Խանլարյան Հայկ Միքայելի

Խանլարյան Հայկ Միքայելի
Ханларян Айк Микаелович
Անգլերեն:	Xanlaryan Hayk
Հայերեն:	Խանլարյան Հայկ Միքայելի
Ծննդյան տարեթիվը:	1900
Ծննդավայրը:	Շուշի, Արցախ
Մահվան տարեթիվը:	1962
Մահվան վայրը:	Մոսկվա, Ռուսաստան
Համառոտ տվյալներ: Հոգեբույժ:

Բովանդակություն

Կենսագրություն

Ծնվել է 1900թ. Արցախի Շուշի քաղաքում:

Մահացել է 1962թ. հունվարին Ռուսաստանի Մոսկվա քաղաքում:

Կրթություն

• 1908-1918թթ. սովորել է Շուշիի ռեալական դպրոցում:
• 1920-1922թթ.՝ ԵՊՀ բժշկական ֆակուլտետ:
• 1922-1925թթ. ուսումը շարունակել է Մոսկվայի 1-ին բժշկական ինստիտուտում:

Աշխատանքային գործունեություն

• 1925-1930թթ. աշխատել է Մոսկվայի 2-րդ պետական համալսարանի հոգեբուժական կլինիկայում՝ պրոֆեսոր Վ. Գիլյարովսկու ղեկավարությամբ:
• 1930-1941թթ. ապրել է Մոսկվայի մարզի Պոդոլսկի շրջանի Պոկրովսկոյե-Մեշչերսկոյե ավանում և աշխատել տեղի Վ. Յակովենկոյի անվան թիվ 2 մարզային հոգեբուժական հիվանդանոցում՝ նախ որպես օրդինատոր, ապա՝ գլխավոր բժիշկ:
• 1941-1945թթ. Հայրենական մեծ պատերազմի ընթացքում եղել է թիկունքի հոսպիտալների հոգեբույժ-խորհրդական:
• 1941-1962թթ., միաժամանակ՝ Մոսկվայի թիվ 1 մարզային հոգեբուժական հիվանդանոցի օրդինատոր, գլխավոր բժիշկ: :
• Մոսկվայի 2-րդ բժշկական ինստիտուտի հոգեբուժության ամբիոնի վարիչ:
• Մոսկվայի Կրեմլյան հիվանդանոցի հոգեբույժ-խորհրդական: Աշխատել է պրոֆեսոր Ե. Կրասնուշկինի հետ միասին:

Ձեռքբերումներ

• Բժշկական գիտությունների դոկտոր:
• Պրոֆեսոր:

Այլ

• Հայկ Խանլարյանը ծնվել է 1-ին գիլդիայի վաճառական Միքայել Խանլարյանի և տնային տնտեսուհի Ալիսա Վարունցի ընտանիքում: Ունեցել է 7 եղբայր և 3 քույր:
• 1927թ.ի մարտի 2-ին Մոսկվայի 2-րդ պետական համալսարանի նյարդաբուժական և հոգեբուժական կլինիկաների միացյալ գիտաժողովում հանդես է եկել «Ցերեբրալ արտերիոսկլերոզի վաղ ձևերի ժամանակ դիտվող հոգեկան փոփոխությունների մասին» զեկույցով:
• 1934թ. նոյեմբերի 11-ին Վ. Յակովենկոյի անվան հոգեբուժական հիվանդանոցի գիտաժողովում և դեկտմբերի 1-ին Մոսկվա մարզային առողջապահության վարչության Փսիխոնևրոլոգիայի և փսիխոհիգենայի ինստիտուտում հանդես է եկել «Կլեյստի «Էպիզոդիկ մթնշաղային վիճակների» հարցի մասին» զեկույցով:
• Գիտական աշխատանքները վերաբերում են ցնորքներով, վերաբերման զառանցանքով, հոգեշարժական գրգռվածությամբ ուղեկցվող գիտակցության մթնշաղային վիճակների կլինիկային, արյան փոխներարկման միջոցով հոգեկան հիվանդությունների բուժման խնդիրներին:
• Հեղինակ է տարբեր գիտական հոդվածների և մեկ մենագրության:
• Մահացել է 1962թ. հունվարին, Մոսկվայում: Թաղված է Երևանի Թոխմախի գերեզմանատանը:

Մատենագիտություն

• Խանլարյան Հ.Մ., Ցերեբրալ արտերիոսկլերոզի վաղ ձևերի ժամանակ դիտվող հոգեկան փոփոխությունների մասին, Մոսկվա, 1927:
• Խանլարյան Հ.Մ., Կլեյստի «Էպիզոդիկ մթնշաղային վիճակների» հարցի մասին: Սոցիալական և կլինիկական փսիխոնևրոլոգիայի հարցեր, հատոր 3, Մոսկվա, 1936, 105-131:
• Խանլարյան Հ.Մ., Պիկի հիվանդության մասին ուսմունքի վերաբերյալ:
• Խանլարյան Հ.Մ., Շիզոֆրենիան ինսուլինով բուժելու փորձը մեծ հոգեբուժական հիվանդանոցում: Կենտրոնական հոգենևրոլոգիական ինստիտուտի 9-րդ գիտական նստաշրջանը «Շիզոֆրենիայի բուժումը» թեմայով, զեկուցումների թեզիսները, Խարկով, 1938:
• Խանլարյան Հ.Մ., Հոգեկան հիվանդների բուժումն անհամատեղելի արյունով, Մոսկվա, 1945:
• Խանլարյան Հ.Մ., Շիզոֆրենիայի բուժումն անհամատեղելի արյունով, Մոսկվա, 1946:
• Խանլարյան Հ.Մ., Դեպրեսիվ վիճակների բուժման և դասակարգման մասին: Սոցիալական և կլինիկական փսիխոնևրոլոգիայի հարցեր, հատոր 10, Մոսկվա, 1950:
• Խանլարյան Հ.Մ., Այլախումբ արյուն ներարկելու ժամանակ հոգեհիվանդների մոտ մազանոթային արյունաշրջանառության դինամիկայի մասին (համահեղինակ):
• Խանլարյան Հ.Մ., Հոգեկան հիվանդությունների հեմոթերապիայի հարցերը պրոֆեսոր Լ. Ռոխլինի խմբագրությամբ, Մոսկվա, 1959, 56 էջ:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
• Հարություն Մինասյան, 100 հայ հոգեբույժներ, Գիրք Ա, Երևան, 2002: