Հայկազունի Պետրոս
Hayazg-ից
| Հայկազունի Պետրոս | |
| Айказуни Петрос | |
| |
| Անգլերեն: | Haykazuni Petros |
| Հայերեն: | Հայկազունի Պետրոս |
| Ծննդյան տարեթիվը: | 1839 |
| Ծննդավայրը: | Ալեքսանդրապոլ, Հայաստանի Հանրապետություն |
| Մահվան տարեթիվը: | 1927 |
| Համառոտ տվյալներ: Հասարակական գործիչ, մանկավարժ։ | |
Բովանդակություն
Կենսագրություն
Ծնվել է 1839թ. Հայաստանի Հանրապետության Ալեքսանդրապոլ (այժմ՝ Գյումրի) քաղաքում:
Մահացել է 1927թ.:
Կրթություն
- Կրթությունը ստացել է ծննդավայր Ալեքսանդրապոլում, սովորել հոգևոր դպրոցում։
Աշխատանքային գործունեություն
- Մինչև 1926թ. աշխատել է ՀԽՍՀ պետական և կոոպական մարմիններում։
- 1860-ական թվականների սկզբներից մասնակցել է կրթասիրական ընկերությունների աշխատանքներին, աշխատակցել «Մեղու Հայաստանի», «Արարատ» պարբերականներին։
Այլ
- 1869թ. ազգային բարենպատակ ընկերության հիմնադիրներից։
- 1860-1870թթ.՝ հակացարական գործունեության համար բազմիցս բանտարկվել է։
- Նոր դպրոցի և մանկավարժության ջատագով էր։
- Ղ․Աղայանի հետ պայքարել է հայկական դպրոցների ուսուցման հետամնաց, հակամանկավարժական մեթոդների դեմ՝ դրվատելով Խ․Աբովյանի, Ս․Նազարյանի, Մ․Նալբանդյանի առաջավոր գաղափարները։
- Նպաստել է Ալեքսանդրապոլի դպրոցների բարեկարգմանը, իգական դպրոց հիմնադրելու գործին։
- Ճանապարհորդել է Արևմտյան Հայաստանում, նյութեր հավաքել արևմտահայերի կյանքի, նրանց ծանր կացության, հայկական կոտորածների մասին։
- Կազմել է թվաբանական գործողությունների աղյուսակների գիրք, որն արժանացել է Վիեննայի և Փարիզի մաթեմատիկոսների հանձնաժողովների հավանությանը և հրատարակվել։
- Գրել է «Նյութեր Հնդկաստանի հայերի կտակների պատմության վերաբերյալ», «Նյութեր Ալեքսանդրապոկի մտավոր զարգացման պատմության» աշխատությունները, ինչպես նաև իր արժեքավոր հիշողությունները, որոնք բոլորը մնացել են անտիպ:
- Օգտագործել է Դարբինյան, Սիմոնյան, Հուրհեր ծածկանունները:
Տե՛ս նաև
- Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005:
