Հովհաննիսյան Ռաֆայել Հովսեփի

Հովհաննիսյան Ռաֆայել Հովսեփի
Оганесян Рафаэль Овсепович
Անգլերեն:	Hovhannisyan Rafayel
Հայերեն:	Հովհաննիսյան Ռաֆայել Հովսեփի
Ծննդյան տարեթիվը:	22.03.1940
Ծննդավայրը:	Երևան, Հայաստանի Հանրապետություն
Համառոտ տվյալներ: Կենսաբան:

Կենսագրություն

Ծնվել է 1940թ. մարտի 22-ին Հայաստանի Հանրապետության մայրաքաղաք Երևանում:

Կրթություն

• 1964թ. ավարտել է ԵՊՀ-ն:

Աշխատանքային գործունեություն

• 1973թ.-ից՝ ՀՀ ԳԱԱ Հիդրոէկոլոգիայի և ձկնաբանության ինստիտուտի տնօրեն:
• 1988թ.-ից դասախոսում է նաև ԵՊՀ-ում:
• 1989թ.-ից՝ ՀՀ ԳԱԱ և ԵՊՀ լեռնային ջրամբարների էկոլոգիայի ԳՀ լաբորատորիայի վարիչ:

Ձեռքբերումներ

• 1988թ.՝ կենսաբանական գիտությունների դոկտոր:
• 1997թ.՝ հայ էկոլոգների միության նախագահ:
• 1998թ.՝ Միջազգային էկոլոգիայի ակադեմիայի անդամ:
• 1998թ.՝ ՌԴ բնական գիտությունների ակադեմիայի անդամ:
• 1999թ.՝ ՀՀ ճարտարագիտական ակադեմիայի անդամ:
• 1999թ.՝ Ազգային անվտանգության հիմնախնդիրների միջազգային ակադեմիայի անդամ:
• Պարգևատրվել Է Գիտությունների Ազգային Ակադեմիայի վաստակագրերով:
• Պարգևատրվել է Համամիութենական հիդրոկենսաբանական ընկերության պատվոգրով:
• Պարգևատրել է Սևանի քաղաքային և գործադիր խորհրդի, ՅՈՒՆԵՍԿՕ-ի «Մարդը եւ բնությունը» հանձնաժողովի պատվոգրերով:

Այլ

• Աշխատանքները վերաբերում են հիդրոէկո-համակարգերի բնական և անթրոպոգեն էվոլյուցիայի, բնական պաշարների փոփոխության, հիդրոէկոհամակարգերի մաթեմատիկական մոդելավորման, Սևանա լճի բնական պաշարների վերականգնման և արդյունավետ օգտագործման հարցերին:
• Ռաֆայել Հովհաննիսյանի նախաձեռնությամբ Հայաստանում զարգացում ապրեցին գիտական նոր ուղղություններ` ֆունկցիոնալ հիդրոէկոլոգիան և հիդրո-կենսաբանությունը, ինստիտուտում ստեղծվեցին մի շարք նոր լաբորատորիաներ` հիդրոֆիզիկայի, հիդրոքիմիայի, էկոլոգիական ֆիզիոլոգիայի, փորձարարական էկոլոգիայի, ձկնաբուծության և այլն: Պրոֆեսոր Ռ. Հովհաննիսյանի գիտական հետազոտությունների արդյունքները օգտագործվեցին Սևանա լճի ջրհավաք ավազանի բնապահպանական միջոցառումների մշակման համար, որոնք իրենց արտացոլումն են գտել ԱՊՀ և Հայաստանի Հանրապետության կառավարական և վարչական օրգանների հա- տուկ որոշումներում: Նրա ղեկավարությամբ հիմնադրվել է աշխարհի և Հայաստանի գետերի և լճերի ջրաբանական, ջրակենսաբանական և ջրաքիմիական տվյալների չափադարանը:
• Պրոֆեսոր Ռ.Հովհաննիսյանը հեղինակ է 125 գիտական աշխատությունների, այդ թվում երկու մենագրության, որոնց գիտական ուղղվածությունը էկոլոգիական պրոցեսների հետազոտման ֆունկցիոնալ մոտեցումն է: Նրա գիտական աշխատությունները հայտնի են ոչ միայն ԱՊՀ երկրներում, այլև նրա սահմաններից դուրս: Համատեղ գիտական հետազոտություններ իրականացնելու համար նա բազմիցս հրավիրվել է արտասահման, գիտական զեկույցներով հանդես եկել Ճապոնիայում, Հունգարիայում, ԱՍՆ-ում, Սկանդինավյան երկրներում, Չինաստանում՝ ամենուր Սևանի հիմնահարցը բարձրացնելով համաշխարհային մակարդակի:
• Պրոֆեսոր Ռ.Հովհաննիսյանը միշտ հատուկ ուշադրություն է դարձրել բարձրորակ մասնագետների պատրաստմանը: Նա դասավանդել է ԵՊՀ կենսաբանության ֆակուլտետում, իր ակտիվ մասնակցությունն ունեցել ֆակուլտետի էկոլոգիայի և բնության պահպանության ամբիոնի գիտակրթական գործընթացների բարելավման գործում: Նրա շատ աշակերտներ հաջողությամբ աշխատել են Ռուսաստանի, Ուկրաինայի, Բելոռուսիայի, Հնդկաստանի Գեր- մանիայի, Հունաստանի խոշոր գիտական կենտրոններում, յուրացրել նրանց առաջավոր փորձը` տեղերում պաշտպանելով թեկնածուական և դոկտորական ատենախոսություններ:

Տե՛ս նաև

• Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005:
• Հայաստանի Հայաստանիկենսաբական հանդես, 4(63), 2011 (63), 2011 (63), 2011:
• Հայաստանի գիտությունների ազգային ակադեմիա: