավարտեց հացադուլը։
• Ապրիլի 9-ին գործող նախագահի երդմնակալության օրը Րաֆֆի Հովհաննիսյանն Ազատության հրապարակում ժամը 12-ին հանրահավաք կազմակերպեց, այդ օրը Հովհաննիսյանը երկու անգամ ցուցարարների հետ փորձեց մոտենալ ՀՀ նախագահի նստավայրին, սակայն ոստիկանական ուժերը թույլ չտվեցին։ Երկրորդ անգամը տեղի ունեցավ երեկոյան, երբ Հովհաննիսյանի գլխավորությամբ ցուցարարները Ազատության հրապարակից շարժվեցին Բաղրամյան պողոտա, որի սկզբնամասում տեղի ունեցան լոկալ բախումներ, որոնք ավարտվեցին Րաֆֆի Հովհաննիսյանի և ՀՀ ոստիկանապետ Վլադիմիր Գասպարյանի բանակցությունների արդյունքով, ըստ որի ցուցարարները Րաֆֆի Հովհաննիսյանի և Գասպարյանի գլխավորությամբ պետք է շարժվեին Ծիծեռնակաբերդ մոմավառության՝ Սարյան փողոցով, այլ ոչ թե Բաղրամյանով՝ նախագահի նստավայրի մոտով (նախատեսված տարբերակի համաձայն), սակայն ցուցարարների մի մասը նրանց չմիացավ։
• Նախագահի մեկ այլ թեկնածու Անդրիաս Ղուկասյանը, Բաղրամյանում մնացած մարդկանց կոչ արեց նստացույց իրականացնել, սակայն Ղուկասյանին բերման ենթարկեցին։ Ծիծեռնակաբերդից Հովհաննիսյանը վերադարձավ Բաղարամյանում մնացած ցուցարարների մոտ և ոստիկանների հետ կրկին բանակցությունների արդյունքում՝ ցուցարարներին թույլ տրվեց քայլերթով անցնել Բաղրամյանով, որից հետո արդեն փոքրաթիվ ցուցարարները վերադարձան Ազատության հրապարակ և Հովհաննիսյանը ավարտեց այդ օրվա բողոքի միջոցառումները։

Նկարներ

• 
• 
• 
• 
• 

Տեսանյութեր

• Ես հուսահատ չեմ. Րաֆֆի Հովհաննիսյան:
• Րաֆֆի Հովհաննիսյան "հասունացել է միասնական պայքարի ժամանակը":
• Հույս ունեմ` մարտի 6-ին կլինի միացյալ հրապարակ. Րաֆֆի Հովհաննիսյան:

Հրապարակումներ մամուլում

• Րաֆֆի Հովհաննիսյանը հացադուլ է սկսել Ազատության հրապարակում:
• Րաֆֆի Հովհաննիսյանի շտաբը ներկայացրել է ապրիլի 9-ին Երեւանում տեղի ունեցած դեպքը:
• Րաֆֆի Հովհաննիսյան. «Շարքային քաղաքացին իր պայքարը չպետք է զիջի»:
• Րաֆֆի Հովհաննիսյանը հյուրընկալվեց ԵՄ դեսպաններին:

Տե՛ս նաև

• Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005:
• Հայաստանի Հանրապետության Արտաքին Գործերի Նախարարություն:
• Ժառանգություն կուսակցություն: