Բովանդակություն

Կենսագրություն

Ծնվել է 1945թ. մայիսի 2-ին Արցախի Մարտակերտի շրջանի Հաթերք գյուղում:

1963թ. ավարտել է Հաթերքի միջնակարգ դպրոցը:
1969թ. ավարտել է Երևանի պետական բժշկական ինստիտուտը:
1972թ. և 1978թ. վերապատրաստվել է Լենինգրադի բժիշկների կատարելագործման ինստիտուտում:
1986թ. վերապատրաստվել է Երևանի բժիշկների կատարելագործման ինստիտուտում:

1969-1970թթ.՝ ՀՀ Կապանի շրջանային բուժմիավորման գլխավոր բժիշկ:
1970-1977թթ.` Մարտակերտի շրջանի Լենինավանի տեղամասային հիվանդանոցի գլխավոր բժիշկ և վիրաբույժ:
1977-1980թթ.՝ Մարտակերտի շրջանային հիվանդանոցի վիրաբույժ ապա՝ տնօրենի բուժ. գծով տեղակալ:
1986-2007թթ.՝ Մարտակերտի շրջանային հիվանդանոցի գլխավոր բժիշկ, տնօրեն:
2000թ. հունիսի 18-ին Մարտունու թիվ 31 ընտրատարածքից ընտրվել է ԼՂՀ 3-րդ գումարման Ազգային ժողովի պատգամավոր: Եղել է պաշտպանության, անվտանգության և օրինապահպանության հարցերի մշտական հանձնաժողովի անդամ:
2005թ. հունիսի 19-ին Հաթերքի թիվ 15 ընտրատարածքից ընտրվել է ԼՂՀ 4-րդ գումարման Ազգային ժողովի պատգամավոր: Եղել է սոցիալական ոլորտի հարցերի մշտական հանձնաժողովի անդամ:
2007-2010թթ.՝ Մարտակերտի շրջվարչակազմի ղեկավար:
2011թ.-ից՝ Մարտակերտի շրջանային հիվանդանոցի վիրաբուժական բաժնի վարիչ:

1993թ.՝ ՊԲ բժշկական ծառայության կապիտան:
Պարգևատրվել է «Մարտական ծառայություն» մեդալով (ԼՂՀ նախագահի թիվ 66 հրամանագիր 01.09.2006թ.):
Պարգևատրվել է «Վաչագան Բարեպաշտ» մեդալով (ԼՂՀ նախագահի թիվ 28-Ա հրամանագիր 04.05.2012թ.):
Պարգևատրվել է ԼՂՀ «Մայրական երախտագիտություն Արցախի քաջորդիներին» հուշամեդալով:
Պարգևատրվել է Հայաստանի երկրապահի հուշամեդալով:
Պարգևատրվել է ՌԴԿԿ ԿԿ «Дети войны » մեդալով:
ԼՂՀ վաստակավոր բժիշկ:

1988թ. սկզբից եղել է Ղարաբաղյան շարժման ակտիվ մասնակից, շրջանի ինքնապաշտպանության շտաբի անդամ:
1988–1994-ին Մարտակերտի շրջանային կենտրոնական հիվանդանոցում և ռազմաճակատի առաջին գծի (Մարտակերտ, Մարտունի, Քելբաջար ևն) ռազմադաշտային շարժական հոսպիտալներում բուժել և վիրահատել է հարյուրավոր վիրավոր ազատամարտիկների ու խաղաղ բնակիչների:
Հաթերքում ստեղծել է հիմնադրամ, հայրենակիցների համատեղ ուժերով կառուցել են արցախյան պատերազմում զոհված հաթերքցի ազատամարտիկների հուշահամալիր:

Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ:
ՕՀԱՆՅԱՆ ՍԵՐԳԵՅ ՄՌԱՎԻ: