Վահան Ա Սյունեցի
| Վահան Ա Սյունեցի | |
| Ваган А Сюнеци | |
| |
| Անգլերեն: | Vahan A Syunetsy |
| Հայերեն: | Վահան Ա Սյունեցի |
| Մահվան տարեթիվը: | 972 |
| Մահվան վայրը: | Ձորովանք, Հայաստան |
| Համառոտ տվյալներ: Ամենայն հայոց կաթողիկոս: | |
Բովանդակություն
Կենսագրություն
Ծննդյան թվականն անհայտ է:
Կրթություն
- Կրթությունն ստացել է Վահանավանքի դպրոցում՝ հորեղբոր՝ Վահանի հովանավորությամբ, ապա, ընդունելով հոգևոր կոչում՝ օծվել է եպիսկոպոս, դարձել վանահայր (Վահանավանքում):
Աշխատանքային գործունեություն
- 958-964թթ.՝ գլխավորել է Սյունյաց աթոռը՝
- 968–969թթ.՝ Ամենայն հայոց կաթողիկոս:
Այլ
- Սյունիքի Բաղք գավառի գահակալ իշխան Ջևանշերի որդին, Ձագիկի թոռը:
- Կաթողիկոսական գահին հաջորդել է Անանիա Ա Մոկացուն, նախորդել՝ Խաչիկ Ա Արշարունուն:
- Սյունիքում շինարարական լայն գործունեություն է ծավալել՝ հիմնովին վերակառուցելով Վահանավանքի գլխավոր՝ Սբ. Գրիգոր եկեղեցին, կառուցելով գավիթն ու սյունասրահը, սեղանատունը։ Նա նաև ընդլայնել է Տաթևի ու մյուս վանքերի կալվածային տնտեսությունները՝ հատկապես իշխանական նվիրատվությունների միջոցով:
- 969թ. Անիում, Աշոտ Գ Ողորմած թագավորի մասնակցությամբ, տեղի է ունեցել եկեղեցական ժողով, որը քննարկել է Վահան Ա Սյունեցուն հասցեագրված՝ քաղկեդոնականությանը հարելու մեղադրանքները: Կաթողիկոսը չի մասնակցել ժողովին և մեկնել է Վասպուրական՝ հանգրվան գտնելով Գագիկ Արծրունու որդի Համազասպ-Ապուսահլ թագավորի տանը: Եկեղեցական ժողովը գահընկեց է արել Վահան Ա-ին և նոր կաթողիկոս ընտրել Սևանի միաբանության վանահայր Ստեփանոսին (Ստեթանոս Գ Սևանցի):
- 972թ. վախճանվել են երկու կաթողիկոսները: Հայոց կաթողիկոս է օծվել Խաչիկ Ա Արշարունին:
Տե՛ս նաև
- Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
- ԵՊՀ Հայագիտական հետազոտությունների ինստիտուտ: