| Մսերյան Լևոն Զարմայրի | |
| Мсерян Левон Зармайрович | |
| |
| Անգլերեն: | Mseryan Levon |
| Հայերեն: | Մսերյան Լևոն Զարմայրի |
| Ծննդյան տարեթիվը: | 21.04.1867 |
| Ծննդավայրը: | Մոսկվա, Ռուսաստան |
| Մահվան տարեթիվը: | 03.01.1933 |
| Մահվան վայրը: | Մոսկվա, Ռուսաստան |
| Համառոտ տվյալներ: Լեզվաբան, հնագետ, պատմաբան: | |
Բովանդակություն
Կենսագրություն
Ծնվել է 1867թ. ապրիլի 21-ին (մայիսի 3-ին) Ռուսաստանի Մոսկվա քաղաքում:
Մահացել է 1933թ. հունվարի 3-ին Ռուսաստանի Մոսկվա քաղաքում:
Կրթություն
- Ավարտել է Սոսկվայի Լազարյան ճեմարանը:
- 1890թ. ավարտել է Մոսկվայի պետական համալսարանի պատմաբանասիրական ֆակուլտետը:
Աշխատանքային գործունեություն
- Մինչն 1893թ. համեմատական լեզվաբանություն և իրանական լեզուներ է դասավանդել Լազարյան ճեմարանում:
- 1893-1905թթ. և 1915թ.-ից հին պարսկերեն, սանսկրիտ և հին հունարեն է դասավանդել ՄՊՀ-ում:
- 1905-1915թթ.՝ Վարշավայի համալսարանի համեմատական քերականության ամբիոնի վարիչ, դասախոս:
- Եղել է Մոսկվայի կերպարվեստի թանգարանի հիմնադիրներից (գիտքարտուղար):
Ձեռքբերումներ
- 1901թ.՝ բանասիրական գիտությունների դոկտոր:
- 1905թ.՝ պրոֆեսոր:
Այլ
- [Չինարով Ռուբենսի (Մսերյան Ռուբեն) եղբայրը և Զ.Մ. Մսերյանի որդին:
- Մսերյսնը հայագիտական և բարբառագիտական զեկուցումներով հանդես է եկել Փարիզի (1897), Հռոմի (1898), Համբուրգի, Աթենքի և արևելագիտական այլ կոնգրեսներում։
- Հոկտեմբերյան հեղափոխությունից հետո ակտիվորեն մասնակցել է խորհրդային գիտական-հասարակական կյանքին։
- Զբաղվել է հայերենի այբուբենի, Մովսես Խորենացու, Վանի արձանագրությունների և հայերենում դրանց բառային ու ածանցային տարրերի, հնդեվրոպական լեզուների համեմատական հնչյունաբանության, բայական թեքման, եգիպտա-արամեական պապիրուսների և հին պարսկերենի, գոթերենի համեմատական քերականության հարցերով։
- «Հայ բարբառագիտության ուսումնասիրություններ» աշխատության մեջ Մսերյանը քննության հիմքում դրել է բարբառների համեմատական հնչյունաբանությունը, այս տեսանկյունով էլ ուսումնասիրել է Մշո բարբառի հնչյունները, ձևաբանությունը, բառագիտությունն ու շարահյուսությունը։
Մատենագիտություն
- Մսերյան Լ.Զ., Հայ բարբառագիտության ուսումնասիրություններ (ռուսերեն), հատոր 1, 2, 1897,1901:
Տե՛ս նաև
- Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.2, Ճաղարյան-Ֆրիկ, 2007:
- ԵՊՀ Հայագիտական հետազոտությունների ինստիտուտ. Մսերյան Լևոն: