Հարությունյան Արմեն Շավարշի
| Հարությունյան Արմեն Շավարշի | |
| |
| Հայերեն: | Հարությունյան Արմեն Շավարշի |
| Ծննդյան տարեթիվը: | 28.02.1952 |
| Ծննդավայրը: | Ստեփանակերտ, Արցախ |
| Համառոտ տվյալներ: Ստոմատոլոգ, զինվորական բժիշկ: | |
Բովանդակություն
Կենսագրություն
Ծնվել է 1952թ. փետրվարի 28-ին Արցախի Ստեփանակերտ քաղաքում:
Կրթություն
- 1977թ. ավարտել է Չիտայի (Ռուսաստան) պետական բժշկական ինստիտուտը:
- 1978թ. վերապատրաստվել է Մոսկվայի Ն. Պիրոգովի անվան 2-րդ բժշկական, 1980թ. բժիշկների կատարելագործման ինստիտուտներում:
Աշխատանքային գործունեություն
- 1978-1979թթ.՝ աշխատել է Բաքվի 4-րդ պոլիկլինիկայում:
- 1979–1990թթ.` աշխատել է Ստեփանակերտի կենտրոնական ատամնաբուժական պոլիկլինիկայում:
- 1990–1991թթ.` աշխատել է ԼՂԻՄ ՆԳ պոլիկլինիկայում:
- 1992-1996թթ.՝ Ասկերանի, Շուշիի ՊՇ-ների, 1996–1997թթ.-ին` Մադաղիսի N զորամասի բժշկական ծառայությունների պետ:
- 1997թ.-ից՝ Ստեփանակերտի «Ժպիտ» սահմանափակ պատասխանատվության ընկերության (ատամնաբուժական) տնօրեն, միաժամանակ «Գրիգոր Նարեկացի» համալսարանի դասախոս:
Ձեռքբերումներ
- 1993թ.՝ ՊԲ բժշկական ծառայության պահեստի կապիտան:
- Պարգևատրվել է ԼՂՀ «Մայրական երախտագիտություն Արցախի քաջորդիներին» հուշամեդալով:
Այլ
- 1991–1992-ին` «Արցախ» փրկարարական ջոկատի անդամ:
- Ա. Հարությունյանը մասնակցել է 1988-ի Սպիտակի երկրաշարժի փրկարարական աշխատանքներին, 1990–1994-ին Մալիբեկլուի, Խոջալուի, Շուշիի, Աղդամի, Ֆիզուլիի, Մարտակերտի ինքնապաշտպանական և ազատագրական մարտերի ժամանակ կազմակերպել է վիրավորների տարհանումը, ռազմաճակատի առաջին գծի ռազմադաշտային շարժական հոսպիտալներում, ՊՇ-ների բուժմասերում և հոսպիտալներում բուժել և վիրահատել է հարյուրավորց ազատամարտիկների և խաղաղ բնակիչների:
- Համահայկական ստոմատոլոգների միության անդամ (2002):
Տե՛ս նաև
- Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ: