Գյանջեցյան Ռուբեն Մկրտչի

Գյանջեցյան Ռուբեն Մկրտչի
Гянджецян Рубен Мкртичович
Անգլերեն:	Gyanjetsyan Ruben
Հայերեն:	Գյանջեցյան Ռուբեն Մկրտչի
Ծննդյան տարեթիվը:	30(11).08(09).1885
Ծննդավայրը:	Նախիջևան
Մահվան տարեթիվը:	23.11.1954
Մահվան վայրը:	Երևան, Հայաստանի Հանրապետություն
Համառոտ տվյալներ: Թերապևտ:

Կենսագրություն

Ծնվել է 1885թ. օգոստոսի 30-ին (սեպտեմբերի 11) Նախիջևանում:

Մահացել է 1954թ. նոյեմբերի 23-ին Հայաստանի Խորհրդային Հանրապետության մայրաքաղաք Երևանում:

Կրթություն

• Նախնական կրթությունը ստացել է Շուշիի ռեալական ուսումնարանում:
• 1913թ. ավարտել է Մոնպելիեի (Ֆրանսիա) համալսարանի բժշկական ֆակուլտետը:

Աշխատանքային գործունեություն

• 1914-1928թթ. աշխատել է Բաքվի, Գյումրու, Թբիլիսիի հիվանդանոցներում:
• 1933-1935թթ.՝ ԵԲԻ սանիտարական ֆակուլտետի թերապիայի ամբիոնի վարիչ:
• 1935-1954թթ.՝ ԵԲԻ հոսպիտալային թերապիայի ամբիոնի վարիչ:
• 1938-1941թթ.՝ ԵԲԻ գիտական և ուսումնական գծով փոխտնօրեն:
  • 1944-1945թթ.՝ տնօրեն:
• 1938-1951թթ.՝ ՀԽՍՀ ԳԽ պատգամավոր:

Ձեռքբերումներ

• 1935թ.՝ պրոֆեսոր:
• 1941թ.՝ ՀԽՍՀ գիտության վաստակավոր գործիչ:

Այլ

• Աշխատանքները վերաբերում են տուբերկուլոզի, մալարիայի, ստամոքսաղիքային համակարգի (հատկապես խոցային) հիվանդությունների բուժմանը, Հայաստանի առողջավայրերի ուսումնասիրությանը:
• Լինելով Լ.Վ. Գրոմաշևսկու տեսության հետևորդ՝ առաջադեմ գիտնականը մալարիայի վերաբերյալ աշխատություններում ընդգծում էր, որ հիվանդության դեմ արդյունավետ պայքարի համար անհրաժեշտ է ազդել համաճարակային շղթայի բոլոր 3 օղակների վրա։ Նա առանձնակի ուշադրություն էր դարձնում մալարիայով հիվանդների մոտ տուբերկուլյոզի կլինիկայի, ընթացքի և Հայաստանի առողջարաններում բուժման վրա։ Ռ.Ն. Գյանջեցյանը ծավալուն պայքար կազմակերպեց տուբերկուլյոզի դեմ և հիմնադրեց ֆթիզիատրիկ ծառայությունը։ Այդ դժվար գործում նրան օգնեցին դեռևս 1923 թ. Լենինգրադում տուբերկուլյոզի գծով մասնագիտացման ժամանակ ստացած գիտելիքները, ինչպես նաև Բալախանի, Բաքվի թերապևտիկ կլինիկաներում, Թբիլիսիի տուբդիսպանսերում (1914-1930) աշխատանքային փորձը, որտեղ ևս լայնորեն տարածված էր տուբերկուլյոզը։ 1927 թ. նա հիմնադրեց Դիլիջանի հակատուբերկուլյոզային դիսպանսերը, որը հետագայում վերակազմավորվեց որպես առողջարան և կոչվեց գիտնականի անունով։ Նա հիմնավորեց Դիլիջանի պայմաններում տուբերկուլյոզի, քրոնիկ թոքային ախտաբանության և այլ ներքին հիվանդությունների կլիմայաբուժման հնարավորությունները։
• Պրոֆեսոր Ռ.Ն. Գյանջեցյանը բացահայտեց «Դիլիջան» հանքային ջրի և «Արզնի» առողջարանի հանքային ռեսուրսների բուժիչ հատկությունները ու դրանց կիրառելիությունն աղեստամոքսային ուղու հիվանդությունների համալիր բուժման մեջ։ «Արզնի» հանքային ջրերի բուժական հատկություններն ուսումնասիրելու ուղղությամբ ծավալուն աշխատանք կատարեց նաև գիտնականի դուստր, հիանալի կլինիցիստ Նինա Ռուբենի Գյանջեցյանը։
• Հեղինակ է 35 գիտական աշխատության, այդ թվում՝ 3 մենագրության:
• Գյանջեցյանի անունով է կոչվում Դիլիջանի 1-ին առողջարանը:

Նկարներ

• 
• 

Մատենագիտություն

• Գյանջեցյան Ռ.Մ., Մալարիայի բուժումը, Ե., 1944:
• Գյանջեցյան Ռ.Մ., Մալարիայի կլինիկան, Ե., 1945:
• Գյանջեցյան Ռ.Մ., Ստամոքսի և 12-մատնյա աղիքի խոց, Ե., 1946:
• Գյանջեցյան Ռ.Մ., Ավիտամինոզներ և հիպովիտամինոզներ, Ե., 1947:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• Դալլաքյան Մ.Մ., Ռուբեն Գյանջեցյան (Կյանքը և գործունեությունը), Ե., 1981:ջ
• Айриян А.П. Армянские учёные-медики // Ер., 1998.
• Ռուբեն Գյանջեցան, Med-Prectic.com: