Ժամկոչյան Բենիամին Կարապետի
| Ժամկոչյան Բենիամին Կարապետի | |
| Жамкочян Бениамин Карапетович | |
| |
| Անգլերեն: | Zhamkochyan Beniamin |
| Հայերեն: | Ժամկոչյան Բենիամին Կարապետի |
| Ծննդյան տարեթիվը: | 08.07.1895 |
| Ծննդավայրը: | Հայնի, Արևմտյան Հայաստան |
| Մահվան տարեթիվը: | 13.01.1984 |
| Մահվան վայրը: | Բեյրութ, Լիբանան: |
| Համառոտ տվյալներ: Մանկավարժ, մանկագիր, հրապարակախոս, հասարակական գործիչ: | |
Բովանդակություն
Կենսագրություն
Ծնվել է 1895թ. հուլիսի 8-ին Արևմտյան Հայաստանի Դիարբեքիրի նահանգի Հայնի գյուղում:
Մահացել է 1984թ. հունվարի 13-ին Լիբանանի Բեյրութ քաղաքում:
Կրթություն
- Ավարտել է Խարբերդի գերմանական որբանոցը և ուսուցչանոցը:
Աշխատանքային գործունեություն
- 1915թ. աշխատել որբանոցում որպես հսկիչ և հացագործ:
- 1920-1921թթ. Ազգային Աբգարյան վարժարանի ուսուցիչ:
- 1921-1922թթ. ԴՀԿ Կենդրոնական վարժարանի տնօրեն:
- 1922-1923թթ. Մերձավոր Արևելքի Նպաստամատույցի որբանոցի ուսուցիչ:
- 1923-1924թթ. ՀԲԸՄ Քելեկյան որբանոցի մարզիչ և ընդհանուր հսկիչ:
- 1924-1929թթ. Ազգային Ս.Նշան վարժարանի ուսուցիչ:
- 1930-1938թթ. Ազգային Սահակյան վարժարանի տնօրեն:
- 1938-1940թթ. Դանիական «Թռչնոց Բույն» որբանոցի կրթական տնօրեն:
- 1940-1974թթ. Ազգային Սահակյան վարժարանի հիմնադիր-տնօրեն:
Ձեռքբերումներ
- 1949թ. Լոս Անջելեսի «Գոլդեն Գեյթ» համալսարանի գրականության դոկտոր:
- 1984թ. Մեսրոպ Մաշտոցի անվան մրցանակ:
Այլ
- Զորավար Անդրանիկի հրամանատարությամբ մասնակցել է հայերի ազատագրական պայքարին: Կարինի մոտ մարտի ընթացքում վիրավորվում է և բուժվելու համար տեղափոխվում քաղաքից քաղաք՝ Սարիղամիշ, Կարս, Թիֆլիս։ Բաթումից անգլիական նավ նստելով հասնում է Պոլիս, որտեղ գաղթականների հանձնախմբում սկսում է զբաղվել կազմակերպչական աշխատանքներով։
- Մանկական երկերով, դաստիարակչական հոդվածներով աշխատակցել է սփյուռքահայ, մասնավորապես՝ բեյրութահայ մամուլին:
- 1993թ. Երևանի թիվ 119 միջնակարգ դպրոցը անվանակոչվեց Բենիամին Ժամկոչյանի անվան թիվ 119 միջնակարգ (այժմ՝ ավագ) դպրոց:
- Բենիամին Ժամկոչյանի հոգեզավակ Արի Թոփուզխանյանի կողմից կազմված և խմբագրված «Հուշարձան Ուսուցչապետ Բենիամին Ժամկոչյանի» գիրքում ամփոփված է նրա կենսապատումը, կարևոր գրվածքները և ժամանակակիցների հուշերի ծաղկաքաղը:
- Լիբանանի «Սուրբ Գրոց» ընկերության կողմից նրան է վստահվում 19-րդ դարի կեսին լույս տեսած արևմտահայերեն աշխարհաբար Աստվածաշնչի առաջին լուրջ վերամշակումը: Կատարյալ սրբագրություն անելու նպատակով՝ օգտագործել է Աստվածաշնչի իրեն մատչելի բոլոր թարգմանությունները՝ գերմաներեն, ռուսերեն, անգլերեն, ֆրանսերեն, իսպաներեն:
- 1920 թ. տեղափոխվում է Ադանա և Ազգային Աբգարյան վարժարանում անցնում աշխատանքի որպես ուսուցիչ։ 1921 թ. Ադանայում իր առաջարկով հիմնված սոցիալ դեմոկրատ Հնչակյան կուսակցության Կեդրոնական վարժարանում աշխատում է որպես տնօրեն։ Դպրոցում հյուրընկալում է Սիրիայի ֆրանսիացի կառավարիչ զորավար Կուրոյին։ Վերջինս հայերին հայտարարում է. «Կիլիկիան դուք ձեր արյամբ գնեցիք, ուստի Կիլիկիան ձե՛րն է»։ Սակայն ֆրանսիական քաղաքականությունը փոխվում է, և Կիլիկիայի հայաթափումից հետո տնօրենը հասնում է Մերսին, որտեղից բազմաթիվ այլ գաղթականների հետ 1922 թ.-ի վերջին օրերին նավով տեղափոխվում է Բեյրութ։
Հաստատվելով Լիբանանում՝ Բենիամին Ժամկոչյանը տարբեր տեղերում զբաղվում է ուսուցչությամբ. Ջելտիպի ամերիկյան Նպաստամատույց որբանոցում, Բեյրութի ՀԲԸՄ (Հայկական բարեգործական ընդհանուր միության) Քելեկյան որբանոցում և Ազգային Ս. Նշան վարժարանում, Ջիբեյլի դանիական «Թռչնոց Բույն» որբանոցում։ 1930 թ.-ին հրավիրվում է աշխատելու Ազգային Սահակյան վարժարանում և մինչև 1974 թ. մնում նրա անփոխարինելի տնօրենը։ Այնտեղ էլ սերունդներ է կրթում հայրենասիրության և Հայ Առաքելական սուրբ եկեղեցու ոգով։ Պատկանել է Հայ Ավետարանական եկեղեցուն, բայց մեծ հարգանքով է վերաբերվել Հայ Առաքելականին։ Աշխարհի չորս կողմերում ցրված իր երախտագետ աշակերտները խորունկ սեր ու հարգանք են տածում իր հանդեպ՝ գնահատելով իր ցուցաբերած անձնազոհությունն ու ավանդած քրիստոնեական դաստիարակությունը։ Լիբանանի «Սուրբ Գրոց» ընկերության կողմից նրան է վստահվում 19-րդ դարի կեսին լույս տեսած արևմտահայերեն աշխարհաբար Աստվածաշնչի առաջին լուրջ վերամշակումը։ Կատարյալ սրբագրություն անելու նպատակով՝ օգտագործել է Աստվածաշնչի իրեն մատչելի բոլոր թարգմանությունները՝ գերմաներեն, ռուսերեն, անգլերեն, ֆրանսերեն, իսպաներեն։
Նկարներ
Բենիամին ժամկոչյանի անվան 119 ավագ դպրոց:
Տեսանյութեր
Հրապարակումներ մամուլում
Մատենագիտություն
- Հեղինակի Ազգանուն Ա. Հ.,Գրքի վերնագիր, Երևան, ԵՊՀ հրատ., 2005:
- Հեղինակի Ազգանուն Ա. Հ.,Հոդվածի վերնագիր, Պատմաբանասիրական հանդես, Երևան, 2005, թիվ 2, էջ 41-45:
Տե՛ս նաև
- Ով ով է. հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
- Հովաննեսյան Հ., Անզուգական մարդը՝ Բենիամիե ժամկոչեան, Երևան, 1995:
- Թոփուզխանյան Ա., Հուշարձան Ուսուցչապետ Բենիամին Ժամկոչյանի, Երևան, 2010:
