Աբրահամյան Ջուլիետա Հայկի
Hayazg-ից
| Աբրահամյան Ջուլիետա Հայկի | |
| Абрамян Джульетта Гайковна | |
| |
| Անգլերեն: | Abrahamyan Julieta |
| Հայերեն: | Աբրահամյան Ջուլիետա Հայկի |
| Ծննդյան տարեթիվը: | 27.03.1934 |
| Ծննդավայրը: | Լենինական, Հայաստանի Հանրապետություն |
| Համառոտ տվյալներ: Կենսաբան, սնկաբան: | |
Բովանդակություն
Կենսագրություն
Ծնվել է 1934թ. մարտի 27-ին Խորհրդային Հայաստանի Լենինական (Գյումրի) քաղաքում:
Կրթություն
- 1951թ. ավարտել է Երևանի №8 դպրոցը:
- 1956թ. ավարտել է Երևանի պետական համալսարանը:
Աշխատանքային գործունեություն
- 1956-1962թթ. աշխատել է ՀԽՍՀ ԳԱ բուսաբանության ինստիտուտում։
- 1962թ.-ից` ԵՊՀ կենսաբանության ֆակուլտետի բուսաբանության ամբիոն:
- 1966թ. թեկնածուական ատենախոսություն պաշտպանելուց հետո եղել է ասիստենտ, ավագ դասախոս, 1971թ.-ից՝ դոցենտ։
- 1990թ.-ից զբաղեցրել է բուսաբանության ամբիոնի պրոֆեսորի պաշտոն։
Ձեռքբերումներ
- 1990թ.` կենսբանական գիտությունների դոկտոր:
- 2004թ.՝ պրոֆեսոր:
- 1988թ.՝ «Աշխատանքի վետերան» մեդա։
Այլ
- Աշխատանքները վերաբերում են ՀՀ տարբեր բնակլիմայական գոտիներում հողային մանրադիտակային սնկերի բազմազանության ուսումնասիրությանը, որոշ գործոնների ազդեցությանը հողային միկրոմիցետների տարածման և ֆունկցիոնալ գործունեության վրա:
- Ուսումնասիրել է արմատաբնակ ախտածին և սապրոտրոֆ սնկերի տեսակային կազմը և նրանց դերը կարևորագույն մշակաբույսերի,ինչպես նաև հիմնական անտառգոյացնող ծառատեսակների արմատամերձ շրջանում:
- Հետազոտել է նաև տարբեր արդյունաբերական նյութերի և սարքավորումների կենսավնասումներ հարուցող սնկերի համակեցությունները և մշակել պայքարի միջոցները:
- Հեղինակ է 100-ից ավելի գիտական աշխատանքների և ուսումնամեթոդական ձեռնարկների:
- Զեկուցումներով հանդես է եկել հանրապետական, տարածաշրջանային և միջազգային բազմաթիվ գիտաժողովներում (Հունգարիա՝ 1978, Տալլին՝ 1989, 1998, Մոսկվա՝ 2002, Սանկտ Պետերբուրգ՝ 2007):
Տե՛ս նաև
- Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
