Գրիգոր ԺԲ Վաղարշապատցի

Գրիգոր ԺԲ Վաղարշապատցի
Григор XII Вагаршапатци
Անգլերեն:	Grigor XII Vagharshapattsi
Հայերեն:	Գրիգոր ԺԲ Վաղարշապատցի
Ծննդավայրը:	Վաղարշապատ, Հայաստան
Մահվան տարեթիվը:	1590
Մահվան վայրը:	Վաղարշապատ, Հայաստան
Համառոտ տվյալներ: Ամենայն հայոց կաթողիկոս:

Կենսագրություն

Ծնվել է Հայաստանի Վաղարշապատ քաղաքում:

Մահացել է 1590թ. Հայաստանի Վաղարշապատ քաղաքում:

Աշխատանքային գործունեություն

• 1576թ.-ից՝ Ամենայն հայոց կաթողիկոս:

Այլ

• Հաջորդել է Միքայել Ա Սեբաստացուն:
• Նախապես եղել է Մայր Աթոռի միաբան, ներկայացրել է վաղարշապատցիների խմբակցությունը։ Ունեցել է մեծ հեղինակություն և ուժեղ դիրք, որոնցով են բացատրվում 1557-ին Ստեփանոս Ե Սալմաստեցու և Միքայել Ա Սեբաստացու կողմից նրան աթոռակից կաթողիկոս առաջադրելը։
• 1576-ին՝ 78 տարեկան հասակում, կաթողիկոսական գահ է բարձրացել Միքայել Ա Սեբաստացու կտակի համաձայն։ Ըստ ընդունված սովորույթի՝ Թադեոս և Առաքել եպիսկոպոսներին նշանակել է աթոռակից կաթողիկոսներ, իսկ 1584-ին՝ Դավիթ եպիսկոպոս Վաղարշապատցուն (հետագայում՝ Ամենայն Հայոց Կաթողիկոս Դավիթ Դ Վաղարշապատցի)։
• Իր նախորդների հետևությամբ Հայաստանի ազատագրության հարցը արծարծելու համար Գրիգոր ԺԲ Վաղարշապատցին 1577-ին աթոռակից Թադեոս կաթողիկոսի գլխավորությամբ պատվիրակություն է ուղարկել Արևմուտք։
• Հայտնի է, որ Թադեոս կաթողիկոսը բանակցություններ է վարել Վենետիկի դոժի, Հռոմի պապի և Լեհաստանի թագավորի հետ։
• Չնայած զառամյալ հասակին՝ մինչև 1590-ը Գրիգոր ԺԲ Վաղարշապատցին աթոռակիցների օգնությամբ շարունակել է գլխավորել կաթողիկոսական գործունեությունը։
• Նրան հաջորդել է Դավիթ Դ Վաղարշապատցին:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• Գրիգոր ԺԲ Վաղարշապատցի: