Բովանդակություն

Կենսագրություն

Ծննդյան թիվն անհայտ է:

Մահացել է 1169թ.:

1145թ. փախչելով բյուզանդական գերությունից՝ Թորոս Բ-ն եղբայրների՝ Ստեփանեի ու Մլեհի օգնությամբ համախմբել է Կիլիկիայի հայկական ուժերը, ազատագրել երկիրը բյուզանդական և սելջուկ թուրքական զավթիչներից, վերականգնել 1137թ-ից ընդհատված հայրենի իշխանական գահը:
1152թ. պարտության է մատնել Մամեստիա (Մսիս) բերդը պաշարած բյուզանդական զորավար Անդրոնիկոս Կոմնենոսի զորախմբին:
1155թ. Ամանոսի լեռներում ոչնչացրել է Բյուզանդիայի դրդմամբ Կիլիկիա ներխուժած սելջուկյան թուրքերի զորամասը, արշավելով Իկոնիա՝ սուլթանին հարկադրել հաշտության:
1156թ. Տարսոնի մոտ պարտության է մատնել բյուզանդական բանակին:
1159թ. Կիլիկիա ներխուժած Մանվել կայսրը, չհասնելով հաջողության, հաշտվել է Թորոս Բ-ի հետ, նրան ճանաչել Կիլիկիայի առաջին սեբաստոս:
1165թ. Թորոս Բ-ն և Մլեհը պարտության են մատնել կրկին Կիլիկիա ներխուժած Անդրոնիկոս Կոմնենոսին, որը փախել է Անտիոք:

Ռուբինյան տոհմից:
ԼևոՆ Ա-ի որդին:
Թորոս Բ-ն Բյուզանդիայի հետ հաշտություն է կնքել Անտիոքի դքսի և Երուսաղեմի թագավորի միջնորդությամբ:
Թորոս Բ-ն բարեկարգել է քաղաքներ, բերդեր, նավակայաններ, նպաստել տնտեսության և մշակույթի բարգավաճմանը:
Վարել է Կիլիկիայի հայկական հողերի միավորման և պետության ամրապնդման հետևողական քաղաքականություն:
Թորոս Բ-ին է նվիրված Ծերենցի «Թորոս Լևոնի» պատմավեպը:
Թաղվել է Դրազարկի վանքի արքունի դամբարանում:

Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
Կիլիկիայի հայկական պետություն:
Թորոս Բ: