Հովհաննիսյան Հովհաննես Վարդանի

Հովհաննիսյան Հովհաննես Վարդանի
Оганесян Оганес Варданович
Անգլերեն:	Hovhannisyan Hovhannes
Հայերեն:	Հովհաննիսյան Հովհաննես Վարդանի
Ծննդյան տարեթիվը:	03.06.1933
Ծննդավայրը:	Բաթում, Վրաստան
Համառոտ տվյալներ: Վնասվածքաբան-օրթոպեդ:

Կենսագրություն

Ծնվել է 1933թ. հունիսի 3-ին Վրաստանի Բաթում քաղաքում:

Կրթություն

• Ավարտել է Օշականի Մեսրոպ Մաշտոցի անվան միջնակարգ դպրոցը։
• 1958թ. ավարտել է ԵԲԻ-ն:

Աշխատանքային գործունեություն

• 1961թ.-ից աշխատում է Մոսկվայի Վնասվածքաբանության և օրթոպեդիայի կենտրոնական ԳՀԻ-ում:
• 1978թ.-ից՝ մեծահասակների օրթոպեդյիայի կլինիկայի ղեկավար:
• 1975թ.-ից՝ ՌԴ Կառավարության բժշկական կենտրոնում:
• 1993թ.-ից՝ Մոսկվայի Ի. Սեչենովի անվան բժշկական ակադեմիայի պրոֆեսոր:

Ձեռքբերումներ

• 1972թ.՝ բժշկական գիտությունների դոկտոր:
• 1979թ.՝ պրոֆեսոր:
• 1977թ.՝ ՌԽՖՍՀ վաստակավոր գյուտարար:
• 1978թ.՝ վնասվածքաբանների և օրթոպեդների համամիութենական ընկերության վարչության անդամ:
• 1987թ.՝ ԽՍՀՄ մրցանակ:
• 1987թ.՝ ՌԽՖՍՀ գիտության վաստակավոր գործիչ:
• 1988թ.՝ վնասվածքաբանների և օրթոպեդների համաշխարհային միության անդամ:
• 1989թ.՝ վիրաբուժական վնասվածքաբանության և օրթոպեդիայի միջազգային ընկերության անդամ:
• 1994թ.՝ Առաջատար տեխնոլոգիաների հետազոտման միջազգային ակադեմիայի անդամ:
• 2000թ.՝ ՌԲԳԱ թղթակից անդամ:
• 2000թ.՝ ՌԴ Պետական մրցանակ:
• 2001թ.՝ ՌԴ Կառավարության մրցանակ:
• 2002թ.՝ ՌԴ ԳԱ Ն. Պրիոգովի անվան մեդալ:
• 2003թ.՝ ՀՀ Մխիթար Հերացու անվան մեդալ:
• 2004թ.՝ Սերբիայի Նեգոշի 1-ին աստիճանի շքանշան:

Այլ

• Նրա քույրը` Շուշիկը, տարիներ անց ամուսնանում է Օշականում։ Հովհաննեսը նրա հետ գալիս է Օշական և անցնում քրոջ խնամակալության տակ։
• Առաջարկել է դաստակի վերականգնողական վիրահատություններ և ֆունկցիայի վերականգնման վիրաբուժական եղանակներ, ծանր վնասվածքներով հոդերի շարժունության և կայունության վերականգնման կենսաբանական նոր տեխնոլոգիաներ:
• Ս. Վոլկովի հետ ստեղծել է վնասված հոդերի ֆունկցիայի և աճառային հյուսվածքի վերականգնման «Վոլկով-Հովհաննիսյանի հոդակապանային ապարատը», որը հնարավորություն է տալիս բուժել ոսկրային կոտրվածքները և երկարացնել վերջույթների ոսկրերն ու ապահովել շարժումները հոդերում:
• Ապարատի 9 մոդել արտահանվում է աշխարհի շուրջ 25 երկիր. լայնորեն կիրառվում են նաև ՀՀ առաջատար կլինիկաներում:
• 1988թ. Սպիտակի երկրաշարժից հետո Հովհաննիսյանը եղել է աղետի գոտում, առավել ծանր վնասվածքներով հիվանդներին տեղափոխել է ինստիտուտ, կազմակերպել նրանց բուժումը:
• Վնասված հոդաճառի ամբողջականության և ֆունկցիայի վերականգնման (ինքնուրույն վերածնմամբ) բուժական նոր ուղղության հիմնադիրն է:
• 410 գիտական աշխատության, 10 մենագրության, 2 ատլասի հեղինակ է։
• Ունի 88 գյուտի հեղինակային իրավունք:
• Ունի Ռուսաստանի 50 և աշխարհի առաջատար երկրների 8 արտոնագիր:
• 2013թ. մայիսի 17-ին նրա անվան դպրոցում բացվեց նրա անունը կրող ֆիզիկայի լաբորատորիան, նրա ընտանիքի հովանավորությամբ:

Նկարներ

• Պատկերիկի ստեղծման սխալ. Նման նիշք չկա

Տե՛ս նաև

• Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005: