Ալթունյան Մարտիրոս Հակոբի
Hayazg-ից
08:33, 31 Հոկտեմբերի 2018 տարբերակ, NSedrakyan (քննարկում | ներդրում)
| Ալթունյան Մարտիրոս Հակոբի | |
| Алтунян Мартирос Акопович | |
| |
| Անգլերեն: | Altunyan Martiros |
| Հայերեն: | Ալթունյան Մարտիրոս Հակոբի |
| Ծննդյան տարեթիվը: | 1889 |
| Ծննդավայրը: | Բուրսա, Թուրքիա |
| Մահվան տարեթիվը: | 20.12.1958 |
| Մահվան վայրը: | Բեյրութ, Լիբանան |
| Համառոտ տվյալներ: Ճարտարապետ: | |
Բովանդակություն
Կենսագրություն
Ծնվել է 1889թ. Թուրքիայի Բուրսա քաղաքում:
Կրթություն
- 1910թ. ավարտել է Դեկորատիվ արվեստների ազգային բարձրագույն դպրոցը:
- Զուգահեռաբար ուսանել է նկարչություն:
Աշխատանքային գործունեություն
- 1919թ-ից Բեյրութում նախագծել է հասարակական շենքեր, մենատներ, կամուրջներ:
- 1933-1935թթ. նախագծել է Լիբանանի խորհրդարանի շենքը՝ ժամացույցի վերսլաց աշտարակով:
- 1938-1940թթ. նախագծել է Անթիլիասի Սուրբ Գրիգոր Լուսավորիչ մայր տաճարը:
- 1946թ. նախագծել է Երուսաղեմի Սուրբ Հռիփսիմե մատուռը:
- 1952-1957թթ. նախագծել է Բաղդադի Սուրբ Գրիգոր Լուսավորիչ եկեղեցին:
- 1947-1950թթ. նախագծել է Ամմանի Սուրբ Պողոս կաթողիկե եկեղեցին:
Գեղանկարչական գործեր
- Երուսաղեմի ժառանգավորաց վարժարանի դահլիճի մեծաչափ (12 մ2) կրոնապատմական թեմայով հինգ որմնանկարները:
- Թադեոս և Բարդուղիմեոս առաքյալների, Վարդան, Հակոբոս, Հեղինե սրբերի սրբապատկերները (1949-1950):
- Նյու Յորքի համաշխարհային ցուցահանդեսի Լիբանանի տաղավարի նկարազարդումները, ծովանկարները:
- Անթիլիասի մայր տաճարի աղոթասրահի «Սուրբ Գրիգոր Լուսավորիչը մկրտում է Տրդատ արքային» կտավը, Ավագ խորանի «Մայր Աստվածածին» սրբանկարը (բնորդը Ալթունյանի կինն է):
Ձեռքբերումներ
- Լիբանանի նախագահի Պատվո արծաթե մեդալ:
Այլ
- 1919թ. տեղափոխվել է Բեյրութ:
- Նա նկարել է Անթիլիասի Սուրբ Գրիգոր Լուսավորիչ տաճարի «Տրդատի թագադրումը», Երուսաղեմի Սրբոց Հակոբեանց մայր տաճարի «Տրդատ թագավորի մկրտությունը», «Էջմիածնի տաճարի շինությունը» որմնապաստառները և այլն։
- Ալթունյանի արվեստը հարազատ է հայկական ավանդույթներին։
- Արդիականի ու արաբական ազգային ավանդականի շաղկապումով է նախագծել Աբու Բաքր մզկիթը Բեյրութում, պալատական համալիրը (մզկիթ, մատենադարան, հյուրապալատ և այլն) Ամմանում` Վատիկանի պատվերով, Սուրբ Պողոս կաթոլիկ, մայր տաճարը (1947-1950)` Բեյրութին մերձ հունաբնակ Հարիսա գյուղի մոտ։
- Հեղինակ է նաև քանդակային գործերի (Լիբանանի ազգային զինանշան-մեդալ)։
- 1999թ. Ալթունյանի գործերը ցուցադրվել են Երևանում:
Տե՛ս նաև
- Ով ով է.հայեր(կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
- ԵՊՀ Հայագիտական հետազոտությունների ինստիտուտ. Ալթունյան Մարտիրոս:
