| Պարգև արքեպիսկոպոս Մարտիրոսյան | |
| |
| Հայերեն: | Պարգև արքեպիսկոպոս Մարտիրոսյան |
| Ծննդյան տարեթիվը: | 20.03.1954 |
| Ծննդավայրը: | Սումգայիթ, Ադրբեջանի Հանրապետություն |
| Համառոտ տվյալներ: Եկեղեցական և Ղարաբաղյան շարժման գործիչ: | |
Բովանդակություն
Կենսագրություն
Ծնվել է 1954թ. մարտի 20-ին Ադրբեջանի Հանրապետության Սումգայիթ քաղաքում:
Կրթություն
- Նախնական կրթությունը ստացել է Սումգայիթի միջնակարգ դպրոցում:
- 1966-1971թթ. սովորել է Երևանի թիվ 132 ֆիզիկա-մաթեմատիկական թեքումով հատուկ դպրոցում:
- 1971-1972թթ. սովորել է Երևանի Կ. Մարքսի անվան պոլիտեխնիկական ինստիտուտի (Երևանի պետական ճարտարագիտական համալսարան) էլեկտրատեխնիկական բաժնում:
- 1972-1976թթ. սովորել է Երևանի Վ. Բրյուսովի անվան ռուսաց եւ օտար լեզուների մանկավարժական ինստիտուտում (այժմ՝ Բրյուսովի անվան լեզվաբանական համալսարան):
- 1984թ.`ավարտել է Մայր աթոռ Ս. Էջմիածնի հոգևոր ճեմարանը:
- 1987թ.` ավարտել է Սանկտ Պետերբուրգի հոգևոր ակադեմիային կից ասպիրանտուրան:
Աշխատանքային գործունեություն
- 1976թ. օգոստոս-նոյեմբեր ամիսներին ռուսաց լեզու և գրականություն է դասավանդել Եղեգնուտ գյուղի դպրոցում (Հոկտեմբերյանի շրջան, Հայաստան):
- 1976–1978թթ.` ծառայել է ԽՍՀՄ ԶՈՒ- ում:
- 1978-1980թթ.` որպես ավագ մասնագետ աշխատել է Արդյունաբերության նախարարության ազդերի բաժնում:
- 1983թ.` ձեռնադրվել է սարկավագ:
- 1985թ.` կուսակրոն քահանա է ձեռնադրվել:
- 1986թ. օգոստոսի 20-ին նշանակվել է Մայր Աթոռ Սուրբ էջմիածնի Գևորգյան հոգևոր ճեմարանի ընդհանուր դաստիարակ՝ միաժամանակ դասավանդելով Հիմնական աստվածաբանություն առարկան:
- 1987թ. հունիսի 27-ին նշանակվել է Ս. Հռիփսիմե վանքի վանահայր՝ միաժամանակ դասավանդելով հոգևոր ճեմարանում և վարելով ճեմարանի փոխտեսչի պաշտոնը:
- 1989թ.-ից Հայ Առաքելական Եկեղեցու Արցախի թեմի առաջնորդը:
- 1991թ.-ից Հայ Առաքելական Սուրբ Եկեղեցու Գերագույն Հոգևոր Խորհրդի անդամ է:
- 1999թ.` արքեպիսկոպոս է ձեռնադրվել:
- 1999թ.-ի դեկտեմբերից մինչև 2009թ.-ի դեկտեմբերը, Ամենայն Հայոց Կաթողիկոս Գարեգին Բ-ի տնօրինությամբ, նշանակվել է եկեղեցիների համաշխարհային խորհրդի հայաստանյան «Կլոր սեղան» բարեգործական հիմնադրամի հոգաբարձուների խորհրդի նախագահ:
Ձեռքբերումներ
- 1987թ.-ի ապրիլին ստացել է վարդապետական, իսկ 1988թ.-ին` ծայրագույն վարդապետական աստիճան:
- 1988թ.` եպիսկոպոս է ձեռնադրվել:
- 2000` Բնության և հասարակության մասին գիտությունների միջազգային ակադեմիայի իսկական անդամ:
- 2002թ.` արժանացել է Արցախի պետական համալսարանի պատվավոր դոկտորի կոչման:
- 2004թ.-ից Ռուսաստանի Դաշնության իրավապահպանության, անվտանգության և պաշտպանության ակադեմիայի անդամ է:
- 2004թ.-ից ՀՀ ԳԱԱ կողմից արժանացել է պատվավոր դոկտորի կոչման:
- 2014թ. սեպտեմբերի 27-ին Լեռնային Ղարաբաղի Հանրապետությանը մատուցած բացառիկ ծառայությունների համար Պարգև արքեպիսկոպոս Մարտիրոսյանին Արցախի Հանրապետության նախագահ Բ. Սահակյանի կողմից շնորհվել է «Արցախի հերոս» բարձրագույն կոչումը և հանձնվել «Ոսկե արծիվ» շքանշան:
- 2014թ. հունիսին Գիտությունների ազգային ակադեմիայի կողմից արժանացել է պատվավոր դոկտորի կոչման:
- Պարգևատրվել է ՀՀ «Հայրենիքին մատուցած ծառայությունների համար» երկրորդ աստիճանի մեդալով:
- Պարգևատրվել է ԼՂՀ «Վաչագան Բարեպաշտ» մեդալով:
- Պարգևատրվել է ԼՂՀ «Գրիգոր Լուսավորիչ» շքանշանով:
- Պարգևատրվել է ՀՀ Վարչապետի հուշամեդալով:
- Պարգևատրվել է ՀՀ ՊՆ «Երախտագիտություն» մեդալով:
- Պարգևատրվել է ՀՀ ՊՆ «Մարշալ Բաղրամյան» մեդալով:
- Պարգևատրվել է ՀՀ ՊՆ «Անդրանիկ Օզանյան» մեդալով:
- Պարգևատրվել է ՀՀ ՊՆ «Գարեգին Նժդեհ» մեդալով:
Այլ
- Գանձասարի Հովհաննես Մկրտիչ եկեղեցում 1989-ի հոկտեմբերի 1-ին, 70 տարվա ընդմիջումից հետո, առաջին անգամ պատարագ է մատուցել:
- Մասնակցել է ԼՂՀ գրեթե բոլոր շրջանների ինքնապաշտպանական և ազատագրական մարտերին, օրհնել ազատամարտիկներին, անմիջական մասնակցություն ունեցել Շուշիի ազատագրմանը:
- Կազմակերպել է Շուշիի Սուրբ Ամենափրկիչ (Ղազանչեցոց) եկեղեցու վերականգնման աշխատանքները:
- Պարգև արքեպիսկոպոս Մարտիրոսյանի խմբագրությամբ հրատարակվում է Արցախի թեմի «Գանձասար» ամսագիրը:
- Հրատարակել է եկեղեցական մեկնությունների վերաբերյալ աշխատություններ:
Նկարներ
Տեսանյութեր
Հրապարակումներ մամուլում
Տե՛ս նաև
- Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ:
- Սենոր Հասրաթյան, “Ոսկե արծիվ” շքանշանի ասպետները, Երևան, “Տիգրան Մեծ” հրատարակչություն, 2015: