Բեյլերյան Մարի

Բեյլերյան Մարի
Бейлерян Мари
Անգլերեն:	Beyleryan Mari
Հայերեն:	Բեյլերյան Մարի
Ծննդյան տարեթիվը:	1877
Ծննդավայրը:	Կ. Պոլիս, Թուրքիա
Մահվան տարեթիվը:	1915
Համառոտ տվյալներ: Հայ ազգային ազատագրական շարժման գործիչ, հայ կանանց ազատության գաղափարի ռահվիրա:

Կենսագրություն

Ծնվել է 1877թ. Թուրքիայի Կ.Պոլիս քաղաքում:Մահացել է 1915թ.. Մեծ եղեռնի զոհ է:

Կրթություն

Կրթությունը ստացել է Կ. Պոլսի Էսայան վարժարանում, ապա սովորել Բերայի արվեստանոցում:

Աշխատանքային գործունեություն

• Հնչակյան կուսակցության անդամ է եղել:
• «Հնչակ» թերթի Կ. Պոլսի թղթակից:
• Եղել է 1895-ին սուլթանի նստավայր Բաբ Ալիի շրջակայքում հայերի քաղաքացիական խաղաղ ցույցի կազմակերպիչներից, ժողովրդին հեղափոխության կոչող ելույթ է ունեցել, որից հետո, խուսափելով թուրքական ոստիկանության հետապնդումից, ապաստանել է Եգիպտոսում, զբաղվել ուսուցչությամբ:
• 1902-03թթ.՝ հրատարակել է «Արտեմիս» հանդեսը՝ կանանց ազատության կոչող առաջին հայկական պարբերականը:
• 1908թ.՝ երիտթուրքական հեղաշրջումից հետո վերադառնալով ծննդավայր՝ ուսուցչություն է արել Կ. Պոլսում և Եվդոկիայում:

Մատենագիտություն

• Հրատարակել է «Դէպի վեր» գրական ստեղծագործությունների ժողովածուն:

Տե՛ս նաև

• Ով ով է.հայեր (կենսագրական հանրագիտարան:Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան,2005: