Թումանյան Մկրտիչ

Թումանյան Մկրտիչ
Туманян Мкртич
Անգլերեն:	Tumanyan Mkrtich
Հայերեն:	Թումանյան Մկրտիչ
Ծննդյան տարեթիվը:	13.01.1943
Ծննդավայրը:	Սպահան, Իրան
Համառոտ տվյալներ: Մաթեմատիկոս:

Կենսագրություն

Ծնվել է 1943թ. հունվարի 13-ին Իրանի Սպահան քաղաքում:

Կրթություն

• Նախնական կրթությունն ստացել է գյուղական դպրոցում:
• Ութ տարեկանից հաճախել է Ջուղայի հայոց ազգային դպրոցը:
• 1969թ. ավարտել է Թեհրանի համալսարանը:
• 1971թ. ավարտել է Թավրիզի համալսարանը:
• Սաութամբթոն համալսարանում ուսանել է դիֆերենցիալ երկրաչափություն:

Աշխատանքային գործունեություն

• 1972թ.-ից դասախոսել է Թավրիզի համալսարանում:
• Գլխավորել է Մաթեմատիկայի բաժանմունքը:
• 1984-1988թթ., միաժամանակ՝ Իրանի մաթեմատիկական միության նախագահ:
• Եղել է Ատրպատականի հայոց թեմի պատգամավորական ժողովի ատենապետը:
• 30 տարի եղել է Թավրիզի հայկական դպրոցի հոգաբարձուների խորհրդի նախագահը:
• 2001թ.-ից՝ Իրանի ԳԱ մաթեմատիկայի բաժնի փոխնախագահ:

Ձեռքբերումներ

• Մաթեմատիկական գիտությունների դոկտոր:
• Պրոֆեսոր:
• Իրանի Իսլամական Հանրապետության գիտությունների ակադեմիայի թղթակից անդամ:
• Իրանահայ համայնքի թեմական և պատգամավորական խորհրդի անդամ:
• 1975թ.՝ Անգլիայի Սաութամբթոն համալսարանի դոկտոր:
• 2008թ.՝ Գիտությունների ազգային ակադեմիայի արտասահմանյան անդամ:
• 2011թ.՝ Անանիա Շիրակացու մեդալ:

Այլ

• Պաշտպանել է գիտական ատենախոսությունը՝ «Սիմետրիկ տարածությունների հատկությունները» թեմայով:
• Մկրտիչ Թումանյանի ղեկավարությամբ պաշտպանվել են 65 մագիստրոսական և 10 թեկնածուական աշխատանքներ:
• Աշխատանքները վերաբերում են մաթեմատիկային, մասնավորապես՝ դիֆերենցիալ երկրաչափության հարցերին:
• Հեղինակ է մի շարք գիտական հոդվածների, մենագրությունների, անձնական նախաձեռնությամբ մաթեմատիկայի և երկրաչափության ոլորտի մի շարք աշխատանքներ անձամբ թարգմանել է անգլերենից, որպեսզի հասանելի լինի Իրանի մաթեմատիկայի բնագավառի ուսանողներին:
• Մկրտիչ Թումանյանի ուշադրության կենտրոնում, բացի դպրոցներից, եղել են նաև հայկական եկեղեցիների, ինչպես նաև առաջնորդարանին պատկանող հողատարածքների պահպանման խնդիրները:
• Թումանյանը համագործակցել է Հայաստանի մաթեմատիկոսների, հատկապես ԵՊՀ մաթեմատիկայի և մեխանիկայի ֆակուլտետի աշխատակիցների հետ։ Նա պարբերաբար այցելում է Հայաստան, մասնակցում գիտակազմակերպչական միջոցառումներին և հանդես գալիս զեկուցումներով:
• 2011թ. Հայաստանի Հանրապետության անկախության 20-րդ տարեդարձի առթիվ, հայապահպանության գործում ներդրած ծանրակշիռ ավանդի, հայրենիքին մատուցած ծառայությունների, ինչպես նաև Հայաստանի Հանրապետության և օտարերկրյա պետությունների միջև բարեկամության ամրապնդմանը մեծապես նպաստելու համար Հայաստանի Հանրապետության նախագահ Սերժ Սարգսյանի հրամանագրով Մկրտիչ Թումանյանը պարգևատրվեց Անանիա Շիրակացու մեդալով:

Նկարներ

• 

Տե՛ս նաև

• Ով ով է.հայեր (կենսագրական հանրագիտարան:Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.2, Ճաղարյան-Ֆրիկ, 2007:
• Մկտիչ Թումանյան, ՀՀ ԳԱԱ:
• Թումանյան Մկրտիչ Մարկոսի - National Academy of ...: