Թորոս Սարկավագ

Թորոս Սարկավագ
Торос Саркаваг
Անգլերեն:	Toros Sarkavag
Հայերեն:	Թորոս Սարկավագ
Համառոտ տվյալներ: XIII-XIV դդ. մանրանկարիչ:

Կենսագրություն

Ծննդյան և մահվան թվերն անհայտ են:

Աշխատանքային գործունեություն

• XIII-XIV դդ. մանրանկարիչ:

Այլ

• 1311թ. ծաղկել է Ծեր Քահանայի ընդօրինակած և 1904-1924թթ. Թավրիզի Ս. Աստվածածին եկեղեցուց անհետացած Ավետարանը [ծաղկած երկու էջ գտնվում են Դուբլինի Չեսթեր Բիթիի գրադարանում (ձեռ. № 539), մեկը՝ Փրինսթոնի (ԱՄՆ) համալսարանի գրադարանի Գարրեթ հավաքածուում, մյուսը՝ Վենետիկի Մխիթարյան միաբանության մատենադարանում, չորսը՝ արվեստաբան Բեռնարդ Բերենսոնի Թաթթի դղյակի (Ֆլորենցիա) հավաքածուում, չորսը՝ 1985թ.-ից՝ Վ. Կարապետյանի (Լոս Անջելես) սեփականությունը:
• Տերունական նկարներից զրկված, վնասված արծաթե կազմով ձեռագիրը հանգրվանել է Մատենադարանում (ձեռ. № 10859):
• Նրա մանրանկարներում գերակայում է կանաչ գույնը, մարդկային դեմքերի փիրուզագույն երանգավորումը:
• Դուբլինի պատառիկներից մեկի վրա պահպանված է Թորոս Սարկավագի ինքնանկարը: Նրան է վերագրվում Երուսաղեմի Ս. Հակոբյանց վանքի՝ Եսայի Մարգարեի մեկնությունն ընդգրկող 1299թ. ձեռագիր մատյանի (ձեռ. № 365) պատկերը՝ «Եսայի Նչեցին աշակերտների հետ»:

Տե՛ս նաև

• Ով ով է.հայեր (կենսագրական հանրագիտարան:Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
• D e r - Nersessian S., L՝art Arme՝nien des origines au XVIIs sie՝cle, P., 1977.