| Դավթյան Գագիկ Ստեփանի | |
| Давтян Гагик Степанович | |
| |
| Անգլերեն: | Davtyan Gagik |
| Հայերեն: | Դավթյան Գագիկ Ստեփանի |
| Ծննդյան տարեթիվը: | 08.11.1909 |
| Ծննդավայրը: | Դիլիջան, Հայաստանի Հանրապետություն |
| Մահվան տարեթիվը: | 09.03.1980 |
| Մահվան վայրը: | Երևան, Հայաստանի Հանրապետություն |
| Համառոտ տվյալներ: Ագրոքիմիկոս: | |
Բովանդակություն
Կենսագրություն
Ծնվել է 1909թ. նոյեմբերի 8-ին Հայստանի Դիլիջան քաղաքում:
Մահացել է 1980թ. մարտի 9-ին Խորհրդային հայաստանի Երևան քաղաքում:
Կրթություն
- 1926թ.ավարտել է Դիլիջանի երկրորդ աստիճանի դպրոցը:
- 1930թ. ավարտել է ԵՊՀ կենսաբանության ֆակուլտետը:
- 1930-1933թթ. գործուղվել է Պարարտանյութերի և ագրոհողագիտության համամիութենական ինստիտուտի Լենինգրադի բաժանմունք՝ որպես ասպիրանտ:
- 1936թ. ընդունվել է ԽՍՀՄ ԳԱ Վ.Դոկուչաևի անվան հողագիտության ինստիտուտի ագրոքիմիայի լաբորատորիայի դոկտորանտուրա:
Աշխատանքային գործունեություն
- 1929թ. աշխատել է ագրոքիմիայի ամբիոնում որպես լաբորանտ:
- Մասնակցել է Անդրկովկասի բամբակացան շրջանների հողերի քիմիացման համամիութենական արշավախմբի աշխատանքներին:
- 1941թ. ԽՍՀՄ ԳԱ հայկական մասնաճյուղի կենսաբանության ինս֊տիտուտին կից ստեղծել է հողի բերրիության լաբորատորիա:
- 1947թ. ստեղծել է ագրոքիմիայի լաբորատորիա:
- 1950-1955թթ.՝ ՀԽՍՀ ԳԱ գյուղատնտեսական գիտությունների բաժանմունքի ակադեմիկոս-քարտուղարի տեղակալ, ապա ակադեմիկոս-քարտուղար: *1955-1957թթ.` ՀԽՍՀ Նախարարների խորհրդի նախագահի տեղակալ:
- ԽՍՀՄ Գերագույն խորհրդի պատգամավոր:
- 1957-1961թթ.՝ ԵՊՀ ռեկտոր:
- 1966թ. ագրոքիմիայի լաբորատորիայի հիման վրա հիմնել է ՀԽՍՀ ԳԱ ագրոքիմիայի պրոբլեմների և հիդրոպոնիկայ իինստիտուտը, որը ղեկավարել է մինչև կյանքի վերջը:
- 1967-1971թթ.՝ ՀԽՍՀ ԳԱ ակաղեմիկոս-քարտուղար:
- Ավելի քան 20 տարի ագրոքիմիա է դասավանդել ԵՊՀ-ում և Հայկական գյուղատնտեսական ինստիտուտում:
- «ԳԱ ագրոքիմիական պրոբլեմների և հիդրոպոնիկայի ինստիտուտի հաղորդումներ» ամսագրի խմբագիր:
Ձեռքբերումներ
- 1940թ.՝ կենսաբանական գիտությունների դոկտոր:
- 1942թ.՝ պրոֆեսոր:
- 1947թ.՝ ՀԽՍՀ ԳԱ թղթակից անդամ:
- 1950թ.՝ ՀԽՍՀ ԳԱ ակադեմիկոս:
- ՀԿԿ Կենտկոմի և Երևանի քաղկոմի անդամ:
- Գերագույն խորհրդին կից տերմինաբանական կոմիտեի անդամ:
- 1956թ.՝ ՀԽՍՀ գիտության վաստակավոր գործիչ:
- Պարգևատրվել է Լենինի (2), Աշխատանքային կարմիր դրոշի, «Ժողովnւրդների բարեկամության», «Պատվո նշան» շքանշաններով:
- Պարգևատրվել է մի շարք մեդալներով:
Այլ
- Հեղինակ է ավելի քան 250 գիտական հոդվածների:
- Գիտական հետազոտությունները վերաբերում են մթնոլորտային տեղումներ-ոռոգիչ ջրեր-հող-բույս համակարգում նյութերի շրջապտույտի ուսումնասիրությանը և արհեստական պայմաններում բույսերի անհող արդյունաբերական արտադրությանը:
- Ակտիվորեն մասնակցել է Հայկական սովետական հանրագիտարանի ստեղծմանը:
- 1995-ից ՀՀ ԳԱԱ հիդրոպոնիկայի պրոբլեմների ինստիտուտը կոչվում է Գ. Դավթյանի անունով:
Մատենագիտություն
- Դավթյան Գ.Ս., Հողի քիմիական պարարտացումը, Եր., 1932:
- Դավթյան Գ.Ս., Կալցիում ցիանամիդ, Եր., 1932:
- Դավթյան Գ.Ս., Հանքային պարարտանյութերի արդյունաբերությունը Հայկական ՍՍՀ և Նախիջևանի ԻՍՍՀ բամբակացան շրջաններում, Եր., 1934: *Դավթյան Գ.Ս., Հայաստանի հողերի ֆոսֆորացման ռեժիմը, Եր., 1946:
- Դավթյան Գ.Ս., Հայկական ՍՍՀ հողերի ագրոքիմիական բնութագիրը, Եր., 1966:
Տե՛ս նաև
- Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
- Գագիկ Ստեփանի Դավթյան, Երևան, 1983 (Նյութեր Հայկական ՍՍՀ գիտնականների կենսամատենագիտության, հ. 30)։
- ՀՀ ԳԱԱ Հիմնարար գիտական գրադարան:
- Դավթյան Գագիկ Ստեփանի (1909-1980):