| Աբրահամյան Ռազմիկ Արշալույսի | |
| Абрамян Размик Аршалуйсович | |
| |
| Անգլերեն: | Abrahamyan Razmik |
| Հայերեն: | Աբրահամյան Ռազմիկ Արշալույսի |
| Ծննդյան տարեթիվը: | 24.08.1943 |
| Ծննդավայրը: | Սուլդա, Վրաստան |
| Համառոտ տվյալներ: Մանկաբարձ-գինեկոլոգ: | |
Բովանդակություն
Կենսագրություն
Ծնվել է 1943թ. օգոստոսի 24-ին Վրաստանի Ախալքալաքի շրջանի Սուլդա գյուղում:
Կրթություն
- 1960թ. ավարտել է Սուլդա գյուղի միջնակարգ դպրոցը։
- 1967թ. ավարտել է Երևանի բժշկական ինստիտուտը (ԵԲԻ):
- 1971-1973թթ. սովորել է Մանկաբարձության և գինեկոլոգիայի համամիութենական գիտահետազոտական ինստիտուտի կլինիկական օրդինատուրայում:
Աշխատանքային գործունեություն
- 1967-1973թթ.՝ Վեդիի ավանում աշխատել է որպես բժիշկ, մանկաբարձ-գինեկոլոգ, պոլիկլինիկայի վարիչ:
- 1973-1975թթ.՝ Մանկաբարձության և գինեկոլոգիայի համամիութենական գիտահետազոտական ինստիտուտի մանկաբարձ-գինեկոլոգ:
- 1975-1988թթ.՝ Հանրապետական կլինիկական հիվանդանոցի վիրաբուժական գինեկոլոգիայի բաժանմունքի վարիչ:
- 1990-1992թթ.՝ ԵԲԻ մանկաբարձության և գինեկոլոգիայի N2 ամբիոնի վարիչ:
- 1993թ.-ից՝ Պերինատոլոգիայի, մանկաբարձության և գինեկոլոգիայի գիտական կենտրոնի հիմնադիր-տնօրեն:
- 1995-1998թթ.՝ ՀՀ գլխավոր մանկաբարձ-գինեկոլոգ:
- 1996թ.՝ ՀՀ կանանց վերարտադրողական առողջության ազգային ծրագրի գործադիր-տնօրեն:
- 1998թ.՝ ՀՀ մանկաբարձ-գինեկոլոգների և նեոնատոլոգների ընկերակցության նախագահ:
- 2002թ.-ից՝ ՀՀ առողջապահության նախարարի խորհրդական՝ ծննդօգնության գծով:
Ձեռքբերումներ
- 1992թ.՝ բժշկական գիտությունների դոկտոր, պրոֆեսոր:
- 1997թ.՝ Վրաստան բժշկական և սոցիալական ակադեմիայի անդամ:
- 2000թ.՝ ՀՀ ԳԱԱ թղթակից անդամ:
- 2000թ.՝ ՀՀ Մխիթար Հերացու մեդալ:
- 2002թ.՝ «Եվրամիության XXI դար» նախագծի «Մալթայան խաչ XXI դարի առաջնորդ» շքանշան:
- 2002թ.՝ ՀՀ կառավարության դիպլոմ:
- 2004թ.՝ ՀՀ նախագահի մրցանակ:
- 2004թ.՝ ՀՀ կառավարության դիպլոմ` Ծառայության պլանի ապահովման բնագավառում ձեռք բերած նշանակալի արդյունքների և որակի կառավարման արդյունավետ մեթոդների ներդրման համար:
- 2004թ.՝ ՄԱԿ-ի կողմից վերարտադրողական առողջության ոլորտում ներդրման համար Համաշխարհային լիդերի կոչում:
- 2006թ.՝ Վարչապետի, ՀՀ կրթության և գիտության նախարարության հուշամեդլաներ:
- 2007թ.՝ ՀՀ վարչապետի հուշամեդալ՝ (Հայկական բանակի կազմավորման 15-ամյակի առթիվ և արցախյան ազատամարտի ընթացքում բժշկական օգնոււթյուն ցուցաբերելու գործում ունեցած ակտիվ մասնակցության համար):
- 2009թ.՝ ՀՀ վաստակավոր բժիշկ:
- 2010թ.՝ Երևանի պետական բժշկական համալսարանի Առաջին աստիճանի շքանշան:
- 2011թ.՝ ՀՀ ՊՆ «Ծովական Հ.Ս. Իսակով» մեդալ և «ՀՀ Զինված Ուժերի 20 տարի» հոբելյանական մեդալ:
- Տեղեկատվական միջազգային ակադեմիայի անդամ:
- Միջազգային ակադեմիական ընկերության անդամ:
- Երևանի պետական բժշկական համալսարանի գիտական խորհրդի անդամ:
Այլ
- ՀՀ-ում պերինատոլոգիայի հիմնադիրն է:
- ՀՀ-ում հիմնադրել է փորձանոթային բեղմնավորման և գինեկոլոգիական ընդերադիտման վիրաբուժությունը:
- Աշխատանքները վերաբերում են ՀՀ-ում կանանց վերարտադրողական առողջության, մոր և պտղի բժշկության, գինեկոլոգիական հիվանդությունների կանխարգելման, ախտորոշման և բուժման հարցերին, գենոֆոնդի առողջացմանը, ծնելիության, բնական աճի ավելացմանը:
- Ունի շուրջ 360 գիտական աշխատանք, որոնցից 90-ը տպագրվել են արտասահմանյան գիտական հանդեսներում, 5 դասագիրք, 9 ձեռնարկ, 3 մենագրություն, 8 գյուտ և հայտնագործություն: Ղեկավարել է 9 դոկտորական և 19 թեկնածուական ատենախոսություն: Նրա ջանքերով ստեղծվել են մի շարք գործնական և գիտական ծրագրեր արտասահմանյան գործընկերների հետ:
Տեսանյութեր
Հրապարակումներ մամուլում
- Առողջապահության նախարար. «Մայրական մահացությունները շատ խիստ են հսկվում», Առավոտ – Լուրեր Հայաստանից:
- Շտապ Գյումրի է ժամանել Հայաստանի գլխավոր մանկաբարձ-գինեկոլոգը, Առավոտ – Լուրեր Հայաստանից:
- Մայրական մահացության հիմնական պատճառը հետծննդյան արյունահոսություններն են, Առավոտ – Լուրեր Հայաստանից:
- Ռազմիկ Աբրահամյան. Հայաստանում 100 000 նորածիններին 25-28 մահ է բաժին ընկնում, Պանարմենիան:
Տե՛ս նաև
- Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
- Айриян А. П. Армянские учёные-медики. - Ер., 1998 - 276 с.
- Ռազմիկ Աբրահամյան, Med-Practic:
- Ռազմիկ Աբրահամյան, Ջավախքի նշանավոր մարդիկ:
- Աբրահամյան Ռազմիկ, Doctors.am:
- Երևանի պետական բժշկական համալսարան, Մանկաբարձության և գինեկոլոգիայի թիվ 2 ամբիոն:
- Ռազմիկ Աբրահամյան, ՀՀ ԳԱԱ պաշտոանական կայք: