Հակոբյան Հակոբ Մնացականի

Հակոբյան Հակոբ Մնացականի
Акопян Акоп Мнацаканович
Անգլերեն:	Hakobyan Hakob
Հայերեն:	Հակոբյան Հակոբ Մնացականի
Ծննդյան տարեթիվը:	29.05.1866
Ծննդավայրը:	Գանձակ, Արևելյան Հայաստան
Մահվան տարեթիվը:	13.11.1937
Մահվան վայրը:	Թբիլիսի, Վրաստան
Համառոտ տվյալներ: Բանաստեղծ:

Կենսագրություն

Ծնվել է 1866թ. մայիսի 29-ին Արևելյան Հայաստանի Գարդմանք տարածաշրջանի Գանձակ քաղաքում: Մահացել է 1937թ. նոյեմբերի 13-ին Վրաստանի մայրաքաղաք Թբիլիսիում:

Կրթություն

• Մի տարի սովորել է գյուղում՝ Ծովի Աղի անունով մի կնոջ մոտ:
• Սովորել է ծխական դպրոցում:

Աշխատանքային գործունեություն

• 1921թ. ընտրվել է Թիֆլիսի հեղկոմի անդամ և բանկերի կոմիսար:
• 1922թ. հիմնել և ղեկավարել է Վրաստանի պրոլետգրողների ընկերակցության հայկական մասնաճյուղը:

Ձեռքբերումներ

• 1923թ.՝ Հայաստանի և Վրաստանի ժողովրդական բանաստեղծ:
• 1904թ.ից՝ ՍՍՀՄ գրողների միության անդամ:

Այլ

• Կրել է Պրոլետար ծածկանունը:
• Հակոբյանի հայրը նպատակ ուներ տղային քահանա կամ արհեստավոր դարձնել, բայց մայրը հաջողացնում է որդուն գիմնազիա տալ։ Քանի որ գիմնազիայում արգելված էր հայերեն լեզուն և գրականությունը, Հակոբյանը մի քանի գրասեր աշակերտների հետ դասից դուրս հավաքույթներ էին կազմակերպում, որի ընթացքում հայերեն էին կարդում և գրականություն քննարկում։
• Հակոբյանը դեռևս գիմնազիայի 6–րդ դասարանից, մասնակցել է աշակերտական գաղտնի հավաքույթների և գրել է բանաստեղծություններ։ Նրա «Հյուսիսի ագռավը» բանաստեղծությունը, որը նա փակցնում է եկեղեցու պատին, պատճառ է դառնում իր գիմնազիայից վտարմանը։
• Դուրս մնալով գիմնազիայից, Հակոբյանը մեկնում է Թիֆլիս, մտնում դեղատուն՝ իբրև աշակերտ։ Սկսվում են զրկանքներով, դառնություններով, թափառումներով լի կյանքի տարիները։
• Թողնելով դեղատունը՝ Հակոբյանը այս անգամ մեկնում է Բաքու՝ նավթահանքերում սևագործություն է անում, դրանից հետո Սև քաղաքում մի մեխանիկական գործարանում մեխանիկական գրանցողի, գանձապահի պաշտոն է ստանձնում, հետո Էյզենշմիդի գործարանում հաշվապահություն է անում։
• 1894թ., վերադառնալով Թիֆլիս, Հակոբյանը մի քանի հիմնարկներում հաշվապահական պաշտոններ է տանում, մինչև Սովետական կարգերի հաստատումը՝ 1921 թ։
• Սկզբնական շրջանի բանաստեղծությունները տպագրվել են «Մուրճում»։
• «Նոր հոսանք» ամսագրում տպագրվել են նրա «Մաքառման ժամին», «Էտապը», «Գործարան», «Գյուղը հարավում» և այլ բանաստեղծություններ։
• Առաջին շրջանում եղել է ազգային գրողների զորեղ ազդեցության տակ, ամենից ավելի Ռ. Պատկանյանի։

Նկարներ

• 
• 

  Հակոբ Հակոբյանի 100-ամյակին նվիրված ԽՍՀՄ փոստային նամականիշ

• 

Մատենագիտություն

• Հակոբյան Հ. Մ., Աշխատանքի երգեր, 1906:
• Հակոբյան Հ. Մ., Նոր առավոտ, 1910:
• Հակոբյան Հ. Մ., Կարմիր ալիք, 1921:
• Հակոբյան Հ. Մ., Բոլշևիկ է Շիր-կանալը, 1925:
• Հակոբյան Հ. Մ., Վոլխովստրոյ, 1935:

Երկեր Հ.Հակոբյանի և նրա ստեղծագործության մասին

• Ասատուր Ասատրյան, Հակոբ Հակոբյան, Երևան, 1947։
• Ասատուր Ասատրյան, Հակոբ Հակոբյան, Երևան, 1955։
• Սովետահայ գրականության պատմություն, հատոր առաջին (1917-1941, հատորում ներառվախ է «Հակոբ Հակոբյան» գլուխը, որը գրել է Ասատուր Ասատրյանը), Երևան, ՀՍՍՀ ԳԱ, 1961։
• Արսեն Տերտերյան, Հայոց նոր գրականության պատմություն։ 19-20-րդ դդ. (սղագրված դասախոսություններ ձեռագրի իրավունքով), պրակ 7, Հ. Հակոբյան, Երևան, Երևանի համալսարանի հրատարակչություն, 1939:

Տե՛ս նաև

• Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005: