Գող Վասիլ

Գող Վասիլ
Гох Васил
Անգլերեն:	Gogh Vasil
Հայերեն:	Գող Վասիլ
Մահվան տարեթիվը:	12.10.1112
Համառոտ տվյալներ: Կիլիկիայի իշխան, Կամսարականների տոհմից:

Կենսագրություն

Մահացել է 1112թ. հոկտեմբերի 12-ին:

Աշխատանքային գործունեություն

• Նախապես եղել է Փիլարտոս Վարաժնունու վասալը:
• 1082թ.. հիմնել է անկախ իշխանություն, որն ընդգրկել է Քեսունը, Մարաշը, Հռոմկլան, Ռաբան և այլ գավառներ: Մայրաքաղաք Քեսունի անունով կոչվել է Քեսունի իշխանություն:
• Հիմնադրել և իշխանության հոգևոր կենտրոն է դարձրել Քեսունի Կարմիր վանքը, որը գտնվում է Սև լեռան վրա:
• Գաղթական վարդապետների օգնությամբ բացել է ուսումնական հաստատություն Կարմիր վանքում:
• Գող Վասիլի շուրջն են համախմբվել Հայաստանից գաղթած մի շարք իշխանական տոհմեր (Բագրատունիներ, Պահլավունիներ և այլք)՝ իրենց զորամասերով, ինչպես նաև հայոց կաթողիկոս Գրիգոր Բ Վկայասերը:
• Հաջողությամբ դիմակայել է սելջուկյան թուրքերի հարձակումներին:
• Համագործակցել է Թորոս Ա-ի հետ (1107թ. Բերդուսի ճակատամարտում):
• Մահմեդական հարևանների դեմ դաշնակցել է խաչակիրներին, սելջուկյան թուրքերից փրկագրել խաչակիրների գերված առաջնորդներ Բոհեմունդ Անտիոքցուն (1103) և Բոլդուին Եդեսացուն (1108):
• Ստիպված է եղել մարտնչել խաչակիրների ոտնձգությունների դեմ՝ պաշտպանելու իր իշխանապետության ամբողջականությունը:
• 1112թ. Տանկրեդ Անտիոքցուն զիջել է մի շարք գավառներ՝ պահպանելով իր տիրույթների զգալի մասը:

Այլ

• Լատինական աղբյուրներում հիշվում է Կավասիլիուս, արաբական աղբյուրներում՝ Բասիլ ալ Արմանի անուններով:
• Ենթադրվում է, որ «Գող» մականունն է ստացել ռազմական հաջողությունների համար:
• Թաղվել է Կարմիր վանքում:
• Գող Վասիլին հաջորդել է իր որդին՝ Վասիլ Տղան (1112-1116):

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• Սմբատ Սպարապետ (Գունստաբլ), Տարեգիրք, Վնտ․, 1956:
• Մատթևոս Ուռհայեցի, ժամանակագրություն, Ե․, 1973:
• Микаелян Г․, История Киликийского Армянского госу–дарства, Е․, 1952.
• Գող Վասիլ, կենսագրություն:
• Гох Василий, Последний капитул.