Հաջյան Գևորգ Սուրենի
| Հաջյան Գևորգ Սուրենի | |
| Аджян Геворг Суренович | |
| |
| Անգլերեն: | Hajyan Gevorg |
| Հայերեն: | Հաջյան Գևորգ Սուրենի |
| Ծննդյան տարեթիվը: | 27.03.1947 |
| Ծննդավայրը: | Ջրառատ, Հայաստանի Հանրապետություն |
| Համառոտ տվյալներ: Ֆիզիկոս, տեսաբան: | |
Բովանդակություն
Կենսագրություն
Ծնվել է 1947թ. մարտի 27-ին Հայաստանի Հանրապետության Արմավիրի մարզի Ջրառատ գյուղում:
Կրթություն
- 1965-1970թթ.` Երևանի պետական համալսարան, ֆիզիկայի ֆակուլտետ:
- 1971-1974թթ.` Երևանի պետական համալսարան, ասպիրանտուրա:
Աշխատանքային գործունեություն
- 1970թ.-ից աշխատում է ԵՊՀ-ում:
- 1970-1971թթ.` Տեսական ֆիզիկայի ամբիոն, ասիստենտ:
- 1974-1977թթ.` Միջուկային ֆիզիկայի ամբիոն, ասիստենտ:
- 1977-1985թթ.` Միջուկային ֆիզիկայի ամբիոն, դոցենտ:
- 1985-2001թթ.` Ալիքային պրոցեսների տեսության և ֆիզիկայի ամբիոնի դասախոս:
- 2001թ. մինչ այժմ Ալիքային պրոցեսների տեսության և ֆիզիկայի ամբիոնի վարիչ:
Ձեռքբերումներ
- 2003թ.՝ ֆիզմաթ գիտությունների դոկտոր:
- 2003թ.՝ պրոֆեսոր:
- ԵՊՀ պատվոգիր:
- ՀՀ ԿԳ նախարարության պատվոգիր:
Այլ
- Մասնակցություն ռելատիվիստական աստղաֆիզիկայի և գերխիտ երկնային մարմինների ֆիզիկայի հարցերին նվիրված միջազգային և հանրապետական գիտաժողովներին:
- Այժմ հետազոտության ոլորտն է տարօրինակ թզուկների կայունությունը և դիտողական դրսևորումները:
- Աշխատանքները վերաբերում են գերխիստ երկնային մարմինների ֆիզիկային, մասնավորապես ուսումնասիրել է ջերմ նեյտրոնային աստղերը և սպիտակ թզուկների սառեցման երևույթը, պիոնային և տարօրինակ աստղերի մակերևութային լիցքավորված շերտի կառուցվածքը և դրանց դիտողական դրսևորումները:
- Հաշվարկել է պտտվող և տատանվող սպիտակ թզուկների ու նեյտրոնային աստղերի ճառագայթած գրավիտացիոն ալիքների ինտենսիվությունը, բևեռացումը և տևողությունը:
- Հետազոտել է, այսպես կոչված, Թորն Ժիտկովի օբյեկտների նմանակ՝ կենտրոնում նեյտրոնային աստղի փոխարեն տարօրինակ աստղ պարունակող կարմիր գերհսկայի ներքին կառուցվածքը, արտաքին դրսևորումներն ու կյանքի տևողությունը:
Տե՛ս նաև
- Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005:
- Երևանի պետական համալսարան: