Աբրահամով Այվազ

Աբրահամով Այվազ
Абрамов Айваз
Այլ անուններ:	Ավրամով Էյվաս, Իվազ
Անգլերեն:	Abrahamov Ayvaz
Հայերեն:	Աբրահամով Այվազ
Մահվան տարեթիվը:	1725
Մահվան վայրը:	Ռեշտ, Իրան
Համառոտ տվյալներ: XVIII դարի 1-ին քառորդի հայ ազգային-ազատագրական շարժման գործիչ:

Բովանդակություն

Կենսագրություն

Մահացել է 1725թ. Իրանի Ռեշտ քաղաքում:

Աշխատանքային գործունեություն

• 1707թ. ցարական արքունիքի հանձնարարությամբ զբաղվել է Իսրայել Օրու դեսպանության՝ Պարսկաստան կատարվելիք ուղևորության կազմակերպմամբ:
• 1718թ. Ռուսաստան է տարել Մինաս Վարդապետին և Պետրոս I-ին հղված Եսայի Հասան-Ջալալյանի նամակները, որոնցով խնդրվում էր արագացնել ռազմական օգնությունը հայերին:
• 1722-1725թթ. Պետրոս I-ի պարսկական արշավանքի ժամանակ շամախեցի հայերից կազմած իր ջոկատով միացել է գնդապետ Ն.Մ. Շիպովի զորքերին, նրանց հետ մասնակցել Ռեշտի գրավմանը: Այստեղ նրա ջոկատը միավորվել է Պետրոս դի Սարգիս Գիլանենցի և Ադազար դի Խաչիկ Ախիջանենցի ջոկատների հետ (Հայկական էսկադրոն):

Այլ

• Եղել է Իսրայել Օրու և Մինաս Վարդապետի զինակիցը:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• «Ժամանակագրութիւն Պետրոս դի Սարգիս Գիլանէնցի», «Կռունկ Հայոց աշխարհին», Թիֆլիս, 1863, № 2-3:
• Эзов Г. А., Сношения Петра Великого с армянским народом, СПБ, 1898.
• Хачатрян А. Н, Армянские войско в XVIII в.. Из истории армяно-русского военного содружество. Е., 1968.