Հուսեփյան Մարջըրի
| Հուսեփյան Մարջըրի | |
| Усепян Марджари | |
| |
| Այլ անուններ: | Հուսեփյան-Դոբկին |
| Անգլերեն: | Husepyan Marjri |
| Հայերեն: | Հուսեփյան Մարջըրի |
| Ծննդյան տարեթիվը: | 21.11.1922 |
| Ծննդավայրը: | Նյու Յորք, Ամերիկա |
| Մահվան տարեթիվը: | 08.02.2013 |
| Համառոտ տվյալներ: Պատմաբան | |
Բովանդակություն
Կենսագրություն
Ծնվել է 1922թ. նոյեմբերի 21-ին Ամերիկայի Միացյալ Նահանգների Նյու Յորք քաղաքում:
Մահացել է 2013թ. փետրվարի 8-ին:
Կրթություն
- 1944թ. ավարտել է Բեռնարդ քոլեջը:
Աշխատանքային գործունեություն
- Կոլումբիայի համալսարանի Բեռնարդ քոլեջի (Նյու Յորք) պաշտոնակից-դեկան:
Ձեռքբերումներ
- «Անանիա Շիրակացի մեդալ»:
- Վիլսոն քոլեջի պատվավոր դոկտոր:
Այլ
- Ծնվել է Մեծ եղեռնից մազապուրծ Մովսես և Մաքրուհի Հուսեփյանների ընտանիքում: Պապը զոհվել է Զմյուռնիայի ջարդերի ժամանակ:
- Ամերիկյան և անգլիագիր հայկական մամուլում տպագրել է պատմվածքներ հայկական կյանքից, ինչպես՝ «Տատիկիս աղոթագիրքը» նովելը:
- 1956թ. ամուսնու՝ գրող Մաչբի Դոբքինի հետ գրել է «Սիրառատ տունը» (A Houseful of Love) վեպը, որի հերոսները նույնպես մեծ մասամբ հայեր են: Այս վեպն արժանացել է մի քանի հրատարակության, տպագրվել է նաև Լոնդոնում և թարգմանվել նորվեգերեն, գերմաներեն, իտալերեն և ճապոներեն:
- Աշխատությունները վերաբերում են հիմնականում Թուրքիայում Հայոց ցեղասպանությանն ու տեղահանությանը:
- Նրա հիմնական աշխատությունը՝ «Զմյուռնիա 1922։ Մի քաղաքի կործանումը» (լույս է տեսել Լոնդոնում 1972-ին, ունեցել մի քանի հրատարակություններ, վերջինը՝ 1988 թվականին. թարգմանվել է նաև հունարեն) նվիրված է Թուրքիայի այդ ծովափնյա քաղաքի հույն և հայ բնակչության ողբերգությանը։ Գիրքը մի հավաստի պատմական ուսումնասիրություն է, գրված դեպքերի ականատես ու մասնակից հայերի, ամերիկյան դիվանագետների և միսիոներների հուշերի, նամակների ու վկայությունների հիման վրա:
Մատենագիտություն
- Հուսեփյան Մ., Մոռացված ցեղասպանություն, 1966:
- Հուսեփյան Մ., Խաղաղության առաջնահերթությունը, 1969:
- Հուսեփյան Մ., Ի՞նչ ցեղասպանություն, ի՞նչ ողջակիզում: Լուրեր Թուրքիայից, 1916-1923, 1984:
- Հուսեփյան Մ., Ջորջ Հորթըն և Մարկ Լ. Բրիսթոլ. Ընդդիմադիր ուժեր ԱՄՆ-ում: Արտաքին քաղաքականություն 1919-1923:
- Զմյուռնիա 1922: Մի քաղաքի կործանումը, 1972, 1988:
- Տատիկիս աղոթագիրքը, նովել:
Տե՛ս նաև
- Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005: