Հրաչյա Ազնիվ

Հրաչյան Ազնիվ
Грачья Азнив
Այլ անուններ:	Մինասյան Ազնիվ Գրիգորի
Անգլերեն:	Hrachya Azniv
Հայերեն:	Հրաչյան Ազնիվ
Ծննդյան տարեթիվը:	1853
Ծննդավայրը:	Կոստանդնուպոլիս, Թուրքիա
Մահվան տարեթիվը:	20.05.1919
Մահվան վայրը:	Դիլիջան, Հայաստանի Հանրապետություն
Համառոտ տվյալներ: Դերասանուհի:

Կենսագրություն

Ծնվել է 1853թ. Թուրքիայի մայրաքաղաք Կոստանդնուպոլսում:

Աշխատանքային գործունեություն

• 1869թ.՝ Կոստանդնուպոլսի «Արևելյան», ապա՝ «Օսմանյան» թատերախմբերի դերասանուհի:
• 1890-1900-ական թթ. խաղացել է նաև Բաքվի հայկական թատրոնում:

Դերեր

• Բարրյեր՝ Փարիզի աղքատները:
• Ռոթայ՝ Երկու հիսնապետ:
• Դյումա-հոր Կատրին Հովարդ:
• Կամոլետտ՝ Քույր Թերեզա:

Ռեալիստական դերեր

• Ռուզան՝ Մուրացանի «Ռուզան»:
• Նատալյա՝ Գաբրիել Սունդուկյանի «Խաթաբալա»:
• Սոֆյա՝ Ալեքսանդր Գրիբոյեդովի «Խելքից պատուհաս»)
• Ժաննա դ՛Արկ՝ Շիլլերի «Օռլեանի կույսը»:
• Պորցիա՝ Շեքսպիրի «Վենետիկի վաճառականը»:
• Նինա՝ Լերմոնտովի «Դիմակահանդես»:
• Մարգարիտ Գոթիե՝ Դյումա-որդու «Կամելիազարդ տիկինը»:

Այլ

• Բեմական առաջին քայլերն արել է 1869թ.-ին Կոստանդնուպոլսի Արևելյան թատրոնում՝ ռեժիսոր և դերասան Պետրոս Մաղաքյանի ղեկավարությամբ. Հրաչյան նրան համարել է իր «մեծ ուսուցիչը»:
• Դերասանուհուն «Հրաչյա» անվանել է նրա մշտական խաղընկերը` Պետրոս Ադամյանը:
• Հայ թատրոնի դասական ռեալիզմի խոշոր վարպետներից:
• Խաղացել է հիմնականում պատմահայրենասիրական պիեսներում և մելոդրամաներում:
• Հրաչյանի հակումը ռեալիզմին հիմնավորապես արմատացել է 1880 ական թթ. Թիֆլիսի հայկական թատրոնում:
• Նրա արվեստին բնորոշ էին խոր հուզականությունը և դրամատիկական զսպվածությունը, հոգեբանական երանգների հարստությունը:
• Վերջնականապես հրաժարվելով դերասանական խաղի մելոդրամային ոճից՝ զգալիորեն հակվել է դեպի հոգեբանական թատրոնը:
• Ժամանակի մամուլը Հրաչյային համեմատել է իտալացի նշանավոր դերասանուհի Էլեոնորա Դուզեի հետ: Վահրամ Փափազյանն իր «Հետադարձ հայացք» գրքում բարձր է գնահատել Հրաչյայի արվեստը, մասնավորապես նրա խոսքի մշակույթը:
• Ծանր հիվանդության պատճառով տեղափոխվել է Դիլիջան, որտեղ էլ մահացել է:

Նկարներ

• 
• 
• 

Մատենագիտություն

• Հրաչյան Ա., Իմ հիշողություններս, 1909:

Տե՛ս նաև

• Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005:
• Հայկական հանրագիտարան:
• «Անոր սերը հինցած է». Ազնիվ Հրաչյան` Ադամյանի մասին: