Թումանյան Միքայել Գալուստի
| Թումանյան Միքայել Գալուստի | |
| Туманян Микаэл Галустович | |
| |
| Անգլերեն: | Tumanyan Miqayel |
| Հայերեն: | Թումանյան Միքայել Գալուստի |
| Ծննդյան տարեթիվը: | 29.02).1886 |
| Ծննդավայրը: | Կարասուբազար, Ուկրաինիա |
| Մահվան տարեթիվը: | 24.07.1950 |
| Մահվան վայրը: | Երևան, Հայաստանի Հանրապետություն |
| Համառոտ տվյալներ: Բուսաբույծ: | |
Բովանդակություն
Կենսագրություն
Ծնվել է 1886թ. փետրվարի(մարտի) 29(12)-ին Ուկրաինիա Կարասուբազար (այժմ՝ Բելոգորսկ) քաղաքում:
Կրթություն
- 1905թ. ավարտել Է Երևանի գիմնազիան:
- 1911թ. ավարտել է Մոսկվայի համալսարանը:
- 1914թ. ավարտել է Մոսկվայի գյուղատնտեսական ինստիտուտը (այժմ՝ Տիմիրյազևի անվան գյուղատնտեսական ակադեմիա):
Աշխատանքային գործունեություն
- 1914թ. վերադառնալով Հայաստան՝ Մ.Թումանյանն աշխատել է Զանգեզուրում և այլ շրջաններում:
- 1924-1930թթ.՝ իր հիմնադրած մասնավոր երկրագործության ամբիոնի վարիչ Երևանի պետական համալսարանում:
- 1930-1949թթ.՝ մասնավոր երկրագործության ամբիոնի վարիչ հայկական գյուղատնտեսական ինստիտուտում:
- 1944-1950թթ.՝ իր նախաձեռնությամբ կազմակերպված ՀԽՍՀ ԳԱ երկրագործության ԳՀԻ տնօրեն:
- 1935-1937թթ.՝ Անդրկովկասյան ֆեդերացիայի Կենտգործկոմի անդամ:
- 1944-1947թթ.՝ ՀԽՍՀ Գերագույն խորհրդի Նախագահության նախագահի տեղակալ:
- 1947-1950թթ.՝ ՀԽՍՀ ԳԽ պատգամավոր:
Ձեռքբերումներ
- 1929թ.՝ պրոֆեսոր:
- 1935թ.՝ գիտության վաստակավոր գործիչ:
- 1937թ.՝ գյուղատնտեսական գիտությունների դոկտոր:
- 1943թ.՝ ՀԽՍՀ ԳԱ ակադեմիկոս:
- 1935թ.՝ «Պատվո նշան» շքանշան:
- 1943թ.՝ Աշխատանքային կարմիր դրոշի շքանշան:
Այլ
- Ուսումնասիրությունները նվիրված են դաշտային պայմաններում մշակվող բույսերի ձևառաջացման, բույսերի օնտոգենեզում փոփոխությունների օրինաչափությունների հայտնաբերման հարցերին:
- Պարզաբանել է մշակովի ցորենի ծագման ու զարգացման հարցերը, բարելավել ՀԽՍՀ-ում մշակվող ցորենի տեղական հինավուրց սորտերը (սպիտակահատ, գալգալոս, կարմիր սլֆահատ, կարմիր կունդիկ և այլն):
- Հայտնաբերել և ուսումնասիրել է վայրի ցորենի մի քանի տեսակներ իրենց տարատեսակներով (Ուրարտու, Արարատի, Վանի):
- Լենինականի դաշտավարական տեխնիկումը կոչվում է Թումանյանի անվամբ:
- Հայկական գյուղատնտեսական ինստիտուտում (1994թ.-ից՝ ՀԳԱ) սահմանվել է ակադեմիկոս Թումանյանի անվան ուսանողական կրթաթոշակ (1955թ.-ից):
Նկարներ
Թումանյանի ընտանիքը
Մատենագիտություն
- Թումանյան Մ.Գ., Բամբակի մշակությունը, Եր., 1924:
- Թումանյան Մ.Գ., Շարքացանը և նրա նշանակությունը, Եր., 1925:
- Թումանյան Մ.Գ., Հացաբույսերի որոշիչ. հասկավորներ,Եր., 1933:
Տե՛ս նաև
- Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
- Միքայել Գալուստի Թումանյան, Կենսամատենագրություն, Երևան, 1965:
- ՄԻՔԱՅԵԼ ԹՈւՄԱՆՅԱՆ:
- ՀՀ Գիտությունների ազգային ակադեմիայի Հիմնարար գիտական գրադարան:
- Թումանյան Միքայել Գալուստի - National Academy of ...
- Биография.ру.
- Известные персоны Армении.