Գարեգին Բ Ներսիսյան

Գարեգին Բ Ներսիսյան
Гарегин Б Нерсисян
Այլ անուններ:	Կտրիճ Ներսիսյան
Անգլերեն:	Garegin II Nersisyan
Հայերեն:	Գարեգին Բ Ներսիսյան
Ծննդյան տարեթիվը:	21.08.1951
Ծննդավայրը:	Ոսկեհատ, Հայաստանի Հանրապետություն
Համառոտ տվյալներ: Ամենայն հայոց կաթողիկոս:

Կենսագրություն

Ծնվել է 1951թ. օգոստոսի 21-ին Հայաստանի Խորհրդային Հանրապետության Արմավիրի մարզի Ոսկեհատ գյուղում:

Կրթություն

• 1971թ. ավարտել է Ս. Էջմիածնի հոգևոր ճեմարանը:
• 1972թ.-ից սովորել է Վիեննայի համալսարանի աստվածաբանական ֆակուլտետում:
• Սովորել է Բոննի համալսարանում:
• 1979թ. ուսանել է Զագորսկի Ռուսական ուղղափառ եկեղեցու հոգևոր ակադեմիայի ասպիրանտուրայում:

Աշխատանքային գործունեություն

• 1972թ. ձեռնադրվել է կուսակրոն քահանա:
• 1975թ. նշանակվել է Գերմանիայի հայ համայնքի հոգևոր հովիվ:
• 1980թ. նշանակվել է Արարատյան հայրապետական թեմի առաջնորդական փոխանորդի օգնական:
  • 1983թ. ապրիլին՝ առաջնորդկանա փոխանորդ:
• 1983թ. հոկտեմբերին ձեռնադրվել է եպիսկոպոս:
• 1998թ.՝ կաթողիկոսական ընդհանուր փոխանորդ:
• 1999թ.-ից՝ Ամենայն հայոց կաթողիկոս:

Ն.Ս.Օ.Տ.Տ. Ամենայն հայոց կաթողիկոս

• 1999թ.՝ Մայր աթոռի «Ալեք և Մարի Մանուկյան» գանձատանը հիմնել է Գարեգին Ա-ի անվան Աստվածաբանական հայագիտական կենտրոնը:
• 2000թ. հունվարի 14-24-ը ուխտագնացության է մեկնել Տերունական սրբավայրեր՝ Հորդանան և Երուսաղեմ (հանդիսապետել է Սուրբ Ծննդյան արարողությունները):
• 2000թ. մարտին ՀՀ Կառավարության և Հայաստանյայց առաքելական եկեղեցու միջև ստորագրվել է «Մտադրությունների հուշագիր»՝ եկեղեցի-պետություն փոխհարաբերությունների զարգացման մասին: Հուշագրի շրջանակներում 2000թ. սեպտեմբերին Մայր աթոռ Ս. Էջմիածնի և ՀՀ ՊՆ միջև ստորագրվել է ՀՀ ԶՈւ-ում Հայաստանյայց առաքելական եկեղեցու հոգևոր ծառայության կանոնադրությունը:
• 2000թ. նոյեմբերի 11-ին Վատիկանում Հովհաննես Պողոս II պապը Գարեգին Բ-ին է հանձնել Գրիգոր Ա Լուսավորչի մասունքներից, որոնք պահվում են Ս. Գրիգոր Լուսավորիչ մայր եկեղեցում (օծվել է 23.09.2001թ.՝ Գարեգին Բ-ի հանդիսապետությամբ):
• Հռոմի պապի հետ ստորագրել է համատեղ հայտարարություն, որում Թուրքիայի կողմից հայերի նկատմամբ իրականացված կոտորածները բնորոշվել են որպես ցեղասպանություն:
• 2000թ. նոյեմբերի 24-ին Կովկասի մուսուլմանների հոգևոր պետի հետ հանդիպման ընթացքում (տեղի է ունեցել Մոսկվայի և Համայն Ռուսիո պատրիարք Ալեքսի II-ի միջնորդությամբ) ստորագրել է համատեղ հայտարարություն՝ ի շահ Ղարաբաղյան հակամարտության խաղաղ կարգավորման:
• Ձեռամբ Գարեգին Բ կաթողիկոսի օծվել են Սպիտակի Ս. Հարություն, Ս. Պետերբուրգի Ս. Կատարինե, Մուղնու Ս. Գևորգ եկեղեցիները, Ծաղկաձորի կեչառիսի վանական համալիրը, Շիրակի թեմում կատարվել է Ս. Հակոբ եկեղեցու հիմնարկեքը:
• Մայր աթոռ Ս. Էջմիածնի տարածքում Գարեգին Բ կաթողիկոսի նախաձեռնությամբ կառուցվել է Տրդատ Մեծ բաց խորանը:
• 2001թ. հուլիսին պետությունը սեփականության իրավունքով Մայր աթոռ Ս. Էջմիածնին է հանձնել 150 վանք և եկեղեցի:

Ձեռքբերումներ

• 1990թ.՝ ԳԽՀ անդամ:
• 1992թ.՝ արքության պատիվ և տիտղոս:
• «Հայաստան» համահայկական հիմնադրամի անդամ:
• ՀԲԸՄ հոգաբարձուների խորհրդի պատվավոր անդամ:
• Միջազգային տեղեկատվայնացման ակադեմիայի պատվավոր դոկտոր:
• ԵՊՀ և Արցախի համալսարանի պատվավոր դոկտոր:
• Հորդանանի բարձրագույն՝ Ա կարգի շքանշան:
• «Բեթղեհեմ 2000» շքանշան:
• Ռումինիայի ազգային բարձրագույն՝ «Ռումինիայի աստղ» շքանշան:

Այլ

• Հաջորդել է Գաերգին Ա Սարգիսյանին:
• 1990թ. Արարատյան հայրապետական թեմի հովանու ներքո հիմնել է Վազգենյան հոգևոր դպրոցը (Սևանի թերակղզում), թեմում՝ Քրիստոնեական դաստիարակության կենտրոնը:

Նկարներ

• 

  նկարի նկարագրության տեքստ

Տեսանյութեր

• Տեսանյութի նկարագրության տեքստ:

Հրապարակումներ մամուլում

• Մամուլի նյութի նկարագրության տեքստ:

Մատենագիտություն

• Հեղինակի Ազգանուն Ա. Հ.,Գրքի վերնագիր, Երևան, ԵՊՀ հրատ., 2005:
• Հեղինակի Ազգանուն Ա. Հ.,Հոդվածի վերնագիր, Պատմաբանասիրական հանդես, Երևան, 2005, թիվ 2, էջ 41-45:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• Հեղինակի Ազգանուն Ա. Հ.,Գրքի վերնագիր, Երևան, ԵՊՀ հրատ., 2005:
• Հեղինակի Ազգանուն Ա. Հ.,Հոդվածի վերնագիր, Պատմաբանասիրական հանդես, Երևան, 2005, թիվ 2, էջ 41-45: