Բաբալյան Արտաշես Ադամի

Բաբալյան Արտաշես Ադամի
Бабалян Арташес Адамович
Անգլերեն:	Babalyan Artashes
Հայերեն:	Բաբալյան Արտաշես Ադամի
Ծննդյան տարեթիվը:	17.11.1886
Ծննդավայրը:	Շուշի, Ցարական Ռուսաստան
Մահվան տարեթիվը:	01.08.1959
Մահվան վայրը:	Թեհրան, Պարսկաստան
Համառոտ տվյալներ: Բժիշկ, հասարակական-քաղաքական գործիչ, ՀՀԴ կուսակցության անդամ:

Կենսագրություն

Ծնվել է 1886թ. նոյեմբերի 17-ին Ցարական Ռուսաստանի Շուշի քաղաքում(այժմ` Լեռնային Ղարաբաղի Հանրապետության կազմում):

Կրթություն

• Սովորել է Շուշիի ռեալիստական դպրոցում:
• 1912թ. ավարտել է Ժնևի բժշկական ինստիտուտը:

Աշխատանքային գործունեություն

• Որպես բժիշկ աշխատել է Ս. Պետերբուրգում, Բաքվում:
• 1914թ. աշխատել է Խարկովի Տրուդովսկու հիվանդանոցում:
• 1914-18թթ. Առաջին աշխարհամարտի ժամանակ եղել է Վարդանի կամավորական գնդի գլխավոր բժիշկը:
• 1917թ. ընտրվել է Հայոց ազգային խորհրդի անդամ:
• 1918-20թթ.` ՀՀ խորհրդարանի անդամ:
  • 1919թ.-ի ապրիլից մինչև 1920թ.-ի մայիս եղել է խնամատարության և աշխատանքի, ապա՝ գյուղատնտեսության նախարար:
• 1921թ. աշխատել է Թեհրանի զինվորական հիվանդանոցում:

Այլ

1920թ.-ի սեպտեմբեր-նոյեմբերի թուրք-հայկական պատերազմի ժամանակ, որպես լիազոր ներկայացուցիչ, Ս. Վրացյանի հետ ուղարկվել է Կարս, որի անկումից հետո` հոկտեմբերի 30-ին, գերի է ընկել: Գերությունից ազատվելուց հետո` 1921թ. անցել է Թավրիզ, ապա՝ Թեհրան, աշխատել է զինվորական հիվանդանոցում:

1943թ. սեպտեմբերին անակնկալ ձերբակալվել է Իրան ներխուժած խորհրդային ուժերի պահանջով, ազատվել` 1945թ.-ի հունիսին:

Ձեռքբերումներ

• 1915թ. Վանի հերոսամարտից և նահանջից հետո պարգևատրվել է Գևորգյան Խաչով և մեդալով` իր խնամքին հանձնված վիրավորների և հիվանդների փոխադրության գործը անձնազոհությամբ կատարելու համար:

Մատենագիտություն

• 1959-ին Կահիրեում հրատարակել է հուշերի գիրք:
• Հոդվածներ է տպել Բեյրութի «Նաիրի» շաբաթաթերթում:
• «Հայաստանի անկախութեան պատմութիւնը և այլ յիշատակներ», Գլենդեյլ, 1997:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան,2005: