Դումանյան Դերենիկ Հրանտի
| Դումանյան Դերենիկ Հրանտի | |
| |
| Հայերեն: | Դումանյան Դերենիկ Հրանտի |
| Ծննդյան տարեթիվը: | 01.01.1953 |
| Ծննդավայրը: | Երևան, Հայաստանի Հանրապետություն |
| Համառոտ տվյալներ: Բժիշկ: | |
Բովանդակություն
Կենսագրություն
Ծնվել է 1953թ. հունվարի 1-ին Հայաստանի Հանրապետության Երևան քաղաքում:
Կրթություն
- 1960-1970թթ. սովորել է Երևանի թիվ 94 միջնակարգ դպրոցում:
- 1979թ. ավարտել է Երևանի պետական բժշկական ինստիտուտը:
- 1987թ. ավարտել է Մոսկվայի Գերցենի անվան ուռուցքաբանության գիտահետազոտական ինստիտուտի ասպիրանտուրան:
Աշխատանքային գործունեություն
- 1970-1971թթ.-ին աշխատել է Երևանի պետական բժշկական ինստիտուտում՝ որպես ցրիչ:
- 1971-1972թթ.-ին աշխատել է Երևանի թիվ 2 տրիկոտաժի ֆաբրիկայում՝ որպես բանվոր:
- 1979-1984թթ.-ին աշխատել է որպես Հոկտեմբերյանի շրջանի Երվանդաշատ գյուղի տեղամասային հիվանդանոցի գլխավոր բժիշկ:
- 1984-1985թթ.` Երևանի թիվ 19 պոլիկինիկայի գլխավոր բժշկի բուժական գծով տեղակալ:
- 1985-1986թթ.՝ Երքաղգործկոմի առողջապահության բաժնի բժիշկ-տեսուչ:
- 1986-1992թթ.՝ ՀԽՍՀ Նախարարների Խորհրդի, առողջապահության և սոցիալական ապահովության բաժնի ավագ ռեֆերենտ, գլխավոր մասնագետ, ապա՝ բաժնի վարիչի պաշտոնակատար:
- 1992-1997թթ. աշխատել է ՀՀ առողջապահության նախարարությունում՝ որպես նախարարի առաջին տեղակալ:
- 1997-2011թթ.` ՀՀ առողջապահության ազգային ինստիտուտի տնօրեն, գիտական խորհրդի նախագահ, առողջապահության քաղաքականության և օրենսդրության ամբիոնի վարիչ:
- 2009-2012 թթ.-ին ՀՀ նախագահին կից հանրային խորհրդի անդամ էր, առողջապահության և սոցիալական հարցերի հանձնաժողովի նախագահ:
- 2011 թ.-ի մարտին ընտրվել է «Երևանի Մխիթար Հերացու անվան պետական բժշկական համալսարան» ՊՈԱԿ-ի ռեկտորի պաշտոնակատար,իսկ 2011 թ.-ի ապրիլին՝ ռեկտոր։
- 2012 թ.-ին ՀՀ նախագահի հրամանագրով Դ. Դումանյանը նշանակվել է ՀՀ առողջապահության նախարար։
Ձեռքբերումներ
- 1980թ.՝ բժշկական ծառայության պահեստի լեյտենանտ:
- 1987թ.՝ բժշկական գիտությունների թեկնածու:
- 1998թ.-ին պարգևատրվել է ՀՀ վարչապետի շնորհակալագրով «1988 թվականի երկրաշարժի օրերին ցուցաբերած աշխատանքների համար»:
- 2002 թ.-ին արժանացել է ՀՀ առողջապահության նախարարության պատվոգրի:
- 2003 թ.-ին արժանացել է ՀՀ վարչապետի շնորհակալագրի:
- 2004 թ.-ին պարգևատրվել է ՀՀ ՊՆ «Անդրանիկ Օզանյան» մեդալի:
- 2005թ.` բժշկական գիտությունների դոկտոր:
- 2005թ.-ին արժանացել է ՀՀ Ազգային ժողովի նախագահի պատվոգրի:
- 2006թ.՝ պրոֆեսոր:
- 2006 թ.-ին ՀՀ նախագահի հրամանագրով պարգևատրվել է «Հայրենիքին մատուցած ծառայությունների համար» 2-րդ աստիճանի մեդալով:
- 2006թ.-ին պարգևատրվել է ՌԴ Բժշկատեխնիկական ակադեմիայի «Չիժևսկու» անվան ոսկե մեդալով:
- 2009թ.-ին պարգևատրվել է «Ծովակալ Իսակովի» անվան մեդալով:
- 2010թ.-ին ԼՂՀ նախագահի հրամանագրով պարգևատրվել է «Երախտագիտություն» մեդալով:
- 2011թ.-ին պարգևատրվել է ՀՀ ՊՆ «Մարշալ Բաղրամյան» մեդալով:
- ՌԴ Բնական գիտությունների ակադեմիայի իսկական անդամ է:
- ՌԴ Բժշկատեխնիկական ակադեմիայի իսկական անդամ է:
Այլ
- 1992–1994-ին համակարգել և ղեկավարել է վիրավոր ազատամարտիկների և զինծառայողների բուժապահովման աշխատանքները Երևանի և ՀՀ այլ քաղաքների հիվանդանոցներում, կազմակերպել բժիշկների և միջին բուժաշխատողների գործուղումները, դեղորայքի և մարդասիրական օգնության առաքումը ԼՂՀ:
- Գործուն մասնակցություն է ունեցել ԼՂՀ առողջապահության համակարգի վերականգնման ու զարգացման, ՊԲ և ՀՀ ՊՆ ռազմաբժշկական ծառայությունների ստեղծման աշխատանքներին:
- 2009 թվականին ընտրվել է Երևան քաղաքի ավագանու անդամ և ՀՀԿ խմբակցության ղեկավար։
- Եղել է «Տավուշ հայրենակցական միություն» ՀԿ-ի նախագահ և «Առողջապահության կազմակերպիչների միավորում» ՀԿ-ի համանախագահ։
