Գրիգորյան Լյուդմիլա Լևոնի

Գրիգորյան Լյուդմիլա Լևոնի
Հայերեն:	Գրիգորյան Լյուդմիլա Լևոնի
Ծննդյան տարեթիվը:	25.11.1953
Ծննդավայրը:	Ստեփանակերտ, Արցախ
Համառոտ տվյալներ: Թերապևտ:

Կենսագրություն

Ծնվել է 1953թ. նոյեմբերի 25-ին Արցախի Ստեփանակերտ քաղաքում:

Կրթություն

• 1976թ. ավարտել է Երևանի պետական բժշկական ինստիտուտը:

Աշխատանքային գործունեություն

• 1978-2000թթ.՝ աշխատել է Լենինականի 3-րդ բուժմիավորումում, Ստեփանակերտի քաղաքային պոլիկլինիկայում, շտապ օգնության հիվանդանոցում, Շուշիի ՊՇ-ում, Ստեփանակերտի կենտրոնական զինվորական կլինիկական հոսպիտալում:
• 2000թ.-ից՝ ԼՂՀ առողջապահության նախարարության գլխավոր թերապևտ, հանրապետական հիվանդանոցի ներքին հիվանդությունների բաժանմունքի վարիչ:

Ձեռքբերումներ

• 1977թ.՝ բժշկական ծառայության պահեստի լեյտենանտ:
• Պարգևատրվել է ԼՂՀ «Վաչագան Բարեպաշտ» մեդալով:

Այլ

• 1989թ.՝ ԼՂ Ազգային խորհրդի ղեկավար մարմնի անդամ:
• 1990թ.` Արցախի մտավորականների միության առաջին նախագահ:
• 1992թ.` ԼՂՀ Հելսինկյան կոմիտեի հիմնադիր:
• 2001թ.` Ժողովրդական Արցախ միության (ԺԱՄ) հասարակական-քաղաքական կազմակերպության կենտրոնական խորհրդի անդամ:
• 1993–1994-ին մասնակցել է ԼՂՀ Մարտակերտի, Շուշիի, Ասկերանի, Լաչինի և այլ շրջանների ազատագրական մարտերին:
• Կենտրոնական և ռազմադաշտային շարժական հոսպիտալներում բուժօգնություն է ցույց տվել հարյուրավոր հիվանդ, վիրավոր ազատամարտիկների և խաղաղ բնակիչների:
• 1992-ին Ստեփանակերտի հրթիռահրետակոծությունների ժամանակ ծանր վիրավորվել է:
• Լ. Գրիգորյանը 1992-ին Մակեդոնիայի («Խաղաղություն Բալկաններում»), 1994-ին Ղրիմի («Հոգևոր մոտիկ ժողովուրդներ») միջազգային խորհրդաժողովներում, 1993-ին ՌԴ գիտությունների ակադեմիայում հրավիրված և Գորբաչովյան ֆոնդի կողմից անցկացված խորհրդակցություններում ներկայացրել է Ղարաբաղյան հիմնախնդիրը, Արցախի ժողովրդի արդարացի պահանջը:
• Զբաղվել է նաև բարեգործությամբ:

Տե՛ս նաև

• Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ: