| Գրիգորյան Գևորգ Վահանի | |
| |
| Հայերեն: | Գրիգորյան Գևորգ Վահանի |
| Ծննդյան տարեթիվը: | 24.11.1951 |
| Ծննդավայրը: | Երևան, Հայաստանի Հանրապետություն |
| Համառոտ տվյալներ: Վիրաբույժ: | |
Բովանդակություն
Կենսագրություն
Ծնվել է 1951թ. նոյեմբերի 24-ին Հայաստանի Հանրապետության Երևան քաղաքում:
Կրթություն
- 1979թ. ավարտել է Տոմսկի (Ռուսաստան) բժշկական ինստիտուտը:
Աշխատանքային գործունեություն
- 1970-1972թթ.՝ ծառայել է ԽՍՀՄ ԶՈՒ-ում:
- 1979-1986թթ.՝ աշխատել է Կրասնոյարսկի երկրամասում (Ռուսաստան):
- 1986թ.-ից` աշխատել է Երևանի «Էրեբունի» բժշկական կենտրոնում:
Ձեռքբերումներ
- 1980թ.՝ բժշկական ծառայության պահեստի ավագ լեյտենանտ:
- Պարգևատրվել է ՀՀ «Մխիթար Հերացի» մեդալով:
- Պարգևատրվել է ԼՂՀ «Մայրական երախտագիտություն Արցախի քաջորդիներին» հուշամեդալով:
- Պարգևատրվել է ԼՂՀ «Մարտական ծառայության համար» մեդալով:
Այլ
- «Սպիտակ» փրկարարական ջոկատի անդամ (1989):
- 1988-ի դեկտեմբերի 7-ի Սպիտակի երկրաշարժի ժամանակ մասնակցել է աղետի գոտու փրկարարական աշխատանքներին:
- 1989–1991-ին մասնակցել է Գետաշենի ենթաշրջանի, Հադրութի, Մարտակերտի շրջանների ինքնապաշտպանական և ազատագրական մարտերին:
- Աշխատել է Չլդրանի, Դրմբոնի, Առաջաձորի, Ֆիզուլիի ռազմադաշտային շարժական հոսպիտալներում` բուժօգնություն ցույց տվել հարյուրավոր վիրավոր ազատամարտիկների և խաղաղ բնակիչների:
- 1991-ի մայիսի 7-ին ԽՍՀՄ ՆԳ զինվորների աջակցությամբ Ադրբեջանի ՄՀՆՋ-ականները Գ. Գրիգորյանին Ս. Հակոբքյոխվյանի և Վ. Խաչատրյանի հետ պատանդել են, տեղափոխել Կիրովաբադի բանտ, ենթարկել կտտանքների: Ազատվել է Կարմիր խաչի ընկերությունների, միջազգային հասարակական կազմակերպությունների, անհատ գործիչների միջամտությամբ:
Տե՛ս նաև
- Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ:
- Դժոխքից վերադարձ կա, Երևան, 1997:
- Թաթուլը, Երևան, 2000: