Դեմիրչօղլյան Վահագն Ստեփանի

Դեմիրչօղլյան Վահագն Ստեփանի
Демирчоглян Ваагн Степанович
Անգլերեն:	Demirchoxlyan Vahagn
Հայերեն:	Դեմիրչօղլյան Վահագն Ստեփանի
Ծննդյան տարեթիվը:	12(24).04. 1875
Ծննդավայրը:	Ախալքալաք, վրաստան
Մահվան տարեթիվը:	01.07.1938
Մահվան վայրը:	Երևան, Հայաստանի Հանրապետություն
Համառոտ տվյալներ: Քիմիկոս, մանկավարժ:

Կենսագրություն

Ծնվել է 1875թ. ապրիլի 12(24)-ին Վրաստանի Ախալքալաք քաղաքում:

Մահացել է 1938թ. հուլիսի 1-ին Խորհրդային Հայաստանի Երևան քաղաքում:

Կրթություն

• Սովորել է Էջմիածնի Գևորգյան ճեմարանում:
• 1896թ. ավարտել է Թիֆլիսի Ներսիսյան դպրոցը:

Աշխատանքային գործունեություն

• Դասավանդել է Թիֆլիսի Ներսիսյան դպրոցում:

Այլ

• Դ. Կ. Դեմիրճյանի հորեղբոր որդին:
• «Արժեքականությունը ըստ քիմիական տարրերի առաջացման իմ տեսության» գրքում ներկայացրել է արժեքականության էլեկտրոնային բնույթի իր տեսակետը, համաձայն որի՝ քիմիական միացությու առաջացնելու ատոմի հատկությունը պայմանավորված է իներտ գազի ատոմի նման կայուն էլեկտրոնային կոնֆիգուրացիա ձեռք բերելու հակումով:
• Առաջարկել է իզոտոպիայի երևույթի մեկնաբանությունը, իզոտոպներն անվանել «տարատեսակ» կամ «աննորմալ զարգացած» քիմիական տարրեր:
• Արժեքականությունը և ատոմների կառուցվածքը գրքում ամբողջացրել է արժեքականության և ատոմի կառուցվածքի մասին պատկերացումները:
• Զբաղվել է նաև քանդակագործությամբ: Նրա մարմարե քանդակներից մեկը գտնվում է Լուվրի թանգարանում:
• 1924թ.-ից ապրել է Երևանում:
• Նրա ամենամոտ ընկերը եղել է հորեղբոր տղան՝ հայ գրականության դասականներից Դերենիկ դեմիրճյանը:

Մատենագիտություն

• Դեմիրչօղլյան Վ. Ս., Արժեքականությունը ըստ քիմիական տարրերի առաջացման իմ տեսության, ռուսերեն, վիմատիպ, 1914:
• Դեմիրչօղլյան Վ. Ս., Արժեքականությունը և ատոմների կառուցվածքը, ռուսերեն, 1926:

Տե՛ս նաև

• Ով ով է. հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, ԵրևանՀայկական հանրագիտարան հրատ., Հ.1, Աբալյան-Ղուշչյան, 2005:
• Այվազյան Հ., Վահագն Դեմիրչօղլյան (1875-1938), տես նշանավոր ճեմարանականներ, Ս. Էջմիածին, 2005: