Գևորգյան Երջանիկ Հունանի

Գևորգյան Երջանիկ Հունանի
Геворгян Ерджаник Унанрвич
Այլ անուններ:	Կամարնիկ
Անգլերեն:	Gevorgyan Yerjanik
Հայերեն:	Գևորգյան Երջանիկ Հունանի
Ծննդյան տարեթիվը:	05.11.1935
Ծննդավայրը:	Այգեշատ, Հայաստանի Հանրապետություն
Համառոտ տվյալներ: Լեզվաբան:

Բովանդակություն

Կենսագրություն

Ծնվել է 1935թ. նոյեմբերի 5-ին Հայաստանի Խորհրդային Հանրապետության Արմավիրի մարզի Այգեշատ գյուղում:

Կրթություն

• 1941-1953թթ. սովորել է Երևանի կույրերի համար գիշերօթիկ դպրոցում:
• 1959թ. ավարտել է ԵՊՀ:

Աշխատանքային գործունեություն

• Աշխատել է Հայաստանի կույրերի միությունում որպես հրատարակչություն սղագրող, ակումբի ղեկավար, «Բյուլետեն» պարբերականի խմբագիր:
• 1970թ.-ից աշխատում է ԵՊՀ-ում:
  • 1985թ.-ից՝ Հայագիտական հետազոտությունների լաբորատորիայում:
• 1976թ.-ից երգել է Հայաստանի կույրերի միության երգչախմբում:
• 1995թ.-ից՝ ՀՀ լեզվի պետական տեսչության հեռուստառադիոհաղորդումների լեզվի վերահսկող:

Ձեռքբերումներ

• 1991թ.՝ բանասիրական գիտությունների դոկտոր:
• 2004թ.՝ Վահան Թեքեյանի անվան մրցանակ:
• Հայաստանի կույրերի միության պատվավոր անդամ:
• Հայաստանի կույրերի միության ոսկե մեդալ:
• ՀՀ կրթության և գիտության նախարարության ոսկե մեդալ:

Այլ

• Շատ վաղ որբացել է. մայրը մահացել է, իսկ հորը աքսորել են Սիբիր: Նրա դաստիարակությամբ սկզբի շրջանում զբաղվել են բարեկամները:
• 1937թ. 2 տարեկան Երջանիկը ընկել է էլեկտրական օջախի վրա և այրվածքների պատճառով կորցրել տեսողությունը:
• Դեռ 3 տարեկան չբոլորած երեխային հանձնել են Նոր Խարբերդի ծերանոց:
• Երիտասարդ տարիքից ուսումնացիրել է մարդկանց շփումը ժեստերի լեզվի միջոցով: Իր ուսումնասիրությունների արդյունքում առանձնացրել է 646 ժեստ, բացահայտել է դրանց իմաստն ու բաժանել 5 խմբի: Դրանց մեջ ներգրավված չէին խուլ և կույր մարդկանց ժեստերը: Ուսումնասիրությունների արդյունքում հրատարկվեց «Հայոց լեզվի ժեստերի բառարան» գիրքը, որն էլ 2004թ. արժանացավ Վահան Թեքեյանի մրցանակի:
• Աշխատությունները վերաբերում են հայերենի բառագիտությանը, դարձվածաբանությանը, հայոց շարժումնային լեզվին և ուղղախոսությանը:
• Երջանիկ Գևորգյանը վարել է հաղորդաշարեր ռադիոյում և հեռուստատեսությունում՝ նվիրված հայոց լեզվի խնդիրներին:

Մատենագիտություն

• Գևորգյան Ե.Հ., Ժամանակակից հայոց լեզվի համանունների բառարան, 1978:
• Գևորգյան Ե.Հ., Հայոց շարժումնային լեզվի բացատրական բառարան, 2003:
• Գևորգյան Ե.Հ., Հայերեն-էսպերանտո-ռուսերեն, էսպերանտո-հայերեն-ռուսերեն բառարան, 2004 (համահեղինակ):
• Գևորգյան Ե.Հ., Հայոց լեզվի ժեստերի բառարան:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• Минасян Арутюн. Жизнь - как она есть. /Отрывок из неизданного биографического словаря «Известные незрячие армяне».