| Մուրադյան Արթուր Մուշեղի | |
| |
| Հայերեն: | Մուրադյան Արթուր Մուշեղի |
| Ծննդյան տարեթիվը: | 01.01.1958 |
| Ծննդավայրը: | Բերդ, Հայաստանի Հանրապետություն |
| Համառոտ տվյալներ: Քիթկոկորդականջաբան: | |
Բովանդակություն
Կենսագրություն
Ծնվել է 1958թ. հունվարի 1-ին Հայաստանի Հանրապետության Տավուշի մարզի Բերդ քաղաքում:
Կրթություն
- 1980թ. ավարտել է Երևանի պետական բժշկական ինստիտուտը:
- 1990թ. ավարտել է Մոսկվայի բժիշկների կատարելագործման ինստիտուտի ասպիրանտուրան:
Աշխատանքային գործունեություն
- 1980-1999թթ.՝ աշխատել է Շամշադինի կենտրոնական շրջանային հիվանդանոցում, Երևանի Ա. Միքայելյանի անվան վիրաբուժության ինստիտուտում:
- 1999թ.-ից` Երևանի 3-րդ քաղաքային կլինիկական հիվանդանոց, միաժամանակ` ՀՀ առողջապահության նախարարության Առողջապահության ազգային ինստիտուտի քիթկոկորդականջաբանության ամբիոնի դոցենտ:
Ձեռքբերումներ
- 1985թ.՝ բժշկական ծառայության պահեստի կապիտան:
- 1990թ.՝ բժշկական գիտությունների թեկնածու:
- Բազմաթիվ շնորհակալագրեր է ստացել ԼՂՀ ՊՊԿ ռազմական բուժծառայության վարչությունից և ՀՀ առողջապահության նախարարությունից:
Այլ
- 1988–1992-ին կամավոր մեկնել է ՀՀ Շամշադինի շրջան, Ստեփանակերտ. կենտրոնական շրջանային, մարզային և մանկական հիվանդանոցներում ու կենտրոնական զինվորական հոսպիտալում մասնակցել է հիվանդ, վիրավոր ազատամարտիկների և խաղաղ բնակիչների բուժսպասարկման աշխատանքներին:
- Վիրահատել է հարյուրավոր ազատամարտիկների:
- Աշխատությունները վերաբերում են քթի և հարքթային խոռոչների հիվանդությունների առանձին հարցերին և դրանց բուժմանը:
Նկարներ
Տե՛ս նաև
- Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ: