Գրիգոր Սկևռացի

Գրիգոր Սկևռացի
Григор Скевраци
Այլ անուններ:	Լամբրոնացի
Անգլերեն:	Grigor Skevratsi
Հայերեն:	Գրիգոր Սկևռացի
Ծննդյան տարեթիվը:	1160/1170
Ծննդավայրը:	Լամբրոն, Կիլիկիա
Մահվան տարեթիվը:	1230
Համառոտ տվյալներ: Բանաստեղծ, մատենագիր:

Կենսագրություն

Ծնվել է մոտ 1160/1170-ական թթ. Կիլիկիայի Լամբրոն ամրոցում:

Մահացել է մոտ 1230-ական թթ.:

Կրթություն

• Սովորել է Կիլիկիայի վանական դպրոցներում:
• Աշակերտել է Ներսես Լամբրոնացուն:

Աշխատանքային գործունեություն

• Եղել է Սկևռա վանքի ուսուցիչ և վանահայր:
• Եղել է Լևոն Բ թագավորի թարգմանիչը, խորհրդատուն ու խոստովանահայրը:

Այլ

• Լևոն Բ թագավորի առաջարկությամբ հունարենից հայերեն է թարգմանել Նիկիայի արքեպիսկոպոս Հովհաննեսի Թուղթը (1203)՝ ուղղված Զաքարիա Ա Ձագեցի կաթողիկոսին:
• Գրել է ներբողներ, ճառեր:
• Արժեքավոր են «Ճառն ի Յարութիւն Քրիստոսի» և Եսայի մարգարեի «Տէր ո՞ հաւատաց» խոսքի էությանն ու մեկնաբանությանը նվիրված ճառերը:
• «Արեգականն արդարութեան» սզկբնատողով, հայերենի այբբենական կարգով գրված շարականում անդրադարձել է Հովհաննես Մկրտչի ծննդին, կյանքին և գործունեությանը:
• Գրիգոր Սկևռացուն է վերագրվել Ավագրի «Լուսաւոր պատերազմ» երկի մեկնաբանությունը:
• Ներսես լամբրոնեցու հանձնարարությամբ կատարել է Սաղմոսների մեկնաբանության հայերեն թարգմանություն:
• Նպաստել է հայկական երաժշտաբանաստեղծական մասնագիտացված արվեստի զարգացմանը:

Նկարներ

• 

  էջ «Գիրք աղօթից» 1742թ. հրատարակությունից

Մատենագիտություն

• Գրիգոր Սկևռացի, Գիրք աղօթից, ԿՊ, 1742:
• Գրիգոր Սկևռացի, Ներբողեան ի սուրբն Ներսէս Լամբրոնացի, տե՛ս Սոփերք հայկականք, հ. 15, Վնտ., 1854:
• Գրիգոր Սկևռացի, Բան գովեստի պատմագրաբար յաղագս ծննդեան, քաղաքավարութեան և վերափոխման ամենասուրբ կուսին, ասացեալ ի Գրիգոէ Մենավորէք, ներբող:
• Գրիգոր Սկևռացի, Պատմութիւն վարուց սրբոյն Գրիգորի Լուսաւորչի, ճառ:
• Գրիգոր Սկևռացի, Վարք Գրիգորի Նարեկացւոյ, ճառ:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• Մինասյան Թ.Հ., Գրիգոր Սկևռացու գրական ժառանգության հարցի շուրջ::