Ավագյան Ռոբերտ Հովսեփի

Ավագյան Ռոբերտ Հովսեփի
Авакян Роберт Овсепович
Անգլերեն:	Avagyan Robert
Հայերեն:	Ավագյան Ռոբերտ Հովսեփի
Ծննդյան տարեթիվը:	28.03.1931
Ծննդավայրը:	Երևան, Հայաստանի Հանրապետություն
Համառոտ տվյալներ: Ֆիզիկոս:

Կենսագրություն

Ծնվել է 1931թ. մարտի 28-ին Հայաստանի Խորհրդային Հանրապետության մայրաքաղաք Երևանում:

Կրթություն

• 1954թ. ավարտել է Երևանի պետական համալսարանը:

Աշխատանքային գործունեություն

• 1971թ.-ից՝ ԵՖԻ քվազիմեներանգ և բևեռացած ֆոտոնների լաբորատորիայի վարիչ:

Ձեռքբերումներ

• 1981թ.՝ ֆիզմաթ գիտությունների դոկտոր:
• 1984թ.՝ պրոֆեսոր:
• 1996թ.՝ ՀՀ ԳԱԱ ակադեմիկոս:
• 2003թ.՝ «Անանիա Շիրակացի» մեդալ:

Այլ

• Ուսումնասիերլ է β-էլեկտրոնների բևեցումը՝ կապված թույլ փոխազդեցություններում տարածական զույգության խախտման հետ:
• 1970թ. Երևանի էլեկտրոնային օղակաձև արագացուցիչում Ռոբերտ Ավագյանի ղեկավարությամբ ստեղծվել է γ-քվանտների քվազիմեներանգ բևեռացած փունջ, որն իր հիմնական հարաչափերով գերազանցել է ԱՄՆ-ի և Արևմտյան Եվրոպայի համանման արագացուցիչներում ստեղծված փնջերը: Ստեղծված փնջի օգնությամբ հետազոտել է π°-մեզոնների ֆոտոծնման բևեռացումային բնութագրերը: Ստանֆորդի էլեկտրոնային արագացուցիչում (ԱՄՆ) 1979թ. առաջինն է դիտել բարձր էներգիայի կապուղավորված պոզիտրոնների ճառագայթումը:
• Ուսումնասիրել է տարբեր բյուրեղներում բարձր էներգիայի էլեկտրոնների կապուղավորման ժամանակ առաջացող ճառագայթումը՝ օգտագործելով իր ստեղծած յուրահատուկ անկյունային հարաչափերով էլեկտրոնային փնջեր:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• ՀՀ ԳԱԱ պաշտոնական կայք: