Ալխազյան Հովհաննես

Ալխազյան Հովհաննես
Алхазян Оганнес
Այլ անուններ:	Ժան
Անգլերեն:	Alkhazyan Hovhannes
Հայերեն:	Ալխազյան Հովհաննես
Ծննդյան տարեթիվը:	02.02.1881
Ծննդավայրը:	Վան, Արևմտյան Հայաստան
Մահվան տարեթիվը:	1958
Մահվան վայրը:	Փարիզ, Ֆրանսիա
Համառոտ տվյալներ: Նկարիչ:

Կենսագրություն

Ծնվել է 1881թ. փետրվարի 2-ին Արևմտյան Հայաստանի Վան քաղաքում:

Կրթություն

• 1898-1903թթ. սովորել է Թիֆլիսի նկարչական դպրոցում՝ Հ. Շամշինյանի և Գ. Գաբաևի մոտ:
• 1905-1908թթ. սովորել է Փարիզի Ժյուլիայնի գեղարվեստի ակադեմիայում՝ Ֆ. Կորմոնի արվեստանոցում:

Աշխատանքային գործունեություն

• Էտյուդներ և բնակնարներ է ստեղծել Ֆինլանդիայում, Հոլանդիայում, Ֆրանսիայում, Իսպանիայում:

Աշխատանքներ

• «Սպիտակ գիշեր Ֆինլանդիայում»:
• «Ձմռան արևը»:
• «Գյուղը ձյունի տակ»:
• «Ջրաղացը Ավենի վրա»:
• «Վենետիկի մոտ»:
• «Լուարա գետի ափերը»:
• «Վաղ գարուն»:
• «Տեսարան Պրովանսից»:
• «Կամուրջ Տոլեդոյում»:
• «Նավակներ»:
• «Այծեր»:

Ձեռքբերումներ

• 1929թ.՝ Փարիզի Նասիոնալ ընկերության իսկական անդամ:

Այլ

• Նկարներին բնորոշ են զարդանկարչական և հարթապատկերային լուծումները:
• 1911թ. մասնակցել է Փարիզի Նասիոնալ ընկերության «Սալոնների» ցուցադրությանը:
• Մասնակցել է «Աշնանային սալոնի» ընկերության, «Անկախ արվեստագետների միության» մի շարք ցուցահանդեսների, իսկ 1918թ. Սենտ Օգյուստեն սրահում բացել է իր առաջին անհատական ցուցահանդեսը:
• Հ. Ալխազյանի բազմաթիվ ճանապարհորդությունների արդյունքում են (որոնց ընթացքում նա եղավ եվրոպական գրեթե բոլոր երկրներում) ծնվել նրա բնանկարները:
• Արվեստագետն ակտիվորեն համագործակցել է նաև հայ համայնքի հետ, մասնակցել «Անի», «Հայ ազատ արվեստագետների միության» ցուցահանդեսներին (1933, 1934, 1945), անհատական ցուցահանդեսներ է ունեցել 1920թ.` 47 և 1922թ.` 41 գործով Փարիզի «Ալլար» սրահում:
• Անհատական վերջին ցուցահանդեսը տեղի է ունեցել 1934թ. Փարիզի «Շանթ» հայ գրավաճառատան ցուցասրահում:
• Հովհաննես Ալխազյանի շուրջ 200 գործ պահվում է Հայաստանի ազգային պատկերասրահում:

Տե՛ս նաև

• Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
• Շիշմանյան Ռ., Բնանկարն ու հայ նկարիչները, Ե., 1958:
• Խաչատրյան Շ., Ֆրանսահայ կերպարվեստ, Ե., 1991:
• ԵՊՀ Հայագիտական հետազոտությունների ինստիտուտ. Ալխազյան Հովհաննես:
• Հովհաննես Ալիխանյան, Հայաստանի ազգային պատկերասրահ:
• Հովհաննես Ալխազյան, Պանորամա:
• Հովհաննես Ալխազյան, AV Production:
• Հովհաննես Ալխազյան, Շեդեվր:
• Նկարները՝ Հայաստանի ազգային պատկերասրահի կայքից:
• artnet - The art world online.