Հովհաննես Դ Ովայեցի
Hayazg-ից
05:44, 14 Մարտի 2015 տարբերակ, AniZakaryan (քննարկում | ներդրում)
| Հովհաննես Դ Ովայեցի | |
| Ованнес Д Воваеци | |
| |
| Անգլերեն: | Hovhannes D Vovayeci |
| Հայերեն: | Հովհաննես Դ Ովայեցի |
| Ծննդավայրը: | Ովայք, Արևմտյան Հայաստան |
| Մահվան տարեթիվը: | 855 |
| Մահվան վայրը: | Սոդք գավառ |
| Համառոտ տվյալներ: Ամենայն հայոց կաթողիկոս: | |
Բովանդակություն
Կենսագրություն
Ծնվել է Արևմտյան Հայաստանի Այրարատ նահանգի Կոտայք գավառում:
Մահացել է 855թ. Սոդք գավառում:
Աշխատանքային գործունեություն
- Եղել է Դվինի հայրապետանոցի ամենահեղինակավոր միաբաններից:
- 833թ.-ից՝ Ամենայն հայոց կաթողիկոս:
Այլ
- Հաջորդել է Դավիթ Բ Կակաղեցուն:
- Կաթողիկոս է ընտրվել Հայոց սպարապետ Սմբատ Բագրատունու հովանավորությամբ: Հովհաննես Դ Ովայեցու կաթողիկոս ընտրվելուն դեմ է եղել իշխանաց իշխան Բագարատ Բագրատունին, որը 841թ. հատուկ հրովարտակով հոգևորականներից պահանջել է կարգալույծ անել նրան և փոխարենը ընտրել ուրիշի:
- Հակառակորդներին տեղի տալով` Հովհաննես Դ Ովայեցին հեռացել է Դվինից և առանձնացել Գեղարդավանքում` հրապարակավ նզովելով Բագարատ Բագրատունու առջև իրեն ամբաստանողներին:
- 841թ. սպարապետ Սմբատ Բագրատունու և Սյունիքի իշխան Գրիգոր Սուփանի նախաձեռնությամբ Դվինում գումարվել է նախարարների ու եպիսկոպոսների ժողով, որտեղ դատապարտվել են Հովհաննես Դ Ովայեցուն զրպարտողները, և նա վերստին հաստատվել է Հայոց կաթողիկոսի գահին: Աչքի է ընկել առաքինի, սրբասուն վարքով, եկեղեցական բարեկարգություններով:
- Նրա օրոք` 851թ., Հայաստանն ասպատակվել է արաբ զորապետ Բուղայի հրոսակների կողմից, գերեվարվել են նախարարները, գրավվել է նաև կաթողիկոսանիստ Դվինը, որտեղ նույն զորապետի հրամանով 853թ. նոյեմբերի 17–ին նահատակվել են հավատուրացության առաջարկը մերժած Ատոմ Անձևացին և նրա ընկերները (նրանց հիշատակին Հովհաննես Դ Ովայեցին տոն է սահմանել):
- Հովհաննես Դ Ովայեցուն գահակալման ութերորդ տարում գահազրկվել է Բագարատ-Բագրատունու կողմից և հաստատվել Այրիվանքում (Գեղարդավանք):
- Սակայն նախարարների ժողովում վերահաստատվել է կաթողիկոսական գահին:
- Կաթողիկոսական գահին նրան հաջորդել է Զաքարիա Ա Ձագեցին:
- Ամփոփված է Մաքենացոց միաբանության գերեզմանատանը:
- Հովհաննես Դ Ովայեցին, չնայած ծեր հասակին, շրջել է տառապակիր ժողովրդի մեջ և իր խրատներով հուսապնդել, հավատի զորությամբ հույս ներշնչել շատերին: Ստեղծված ծանր պայմաններում հիվանդացել և առանձնացել է Գեղարքունիք գավառի Մաքենոցաց վանքում, որտեղ էլ վախճանվել է:
Տե՛ս նաև
- Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005:
- http://nakhshkaryan.blogspot.com/2013/07/833-855.html#.VQPJditqM6U ՀԱՅՈՑ ՀԱՅՐԱՊԵՏԸ - Տ. Հովհաննես Դ Ովայեցի (833 - 855):
