Ալավերդյան Քրիստափոր Նիկոլայի

Ալավերդյան Քրիստափոր Նիկոլայի
Алавердян Христафор Николаевич
Այլ անուններ:	Ալավերդով
Անգլերեն:	Alaverdyan Christapor
Հայերեն:	Ալավերդյան Քրիստափոր Նիկոլայի
Ծննդյան տարեթիվը:	25.05.1897
Ծննդավայրը:	Օղբին, Հայաստան
Մահվան տարեթիվը:	1942
Մահվան վայրը:	Նյուրնբերգ, Գերմանիա
Համառոտ տվյալներ: Գեներալ-մայոր:

Կենսագրություն

Ծնվել է 1897թ. մայիսի 25-ին Վայոց ձորի Օղբին գյուղում (այժմ ապաբնակեցված է):

Կրթություն

• Սովորել է Կիևի ռազմական դպրոցում:
• 1936թ. ավարտել Մոսկվայի Ֆրունզեի անվան ռազմական ակադեմիայի հատուկ դասընթացը:
• 1939թ. ավարտել է ԽՍՀՄ Զինված ուժերի ռազմական ակադեմիան:

Աշխատանքային գործունեություն

• Եղել է հովիվ, սևագործ բանվոր, ցարական բանակի զինվոր։
• 1931-1935թթ.՝ XXII հայկական հեծելազորային գնդի հրամանատար:
• 1939-1940թթ.՝ VII բանակի հեծելազորային գնդի հրամանատար:
• Եղել է 113-րդ հետևակային դիվիզիայի հրամանատար։
• Մասնակցել է քաղաքացիական կռիվների Բարիկինում և Հյուսիսային Կովկասում:

Ձեռքբերումներ

• 1917թ.՝ ՍՄԿԿ անդամ:
• 1940թ.՝ բանակի գեներալ-մայոր:
• Աշխատանքային կարմիր դրոշի շքանշան:
• Կարմիր դրոշի շքանշան։

Այլ

• 1919-1920թթ. կարմիր բանակի շարքերում մասնակցել է քաղաքացիական կռիվներին։
• Ծառայել է Ուկրաինայում, Միջին Ասիայում, Մոսկվայի զինվորական օկրուգում։
• Ծանր մարտերից հետո, երբ դիվիզիան նահանջում է, վիրավոր Ք. Ալավերդյանը ընկում է թշնամու ձեռքը։ Համելբուրգի համակենտրոնացման ճամբարում գեներալ-մայոր Ի. Ս. Նիկիտինի հետ Ալավերդյանը ստեղծել և գլխավորել է հակաֆաշիստական այն կազմակերպությունը, որը հետագայում ղեկավարեց գեներալ-լեյտենանտ Մ. Դ. Կարբիշևը։
• Գնդակահարվել է Նյուրնբերգի բանտում:
• Ալավերդյանի կիսանդրին դրված է Վայքում: Նրա անունով է կոչվել ՀՀ Արարատի մարզի Մխչյան գյուղի միջնակարգ դպրոցը:

Տե՛ս նաև

• Ով ով է.հայեր(կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
• ԵՊՀ Հայագիտական հետազոտությունների ինստիտուտ. Ալավերդյան Քրիստափոր:
• Քրիստափոր Ալավերդյան:Կենսագրական:
• Քրիստափոր Ալավերդյան,Հայկական Սովետական Հանրագիտարան: