6701
edits
Changes
Առանց խմբագրման ամփոփման
*Ս. Համբարձումյանի ղեկավարության շրջանում ԵՊՀ-ն դարձավ ԽՍՀՄ-ի ճանաչված ու առաջատար բուհերից մեկը ոչ միայն իբրև բարձրորակ մասնագետների պատրաստման դարբնոց, այլև խոշոր գիտահետազոտական կենտրոն: Նրա ջանքերի շնորհիվ էր, որ համալսարանի կազմում ստեղծվեց հանրապետության բուհական համակարգի առաջին խտացված միջավայրերի գիտահետազոտական ինստիտուտը, բացվեցին նոր ֆակուլտետներ՝ մեխանիկայի, մաթեմատիկական կիբերնետիկայի և հետազոտումների ավտոմատացման, ինֆորմատիկայի և հաշվողական մաթեմատիկայի, փիլիսոփայության և սոցիոլոգիայի:
*Ս. Համբարձումյանի հետևողական աշխատանքի ու ջանքերի շնորհիվ սկսվեց և հիմնականում կառուցվեց համալսարանի գրադարանի շենքը, ավարտվեց սպորտային համալիրի շինարարությունը:
*Նրա աշխատանքի տարիներին զգալիորեն ընդլայնվեցին համալսարանի միջազգային կապերը, ստեղծվեցին գիտատեխնիկական ինֆորմացիայի, պատենտալիցենզիոն, ուսուցման տեխնիկական միջոցների հատուկ բաժինները, համալսարանի պատմության կաբինետը վերածվեց թանգարանի, ճշգրտվեց համալսարանի հիմնադրման տարեթիվը և 70-ամյակի կապաակցությամբ հրավիրված գիտական նստաշրջանում վավերացվեց այն:
*Ս. Համբարձումյանի ռեկտորության տարիներին համալսարանում թափ առավ նաև հայագիտության զարգացման գործընթացը: Նրա նախաձեռնությամբ և աջակցությամբ առանձին մատենաշարերով լույս ընծայեցին հայոց լեզվի և գրականության, հայ պատմագրության, ընդհանրապես հայագիտության վերաբերող կոթողային արժեքներ. «Ուսանողի գրադարան» օգտաշատ մատենաշարը և այլն, ինչպես նաև բոլոր ֆակուլտետներում սկսեցին դասավանդել հայ ժողովրդի պատմություն:
