Դանիելյան Անուշավան Սուրենի
Hayazg-ից
| Դանիելյան Անուշավան Սուրենի | |
| Даниелян Анушаван Суренович | |
| |
| Անգլերեն: | Danielyan Anushavan |
| Հայերեն: | Դանիելյան Անուշավան Սուրենի |
| Ծննդյան տարեթիվը: | 01.08.1956 |
| Ծննդավայրը: | գ. Բոլնիս Խաչեն, Վրաստան |
| Համառոտ տվյալներ: Պետական, քաղաքական գործիչ: | |
Բովանդակություն
Կենսագրություն
Ծնվել է 1956թ. օգոստոսի 1-ին Վրաստանի Բոլնիսի շրջանի Բոլնիս Խաչեն գյուղում:
Կրթություն
- 1985թ. ավարտել է Սիմֆերոպոլի պետական համալսարանը:
Աշխատանքային գործունեություն
- 1975–1977թթ.` ծառայել է ԽՍՀՄ ԶՈՒ-ում:
- Զորացրվելուց հետո կոմերիտական և կուսակցական աշխատանքի է անցել Մարնեուլի լեռնահարստացուցիչ կոմբինատում:
- 1983–1987թթ.` Ղրիմի ԼԿԵՄ մարզկոմ, պաշտոնավարել է նախ իբրև հրահանգիչ, ապա՝ բաժնի վարիչ:
- 1987–1990թթ.` ԽՍՀՄ ատոմային էներգետիկայի նախարարության Սիմֆերոպոլի հատուկ պրոֆտեխուսումնարանի փոխտնօրեն:
- 1990–1998թթ.` Ղրիմի Հանրապետության ԳԽ միջպետական և ազգամիջյան հարցերի մշտական հանձնաժողովի նախագահ, ապա` խորհրդարանի առաջին փոխնախագահ, միաժամանակ` սահմանադրական հանձնաժողովի նախագահ:
- 1998-1999թթ.՝ Երևանի կաբելի գործարանի գլխավոր տնօրեն:
- 1999-2007թթ.՝ ԼՂՀ վարչապետ:
Այլ
- 1994-ին ընտրվել է Համաշխարհային հայկական կոնգրեսի նախագահ:
- 1998 թ. Ղրիմի տնտեսության վերականգնման «Կրիմսկի պրոեկտ» ծրագրի համահեղինակն է:
- 1989-ին Ղրիմում համախոհների հետ հիմնել է հայ համայնքի խնդիրներով զբաղվող «Լույս» հայկական ընկերությունը (1989–1996-ին` նախագահ, 1996-ից` պատվո նախագահ), որի հովանավորությամբ 1997-ին Սիմֆերոպոլում կառուցվել է եկեղեցի, կանգնեցվել 1915-ի Հայոց ցեղասպանության զոհերի հիշատակը հավերժացնող խաչքար:
- 1990-ից «Լույս» ընկերությունը հետևել է Հայաստանում և ԼՂՀ-ում ընթացող իրադարձություններին, մասնակցել համազգային առանձին խնդիրների լուծմանը, օգնել երկրաշարժից տուժած փախստականներին, Ղարաբաղի հիմնահարցը ներկայացրել տարբեր ատյաններում:
- Եվրոպայի հայկական միությունների ֆորումի մշտական հանձնաժողովի անդամ (1999, Բրյուսել):
- Հայ համայնքների միության նախագահ (1994), Աշխարհի ժողովուրդների հոգևոր միասնության (2002), Բնության և հասարակության մասին գիտությունների միջազգային (2001), ՌԴ Միջազգային հարաբերությունների ակադեմիայի անդամ:
Նկարներ
Տե՛ս նաև
- Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ:
- Gov.nkr.am:
