Ալոյան Պետրոս Գևորգի

Ալոյան Պետրոս Գևորգի
Алоян Петрос Геворкович
Անգլերեն:	Aloyan Petros
Հայերեն:	Ալոյան Պետրոս Գևորգի
Ծննդյան տարեթիվը:	28.08.1937
Ծննդավայրը:	Երևան, Հայաստանի Հանրապետություն
Համառոտ տվյալներ: Երկրաբան:

Կենսագրություն

Ծնվել է 1937 թվականի օգոստոսի 28-ին Հայաստանի Հանրապետության մայրաքաղաք Երևանում:

Կրթություն

• 1956-1961թթ. սովորել է Երևանի պետական համալսարանի երկրաբանական ֆակուլտետում:
• 1965-1968թթ. սովորել է Մոսկվայի Շմիդտի անվան «Երկրի Ֆիզիկայի ինստիտւտի» ասպիրանտուրայում՝ նշանավոր երկրաբան, ԽՍՀՄ ԳԱ թղթակից-անդամ Վ.Վ. Բելոուսովի ղեկավարությամբ:

Աշխատանքային գործունեություն

• Աշխատանքային գործունեությունը սկսել է Երևանի Լեռնամետալուրգիական գիտահետազոտական ինստիտուտում:
• Ավարտելով ասպիրանտուրան՝ աշխատանքի է անցել Գյումրիի Գեոֆիզիկայի և ինժեներային սեյսմաբանության ինստիտուտում:
• Երևանի Լեռնամետալուրգիական գիտահետազոտական ինստիտուտի գիտաշխատող, ավագ գիտաշխատող:
• 1976թ.-ից՝ Լեռնամետալուրգիական գիտահետազոտական ինստիտուտի երկրաբանական լաբորատորիայի վարիչ:
• 1993-1996թթ.` լեռնամետալուրգիայի ինստիտուտի գիտության գծով փոխտնօրեն:
• 2008թ.-ից՝ «Գեոիդ» ՍՊԸ հիմնադիր տնօրեն և «Ընդերքի պահպանության կենտրոնի» նախագահ:
• Դասավանդել է ԵՊՀ երկրաբանական ֆակուլտետում և նախագահել ֆակուլտետի պետական քննությունների հանձնաժողովը:

Ձեռքբերումներ

• 1974թ.՝ երկրաբանական գիտությունների թեկնածու:
• 1989թ.` ԽՍՀՍ Պետական մրցանակ:
• 1994թ.-ից` Ռուսաստանի բնական ԳԱ անդամ:
• 1996թ.-ից` ՀՃԱ ակադեմիկոս:
• 1999թ.` երկրաբանական գիտությունների դոկտոր:
• 2003թ.` ՀՀ Պետական մրցանակ:

Այլ

• Ալոյանի՝ «Հայաստանի լեռնահանքայինշրջանների երկրաբանությունը և գունավոր ու ազնիվ մետաղների հանքավայրերի յուրացման արդյունավետության բարձրացման ֆորմացիոն-տեխնոլոգիական սկզբունքները» դոկտորական ատենախոսությունը նվիրված է հանրապետության հանքային հումքի և և նրա յուրացման արդի խնդիրներին:
• Նրա գիտական հետաքրքրությունների շրջանակները շատ լայն ու բազմակողմանի էին: Բացի գիտական արժեքներից, բնորոշ էին պրակտիկ հարցերի լուծման նպատակաուղղվածությունը, Հայաստանի և ԼՂՀ ընդերքի հանքային հարստությունների ընդլայնման ծրագրերին և դրանց արդյունավետ, համալիր և բարեխիղճ շահագործման քաղաքականությանը հետամուտ լինելու մոտեցումները: Այդ աշխատանքները ներառում են հանքային հումքի, նրա տեխնոլոգիական վերամշակման ուսումնասիրության, հանքավայրերի գնահատման և վերագնահատման, պաշարների հաշվարկման, հանքավայրերի և հանքաքարերի արդյունաբերական տեսակավորման, հումքի և տեխնոլոգիական վերամշակման համալիր օգտագործման հարցեր:

նեության ընթացքում:

• Ալոյանը հեղինակ և համահեղինակ է մոտ 120 գիտական հոդվածների, հրատարակված հանրապետական և միջազգային պարբերականներում, այդ թվում՝ 10 մենագրությունների, ինչպես նաև բազմատիվ ձեռագիր աշխատությունների, զեկուցագրերի և առաջարկների, նվիրված Հայաստանի երկրաբանության և հանքային

հումքի արդյունավետ օգտագործման ու համալիր մշակման հարցերին:

Մատենագիտություն

• Ալոյան Պ.Գ., Հայաստանի երկրաբանական հանրագիտարան:

Տեսանյութեր

• Պետրոս Ալոյան - Ամուլսարում Ուրան չկա:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),՝ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան- Ղուշչյան, 2005:
• Ալոյան Պետրոս Գևորգի (1937 - 2014) - ՀՀ ԳԱԱ Տեղեկագիր: