Հրանտ Արմեն

Հրանտ Արմեն
Грант Армен
Այլ անուններ:	Քյություկյան Հրանդ Գրիգորի
Անգլերեն:	Hrant Armen
Հայերեն:	Հրանտ Արմեն
Ծննդյան տարեթիվը:	01.01.1895
Ծննդավայրը:	Թալաս, Թուրքիա
Մահվան տարեթիվը:	1973
Մահվան վայրը:	Դետրոյտ, Ամերիկա
Համառոտ տվյալներ: Պատմաբան, իրավաբան, մշակութային գործիչ:

Կենսագրություն

Ծնվել է 1895թ. հունվարի 1-ին Թուրքիայի Թալաս գյուղում:

Մահացել է 1973թ. Ամերիկայի Միացյալ Նահանգների Դետրոյտ քաղաքում:

Կրթություն

• Նախնական կրթությունն ստացել է Այնթապի նախակրթարանում։
• 1931թ. ավարտել է Դետրոյտի համալսարանի իրավաբանական ֆակուլտետը:

Ձեռքբերումներ

• Իրավաբանական գիտությունների դոկտոր:

Այլ

• 1911թ. տեղափոխվել է Դետրոյդ:
• Վերջինս առիթ է տվել բանավեճերի, ինչի կապակցությամբ նա գրել է «Քննադատները ջղայնացած են» (1952) ուսումնասիրությունը:
• Իր «Խորենացին և Աստվածաշնչի հայերեն թարգմանությունը» մեծարժեք հոդվածում Հրանտ Արմենը նախ միանգամայն հիմնավորված ևս մի անգամ և թերևս անառարկելիորեն, փաստորեն, հերքում է Մովսես Խորենացուն V դարից ավելի ուշ դարեր տեղափոխելու կողմնակիցների փորձերը։ Ավելին, Հրանտ Արմենը ոչ պակաս հիմնավորված կերպով ապացուցում է, որ Աստվածաշնչի` հունարենից հայերեն կատարված թարգմանությունը հենց «թարգմանություններից անպարապ» Մեծն Քերթողահոր` հանճարեղ Խորենացու ձեռքի գործն է։
• Հրանտ Արմենի աշխատություններն աչքի են ընկնում աղբյուրների անաչառ, բազմակողմանի, սրամիտ, փայլուն քննությամբ, հայ և համաշխարհային պատմության փաստերի հիանալի իմացությամբ և դրանց մանրակրկիտ համեմատությամբ ու կապակցմամբ, հայ գիտնականին և հայ գաղափարախոսին հատուկ պատվարժան և անզիջում կեցվածքով, հայերենի բառապաշարի և արտահայտչամիջոցների գերազանց օգտագործմամբ։ Այդ է վկայում նրա վաստակի ըստ արժանվույն գնահատումը թե' Սփյուռքում և թե' հատկապես մայր Հայրենիքում, ուր նրա ուսումնասիրություններն օգտագործվել են բազմաթիվ գիտական հետազոտությունների և հեղինակավոր, հիմնարար գիտական աշխատությունների, այդ թվում` Հայոց պատմության ակադեմիական բազմահատորյակի մեջ: Իսկ Հրանտ Արմեն անունը հաստատունորեն և իրավամբ իր տեղն է գտել հայկական հանրագիտարանների մեջ։ Պատահական չէ նաև Հրանտ Արմենի և նրա գործերի նկատմամբ որոշակի հակահայ շրջանակների և օտարամոլ հայ գրչակների դժվար թաքցվող հակակրանքը։ Միաժամանակ, լիովին հասկանալի է հայության գործին նվիրյալների և հայագիտության ազատ ու անկաշկանդ զարգացման կողմնակիցների մեծագույն հարգանքը սփյուռքահայ տաղանդավոր պատմաբանի նկատմամբ։

Մատենագիտություն

• Հրանտ Ա., Խորենացի, Եղիշէ և հայր Ներսէս Ակինեան, Երուսաղէմ, 1951։
• Հրանտ Ա., Պատմութիւն Խորենացիի քննադատութեան, Երուսաղէմ, 1954։
• Հրանտ Ա., Պապ Արշակունի, Երուսաղէմ, 1958։
• Հրանտ Ա., Մարզպանը և սպարապետը, Լոս Ալնճելըս, 1952։
• Հրանտ Ա., Քննադատները ջղայնացած են, Լոս Ալնճելըս, 1952։
• Հրանտ Ա., Փառանձեմ թագուհի, Վենէտիկ, 1962։
• Հրանտ Ա., Անկում Արտաշէսեան հարստութեան, Բէյրութ, 1967։
• Հրանտ Ա., Հայկական Գերագոյն ատեան։ Վասակ Սիւնի (Ամբաստանեալ), Բէյրութ, 1969։
• Հրանտ Ա., Մեծն Տիգրան, Կահիրէ, 1957։
• Հրանտ Ա., Արշակունիք և Լուսավորչյաններ, Երևան, 1967թ., Պատմա-բանասիրական հանդես:
• Հրանտ Ա., Խորենացին և Աստվածաշնչի հայերեն թարգմանությունը, Երևան, 1969թ., Պատմա-բանասիրական հանդես։
• Հրանտ Ա., Արտավազդ Բ և Անտոնիոս, Պատմա-բանասիրական հանդես, Երևան, 1963։
• Հրանտ Ա., Խորենացի և Փավստոս, Պատմա-բանասիրական հանդես, Երևան, 1965։
• Հրանտ Ա., Խորենացիի պատմագրքի գրության թվականը, Պատմա-բանասիրական հանդես, Երևան, 1961։
• Հրանտ Ա., Խորենացիի պատմության չորրորդ գիրքը, Պատմա-բանասիրական հանդես, Երևան, 1960։
• Հրանտ Ա., Խորենացին և աղբյուրներու ընտրությունը, Պատմա-բանասիրական հանդես, Երևան, 1964։
• Հրանտ Ա., Hrant K. Armen, Tigran the Great, Cairo, Egypt, 1940.

Տե՛ս նաև

• Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005: