Ղուկասյան Արկադի Արշավիրի
Hayazg-ից
06:04, 22 Մարտի 2016 տարբերակ, EMkrtumyan (քննարկում | ներդրում)
| Ղուկասյան Արկադի Արշավիրի | |
| |
| Հայերեն: | Ղուկասյան Արկադի Արշավիրի |
| Ծննդյան տարեթիվը: | 22.06.1957 |
| Ծննդավայրը: | Ստեփանակերտ, ԽՍՀՄ |
| Համառոտ տվյալներ: Ղարաբաղյան ազատագրական շարժման, քաղաքական, պետական գործիչ: ԼՂՀ նախագահ (1997-2002, 2002-2007): | |
Բովանդակություն
Կենսագրություն
Ծնվել է 1957թ. հունիսի 22 -ին Արցախի Ստեփանակերտ քաղաքում:
Կրթություն
- 1974թ.՝ ավարտել է Ստեփանակերտի թիվ 8 միջնակարգ դպրոցը:
- 1979թ.` ավարտել է Երևանի պետական համալսարանի ռուսաց լեզվի և գրականության ֆակուլտետը:
Աշխատանքային գործունեություն
- 1980թ. <<Սովետական Ղարաբաղ>> թերթում` սկզբում որպես թղթակից, իսկ 1981թ.-ից` գլխավոր խմբագրի տեղակալ:
- 1992թ. ընտրվել է ԼՂՀ առաջին գումարման խորհրդարանի պատգամավոր:
- 1992թ. սեպտեմբերին նշանակվել է ԼՂՀ Պաշտպանության պետական կոմիտեի նախագահի քաղաքական հարցերով խորհրդական: Միաժամանակ կատարել է ԵԱՀԿ Մինսկի խմբի հովանու ներքո Ադրբեջանի հետ հակամարտության կարգավորման բանակցություններում ԼՂՀ պատվիրակության ղեկավարի գործառույթները:
- 1993թ. հուլիսին` ԼՂՀ Արտաքին գործերի նախարարության ստեղծումից հետո, Ա.Ղուկասյանը նշանակվել է ԼՂՀ արտաքին քաղաքական գերատեսչության առաջին ղեկավար:
- 1993թ.-ից դարձել է ԼՂՀ Անվտանգության խորհրդի անդամ:
- 1997թ. սեպտեմբերին անցկացված ԼՂՀ արտահերթ նախագահական ընտրություններում ընտրվել է ԼՂՀ նախագահ: Նույն պաշտոնում երկրորդ անգամ վերընտրվել է 2002թ:
- 2009թ. մարտի 16-ին նշանակվել է ՀՀ նախագահի հատուկ հանձնարարություններով դեսպան:
Ձեռքբերումներ
- 2003թ.` Արցախի պետական համալսարանի պատվավոր դոկտոր:
- 2008թ. մայիսի 8-ին ԼՂՀ նախագահի թիվ 139 հրամանագրով պետությանը մատուցած բացառիկ ծառայությունների համար Արկադի Արշավիրի Ղուկասյանը արժանացել է <<Արցախի հերոս>> ԼՂՀ բարձրագույն կոչման և պարգևատրվել <<Ոսկե արծիվ>> շքանշանով:
Այլ
- Ա.Ղուկասյանը մի շարք միջազգային ակադեմիաների, մասնավորապես` բնության և հասարակության մասին գիտությունների ակադեմիայի, Ազգային անվտանգության հիմնախնդիրների մասին գիտությունների ակադեմիայի և ժողովուրդների հոգևոր միասնության ակադեմիայի պատվավոր անդամ է: Լեռնային Ղարաբաղի հակամարտության կարգավորման հիմնխնդրի վերաբերյալ դասախոսություններով բազմիցս հանդես է եկել հեղինակավոր միջազգային կազմակերպություններում և ուսումնական հաստատություններում, այդ թվում Ֆրանսիայի միջազգային հարաբերությունների ինստիտուտում, Ջորջ Վաշինգտոնի համալսարանում, Լոս Անջելեսի միջազգային հարցերի խորհրդում և այլն:
- Նրա պաշտոնավարման ժամանակ ղարաբաղյան դիվանագիտությունը բանակցային գործընթացում հասել է ԼՂՀ-ի համար լուրջ դրական արդյունքների: Հատկապես նշանակալի է նրա ներդրումը Լեռնային Ղարաբաղի որպես հակամարտության կողմի, փաստացի միջազգային ճանաչման գործում:
Նկարներ
Տեսանյութեր
Հրապարակումներ մամուլում
- Аркадий Гукасян, Peoples.ru:
- Контакты между представителями гражданского общества Нагорного Карабаха и Азербайджана необходимы, Analitikaua.net:
Տե՛ս նաև
- Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ:
- Սենոր Հասրաթյան, “Ոսկե արծիվ” շքանշանի ասպետները, Երևան, “Տիգրան Մեծ” հրատարակչություն, 2015:
